Luka 7:22 - ciNyungwe Bibliya

²² Ndipo Iye adawatawira aciti: “Bwererani mukauze Juwau bzomwe mwawona na kubva kuti: Azimola alikuwona, wakulemala alikufamba, wamapere alikupolesedwa, nkhuthwi zirikubva, wakufa alikulamusidwa ndipo mafala yabwino yalikupalidzidwa kwa wakusauka.

Luka 7:22 Referans Kwoze

Luka 4:18

“Mzimu wa Mbuya uli pana ine, thangwe Iye wandidzoza kuti ndipalidze mafala yabwino kuna wakusauka. Iye adandituma kuti ndidziwise kutsudzulidwa kuna anyakumangidwa ndipo kuwona kwa azimola, kudzatsudzula wakupondereredwa,

Tiyago 2:5

Tetekerani, abale wangu wakufunidwa! Kodi Mulungu alibe kusankhula omwe ambawonedwa na dziko kuti ni wakusauka, kuti akhale nyakudala mucikhulupiriro ndipo atambire umambo bomwe Iye adapicira kwa wale omwe ambafuna?

Mateu 21:14

Azimola na wakupunduka adafendera kuna Iye panyumba ya Mulungu, ndipo Iye adawalimbisa.

Mabasa ya Atumiki 26:18

kuti ukawafungule maso acitendeuka kucoka kum'dima kuyenda kuceza, na m'manja mwa Sathani kuyenda kuna Mulungu, kuti akatambire kulekereredwa kwa kuphonyera Mulungu na utaka pakati pa wakupambulidwa kucokera kucikhulupiriro mwa Ine’.

Luka 7:21

Panthawe imweyo Jezu adalimbisa azinji wa kuwawidwa, wa matenda yakugopsa na wa mizimu yakuipa. Ndipo adafungula maso azinji omwe akhali azimola.

Mabasa ya Atumiki 8:7

Thangwe mizimu yakuipa ikhacoka mwa azinji, icimbakuwa, ndipo bzirema na mabundukutu azinji adapolesedwa.

Juwau 1:46

Natanyeri adabvundza kuti: “Kodi kuNazareta, kungabwerembo cinthu ca bwino?” Filipi adam'tawira aciti: “Tiyende ukawone!”

Mateu 11:5

Azimola ali kuwona, wakupunduka alikufamba, wamapere ali kupolesedwa, nkhuthu zirikubva, wakufa ali kulamusidwa, ndipo wakusauka alikupalidziridwa Mafala Yabwino.

Luka 7:23

Ndipo wakusimbidwa ni ule omwe ambaipidwa lini thangwe ra Ine”.