Mateu 21:39 - ciNyungwe Bibliya

³⁹ Na tenepo iwo adam'phata aciyenda naye kunja kwa munda ndipo adamupha.

Mateu 21:39 Referans Kwoze

Mabasa ya Atumiki 2:23

Munthu umweyu mudam'pasidwa na cakulinga cakutalidwa ndipo mwakudziwika kale na Mulungu. Imwepo mwakuthandizidwa na wanthu wakuipa mudam'khomerera pam'tanda mucimupha.

Tiyago 5:6

Imwepo mudapasa mulandu na kupha wakulungama, iye alibe kukulambizani.

Mabasa ya Atumiki 7:52

Nguponi wa apolofita omwe makolo yanu yalibe kumufambira m'mbuyo? Iwo adapha wale omwe akhalewa-kale bza kubwera kwa Wakulungama, omwe imwe tsapano mwamusandulikira mucimupha,

Juwau 18:12

Na tenepo mthithi wa acikunda ule, pabodzi na mkulu wawo, na alindiri wa aJuda, adaphata Jezu, acim'manga.

Mateu 26:57

Ndipo omwe adamanga Jezu adam'tenga aciyenda naye kunyumba ya Kaifasi m'kulu wa anyantsembe, komwe akhadatsonkhana adziwi wa Mtemo na akulu wa aJuda.

Mabasa ya Atumiki 5:30

Mulungu wa makolo yathu adalamusa Jezu, omwe imwe mudam'manika pam'tanda mucimupha.

Mabasa ya Atumiki 4:10

Tsapano imwe mwentse na mbumba ya Ijirayeri, dziwani kuti mudzina la Jezu Krixtu wa kuNazareta, omwe imwe mudakhomerera pam'tanda, omwe Mulungu adalamusa kwa wakufa, kudzera mudzina lace mwamuna omwe ali patsogolo panuyu wapolesedwa.

Juwau 18:24

Anazi adatumiza Jezu ali wakumanga kwa Kayafa, mkulu wa anyantsembe.

Mateu 26:50

Jezu adam'bvundza kuti: “Xamwali, wabwera kudzacita ciyani?” Pamwepo iwo adafendera ndipo adam'phata acim'manga.

Mateu 21:38

“Tsono pomwe alimi adawona mwanayo, adauzana kuti: ‘Umweyu ni nyautaka. Bwerani timuphe ndipo titenge utaka bwace’.

Mateu 21:40

“Na tenepo akabwera mwenekaciro wa munda an'dzacita ciyani na alimi wale?”