Jenesisi 49:27 - ciNyungwe Bibliya

²⁷ “Benjamini ni mphumphi yomwe imbagwata-gwata macibese imbakhabvula m'sodzo, ndipo maulo imbagawa bzomwe yidaphatabzo”.

Jenesisi 49:27 Referans Kwoze

Jenesisi 46:21

Wana wa Benjamini akhali awa: Bela, Bekara, Asibele, Gera, Naamani, Ehi, Rosi, Mupimu, Hupimu na Aridi.

Jenesisi 35:18

Ndipo Rakeli ali pafupi kufa, acimalizika, adamucemera mwanayo Benoni, tsono baba wace adamucemera Benjamini.

aFiripi 3:5

Ndidacitidwa msinda wa mgwato pantsiku ya cisere ndatabadwa, ndine wa mbumba ya Ijirayeri, dzindza la Benjami, muHeberi wacadidi. Mbali ya kuteweza Mtemo wa Mozeji, ine ndinembo mufalizi.

Mabasa ya Atumiki 20:29

Nin'dziwa kuti patsogolo pa kucoka kwangu, mphumphi za ukali zin'dzapita pakati panu ndipo zin'dzalireka lini gululo.

Mabasa ya Atumiki 9:1

Ndipo Saulo, pakupitiriza na ukali bwakugosva na kufuna kupha ateweri wa Mbuya, adayenda kuna m'kulu wa anyantsembe,

Mabasa ya Atumiki 8:3

Tsono Saulo akhayezera kupfudza Gereja, pakumbayenda nyumba na nyumba acimbamanga amuna na akazi aciwaikha m'kawoko.

Mateu 10:16

“Ine ndirikukutumani ninga mabira pakati pa mphumphi. Na tenepo khalani wakucenjera ninga nyoka ndipo wakusaya cakuipa ninga nkhangaiwa.

Mateu 7:15

“Khalani na cheru na apolofita wakunama. Iwo ambabwera kwa imwe na mawonekedwa ninga ya bira, tsono m'kati ni mphumphi zakulusa.

Jenesisi 49:26

Madaliso ya baba wako yan'dzaposa madaliso ya azibaba wangu, mpaka padzulu pa mapiri yakuyenda-nakuyenda yakhale pamsolo pa Zuze, na pamkuma pa omwe adampambulidwa pakati pa abale wace.

Jenesisi 49:28

Aya ndiyo madzindza khumi na mawiri ya Ijirayeri, ndipo bzimwebzi ndibzo baba wawo Jakobo adawauza, pomwe adadalisa m'bodzi na m'bodzi mwa iwo kuteweza m'daliso womwe ukham'funikira.