Jenesisi 49:24 - ciNyungwe Bibliya

²⁴ Tsono uta wace udakhala wakulimba, manja yace yambalimbikisidwa, na manja ya wamphambvu wa Jakobo, omwe ni Mbusa na Mwala wa Ijirayeri.

Jenesisi 49:24 Referans Kwoze

2 Timoti 4:17

Tsono Mbuya adapitiriza kukhala na ine, ndipo adandipasa mphambvu kuti Mafala Yabwino yalewedwe mwathunthu kuna omwe ni aJuda lini wentse kuti ayabve. Ndipo ine ndidapulumusidwa pamulomo pa mphondolo.

aEfezo 2:20

mudakondzedwa pa alisese ya atumiki na ya apolofita. Jezu Krixtu ndiye adakhala mwala wa pagonyo.

Jenesisi 45:5

Ndipo tsapano lekani kutaya m'tima ngakhale kubzinesa mwekha, na thangwe la kundigulisa kuti ndibwere kuno. Nakuti Mulungu ndiye adandituma patsogolo pa imwe kuti mukhale na moyo.

aKolose 1:11

mucimbalimbikisidwa na mphambvu zentse, malingana na mphambvu zace za mbiri, kuti mukhale wakulimbikira na kupirira mwakukondwa,

aRoma 14:4

Ndiwe yani iwepo kuti upase mulandu nyagirinya wa mwenekaciro? Penu aniimirira ayai anigwa, an'dziwa ni mbuya wace. Tsono an'khala adaimirira, thangwe Mbuya ana mphambvu za kumulimbisa.

Mabasa ya Atumiki 4:11

Jezu umweyo ni: “ ‘Mwala omwe imwe, wakumanga, mudaulamba, udadzasanduka mwala wakufunika wa pagonyo’.

Luka 20:17

Tsono Jezu adawanyang'anisisa ndipo adawabvundza kuti: “Tsono, bzinilewa ciyani bzomwe bzidanembedwa kuti: “ ‘Mwala omwe wakumanga nyumba adaulamba, udakhala mwala wapagonyo’ ”.

Maliko 12:10

Kodi mulibe kulewenga bzomwe bzakunemba bzimbalewa?” Bzimbati: “Mwala omwe amisiri wakumanga nyumba adaulamba ndiwo wadzakhala mwala wakufunika.

Mateu 21:42

Jezu adawauza kuti: “Imwepo mukanati kulewenga muBzakunemba mafalaya: “ ‘Mwala omwe anyakumanga nyumba adalamba, udadzakhala mwala wa pagonyo, bzimwebzi bzidacokera kwa Mbuya, ndipo ni cinthu cakudabwisa kwa ife’.

Ekisodo 3:6

Adalewa pomwe aciti: “Ine ndine Mulungu wa makolo yako, Mulungu wa Abrahamu, Mulungu wa Izaki na Mulungu wa Jakobo”. Mozeji adabisa nkhope thangwe adagopa kunyang'anisa Mulungu.

Jenesisi 50:21

Tsapano imwe lekani thupo. Ndin'kukhongobzani pabodzi na wana wanu kubodzi”. Na tenepo adawalimbisa m'tima aciwa tsangalaza.

Jenesisi 47:12

Zuze adapereka cakudya kwa baba wace na kwa abale wace na kwa mbumba yentse, pakuteweza kuwanda kwa wana wawo.

Jenesisi 45:11

Mukadzakhala ku Goseni, ine ndin'dzakukongobzani. Magole ya njala yakalipo maxanu. Ndin'funa lini kuti imwe musauke pabodzi na banja lanu, na wentse omwe muli nawo.’

Jenesisi 45:7

Mulungu adandituma patsogolo panu kuti bzizukulu bzanu bzikoyeke pa dziko na tenepo kuti mupitirize kukhala na moyo mwa cipulumuso cikulu.

Jenesisi 48:15

Ndipo adadalisa Zuze na mafala yakuti: “Mulungu omwe makolo yangu Abrahamu na Izaki yadamutumikira, Mulungu omwe ni m'busa wa moyo wangu wentse mpaka ntsiku ya lero,

Jenesisi 49:23

Anyauta abam'boneresa, adam'thusira am'cikalipisa.