Jenesisi 43:26 - ciNyungwe Bibliya

²⁶ Pomwe Zuze adafika pa nyumba, abale wace adam'bweresera m'nyumba mphatso zomwe zikhali m'manja, ndipo adagodama pa maso pace wacitsulima mpaka pantsi.

Jenesisi 43:26 Referans Kwoze

Jenesisi 42:6

Ndipo pakuwona kuti Zuze akhali wakulemekezeka mkulu wakutonga dziko lentse la Ijipito, ndiye omwe akhagulisa tirigu kuna wanthu wakucokera ku mbuto zentse za dziko. Na tenepo, abale wa Zuze na iwombo adabwera, ndipo adamugodamira wacikotamisa misolo kuna Zuze.

aRoma 14:11

Thangwe bzidanembedwa kuti: “Mbuya alewa kuti: ‘Ine caiye ndabzirumbirira kuti patsogolo pa Ine mabondo yentse yan'dzagodama, ndipo malirime yentse yan'dzatawira kuti ndine Mulungu’”.

Jenesisi 27:29

Wanthu ambakutumikire, mitundu ya wanthu ikugodamire. Ukhale wakutonga pakati pa abale wako, bzizukulu bza mai wako bzimbakugodamire. Atembereredwe wentse wakukutemberera, tsono adalisidwe wentse wakukudalisa”.

Jenesisi 43:28

Iwo adatawira kuti: “Mtumiki wanu akana moyo, ndipo ali bwino”. Ndipo wentsenewo adamugodamira pomwe wacimkotamira pamwepo.

Jenesisi 33:3

Jakobo adatsogola, ndipo adagodama acitsulima mpaka pansi kanomwe mpaka adafika pafupi na m'bale wace.

Jenesisi 43:11

Ndipo baba wawo Ijirayeri adawauza kuti: “Penu na momwe bziriri, citani tenepo. Munthuyo mtengerenimbo bzisapo bzakukoma bza dziko lino m'mabudu mwanu kuti mukampase. Mumtengere pomwe mafuta yazinji pang'ono, uci pang'ono, mafuta yakununchira yakusiyana-siyana, mure, manduwi, ndipombo bzisapo bzinangombo.

Ekisodo 18:7

Pamwepo Mozeji adacoka acikagumana na thebzala wace, adagodama acimumpsompsona. Atamusana adapita mucikumbi.