Luka 23:40 - ciNyungwe Bibliya

⁴⁰ Tsono kambowa winangoyo adamutsimula, adati: “Kodi iwepo ulibe mantha na Mulungu, napo Iye acipasidwa nyathwa ibodzi-bodzi na ife?

Luka 23:40 Referans Kwoze

Cidziwiso 15:4

Mbani an'dzasaya kugopa Imwe, Mbuya? Mbani an'dzasaya kutumbiza dzina lanu? Nakuti Imwe mwekha ndimwe wakucena. Madziko yentse yan'dzabwera patsogolo panu ndipo yan'dzakutumbizani, nakuti mabasa yanu yakulungama yadawoneka padeca”.

aEfezo 5:11

Lekani kucita mbali ku mabasa ya kusaya bzisapo ya mum'dima, tsono yaikheni pa ceza.

Luka 12:5

Tsono Ine nin'dzakulatizani omwe an'funika kugopedwa: Gopani Ule omwe, akamala kupha thupi, ana mphambvu za kuthusa mudindi la moto. Cadidi-letu, Ine nin'kuuzani kuti, Umweyo m'gopeni.

Cidziwiso 16:11

ndipo akhatukwana Mulungu wa kudzulu, thangwe la kuwawidwa na bzironda bzawo. Tsono adalamba kusiya mabasa yomwe iwo akhacita.

Mateu 8:26

Ndipo Iye adawabvundza aciti: “Thangwe ranyi imwepo muna mantha kwene-kwene, amuna wacikhulupiriro cakucepa?” Pamwepo Iye adamuka acitsimula condzi na mabimbi ndipo kudakhala bwino letu.

Luka 23:39

Ndipo m'bodzi wa akambowa omwe akhadakhomereredwambo akhatukwana Jezu kuti: “Kodi iwepo ndiwe lini Krixtu? Bzipulumuse wekha na ifembo!”.

Luka 23:41

Ife-pano tapasidwa nyathwa yakuthemera na bzomwe tacita. Tsono munthuyu alibe kucita cinthu cakuipa”.

Mateu 20:9

“Adabwera akapolo omwe adapitisidwa nthawe zixanu za kumaulo ndipo adatambira kobiri ya parata ibodzi munthu ali-yentse.