Jenesisi 49:8 - ciNyungwe Bibliya

⁸ “Juda, abale wako an'dzakulemekeza. Un'dzakhwipa m'khosi anyamadulanthaka wako, wana wa baba wako an'dzakugodamira iwe.

Jenesisi 49:8 Referans Kwoze

aHeberi 7:14

Nakuti ni bzakudziwika kuti Mbuya wathu ni wa dzindza la Juda, dzindza lomwe Mozeji alibe kulewa bza unyantsembe.

Jenesisi 27:29

Wanthu ambakutumikire, mitundu ya wanthu ikugodamire. Ukhale wakutonga pakati pa abale wako, bzizukulu bza mai wako bzimbakugodamire. Atembereredwe wentse wakukutemberera, tsono adalisidwe wentse wakukudalisa”.

Jenesisi 29:35

Adatenga pomwe mimba, acibala pomwe mwana wacimuna, ndipo adati: “Tsapano ndin'dzatumbiza Mbuya”. Na tenepo mwanayo adamucemera Juda. Pamwepo adabakaima kubala.

Cidziwiso 11:15

Anju wacinomwe adaliza cimbututu cace ndipo kudzulu kudabveka mafala yamphambvu yakhambati: “Umambo bwa dziko la pantsi wasanduka bwa mbuya wathu na bwa Krixtu wace, ndipo Iye an'dzatonga kwakusaya kumala”.

Cidziwiso 5:5

Pamwepo m'bodzi wa akulu-akulu adandiuza kuti: “Leka kulira! Wona, Mphondolo ya dzindza la Juda, Muzi wa Davidi, adakunda kuti afungule livu na kukwatanula selo zalene zinomwe”.

aHeberi 10:13

Kuyambira pamwepo kuyenda kutsogolo, Iye alikudikhira mpaka anyamadulanthaka wace aikhidwe pantsi ninga bzakupondera minyendo yace.

Jenesisi 46:12

Wana wa Juda akhali awa: Ere, Onani, Sela, Perezi na Zera, (tsono Ere na Onani adafera ku Kanani.) Wana wa Perezi akhali awa: Hezironi na Hamuli.

Jenesisi 42:6

Ndipo pakuwona kuti Zuze akhali wakulemekezeka mkulu wakutonga dziko lentse la Ijipito, ndiye omwe akhagulisa tirigu kuna wanthu wakucokera ku mbuto zentse za dziko. Na tenepo, abale wa Zuze na iwombo adabwera, ndipo adamugodamira wacikotamisa misolo kuna Zuze.