Jenesisi 37:10 - ciNyungwe Bibliya

¹⁰ Matulo yamweya adauza pomwe baba wace pabodzi na abale wace wale. Baba wace adam'tsimula, adati: “Kodi matulo yamweya ngakutani? Kodi ulikukumbuka kuti ine, mai wakoyu pabodzi na abale wakowa, tin'dzakugodamira iwe m'paka pantsi?”

Jenesisi 37:10 Referans Kwoze

Jenesisi 27:29

Wanthu ambakutumikire, mitundu ya wanthu ikugodamire. Ukhale wakutonga pakati pa abale wako, bzizukulu bza mai wako bzimbakugodamire. Atembereredwe wentse wakukutemberera, tsono adalisidwe wentse wakukudalisa”.

Jenesisi 37:7

Tentsenefe tikhali m'munda, ndipo tikhamanga mitolo ya tirigu. Tirikumanga tenepo, m'tolo wangu udamuka uciima. Ndipo mitolo yanu ikhadauzungulira m'tolo wanguyo icimbaugodamira”.

Jenesisi 37:9

Ndipo Zuze adalota pomwe matulo yanango, adauza pomwe abale wacewo kuti: “Ndalota pomwe, ndipo ndawona dzuwa, mwezi na nyenyezi khumi na ibodzi bzicimbandigodamira”.

Jenesisi 43:26

Pomwe Zuze adafika pa nyumba, abale wace adam'bweresera m'nyumba mphatso zomwe zikhali m'manja, ndipo adagodama pa maso pace wacitsulima mpaka pantsi.

Jenesisi 43:28

Iwo adatawira kuti: “Mtumiki wanu akana moyo, ndipo ali bwino”. Ndipo wentsenewo adamugodamira pomwe wacimkotamira pamwepo.

Jenesisi 44:14

Juda na abale wace atafika kunyumba kwa Zuze, adagumana iye akalipo ndipo adakwathama pantsi pamaso pace.