Luka 9:20 - ciNyungwe Bibliya

²⁰ Jezu dawabvundza kuti: “Kodi imwepombo mumbalewa kuti ndine yani?” Pedru adatawira kuti: “Ndimwe Krixtu wa Mulungu”.

Luka 9:20 Referans Kwoze

Juwau 7:41

Anango akhalewa kuti: “Umweyu ni Krixtu”. Tsono anango akhati: “Krixtu an'dzacokera ku Galireya?

Juwau 4:29

“Bwerani mudzawone mwamuna omwe andiuza bzentse bzomwe ndimbacita. Kodi ndiye lini Krixtu?”

Mabasa ya Atumiki 17:3

acimbawauza na kutsimikiza kuti bzikhafunika kuti aboneresedwe ndipo alamusidwe kwa wakufa. Ndipo akhambati: “Jezu umweyo omwe ndiri kufotokoza ndiye Krixtu”.

Mabasa ya Atumiki 9:22

Tsono Saulo akhalimbisidwa mwakunyanya ndipo akhacitisa ndzodzo aJuda omwe akhakhala muDamaxko, akhawatsimikizira kuti Jezu ni Krixtu.

Juwau 20:31

Tsono ibzi bzidanembedwa kuti mukhulupirire kuti Jezu ni Krixtu, Mwana wa Mulungu, ndipo kuti mungam'khulupirira mukhale na moyo m'dzina lace.

Juwau 11:27

Iye adati: “Inde Mbuya, ndinkhulupirira kuti imwe ndimwe Krixtu, Mwana wa Mulungu, omwe akhadikhiridwa pa dziko la pansi”.

Juwau 4:42

Ndipo wakhambamuuza mkaziyo aciti: “Takhulupirira tsapano ni thangwe rini ra kulewa kwako kokha. Ife-pano tabva tekha ndipo tadziwa kuti iye ndiye cadidi mpulumusi wa dziko”.

Juwau 1:49

Pamwepo Natanyeri adatawira aciti: “Misiri, iwepo ndiwe mwana wa Mulungu! Ndiwe Mambo wa kuIjirayeri!”

Juwau 1:41

Iye pakutoma adagumana Simau mbale wace, acimuuza aciti: “Ndagumana Mesiya!” (Mesiya bzicilewa kuti Krixtu.)

Maliko 8:29

Pamwepo Jezu adawabvundza kuti: “Kodi imwepo, mumbati ndine yani?” Pedru adamutawira kuti: “Imwe ndimwe Krixtu”

1 Juwau 5:1

Wentse ule omwe an'tawira kuti Jezu ni Krixtu ni wakubadwa mwa Mulungu, ndipo wentse ule omwe ana lufoi na Baba ana lufoimbo na omwe ni wakubadwa mwa babayo.

Mabasa ya Atumiki 8:36

Ndipo pakufamba munjira, adafika mbuto inango yomwe ikhana madzi. Ngomwayo idati: “Wona, pano pana madzi. Ni ciyani cingaletse kuti ndibatizidwe?”

Luka 22:67

Ndipo iwo adamubvundza kuti: “Penu iwepo ndiwe Krixtu, tiuze”. Pamwepo Jezu adatawira kuti: “Napo ndicikuuzani imwepo mun'bvuma lini

Maliko 14:61

Jezu adanyamala. Alibe kudzatawira pomwe. Pamwepo mkulu wa azibaba wa ntsembe ule adabvundza pomwe kuti: “Kodi ndiwe Krixtu Mwana wa Mulungu wakusimbiwa?”

Mateu 22:42

“Imwepo mun'kumbuka ciyani bza Krixtu? Kodi iye ni mwana wayani?” Iwo adatawira kuti: “Ni mwana wa Davidi”.

Mateu 5:47

Ndipo mungamusana na abale wanu okha basi, n'ciyani comwe mumbacita cakuposa anango? Nakuti wakusaya kupemba Mulungu ambacitambo bzimwebzi.

Mateu 26:63

Tsono Jezu adapitiriza kunyamala. M'kulu wa anyantsembe adamuuza kuti: “Ine nin'funa kuti Iwepo ulumbire mudzina la Mulungu wamoyo, tiuze penu Iwe ndiwe Krixtu, Mwana wa Mulungu”.

Luka 9:19

Iwo adatawira aciti: “Anango ambalewa kuti ndimwe Juwau M'batizi. Anango ambalewa kuti ndimwe Eriya. Ndipombo anango ambalewa kuti ndimwe mpolofita wakale-kale omwe adafa acimuka”.