Jenesisi 24:35 - ciNyungwe Bibliya

³⁵ Mbuya adamudalisa kwene-kwene mbuya wangu, ndipo adamukuza kwene-kwene. Ana mabira, mbuzi na ng'ombe zizinji. Ana pomwe minyala ya kobiri zicena na zifuira, anyankhoda wacimuna na wacikazi, ana pomwe ngamira na mabulu.

Jenesisi 24:35 Referans Kwoze

Jenesisi 24:1

Ndipo Abrahamu akhadakalamba, akhadakwanisa magole mazinji, ndipo Mbuya adam'dalisa pabzentse bzomwe akhacita.

Jenesisi 13:2

Abrahamu akhadadala kwene-kwene, pa bzifuwo ngakhale pa parata na oro.

Mateu 6:33

Tsono cakutoma, nyang'anani Umambo bwa Mulungu na cirungamo cace ndipo bzinango bzentsenebzi mun'dzabzipasidwa.

Jenesisi 25:11

Pomwe adasayika Abrahamu, Mulungu adadzadalisa mwana wace Isaki, omwe akhakhala pafupi na mcera wa Wamoyo wa Wakundiwona ule.

Jenesisi 12:2

“Iwe nin'dzakucita mbumba ikulu ndipo nin'dzakudalisa. Nin'dzacitisa mbiri dzina lako ndipo iwe un'dzakhala daliso.

1 Timoti 4:8

Sabwa kulimbisa thupi kunaphindu pang'ono, tsono moyo wakukomera Mulungu umbapasa phindu pa bzentse. Ndipo una cipiciro ca moyo uno na wakutsogolo.

Jenesisi 49:25

Na Mulungu wa baba wako omwe an'dzakuthandiza, Wamphambvu zentse omwe akudalise. Akudalise na madaliso ya kudzulu, na madaliso ya madzi ya pantsi, ndipo an'dzakudalisa pakukupasa wana azinji na bzifuwo bzizinji.

Jenesisi 12:16

Falau adamphata bwino Abrahamu thangwe la iye, ndipo Abrahamu adapasidwa mabira na ng'ombe, mabulu yacimuna na yacikazi, akapolo wacimuna na wacikazi, na ngamira.

Luka 12:45

Tsono tingalewe kuti wabasa umweyo angalewe mumtima mwace kuti: ‘Mbuya wangu ali kucedwa kubwera’, ndipo aciyamba kumenya wabasa acimuna na wacikazi, acimbadya, kumwa na kuledzera.

Jenesisi 12:3

Nin'dzadalisa omwe an'kudalisa, ndipo nin'dzatemberera omwe an'kutemberera. Kucokera mwa iwe mbumba yentse ya padziko in'dzadalisidwa”.

Jenesisi 25:5

Abrahamu adasiyira Isaki bzentse bzomwe akhanabzo.

Jenesisi 30:43

Mwa njira imweyi Jakobo adadala kwene-kwene. Adakhala na bzifuwo bzizinji, anyagrinya wacimuna na acikazi, ngamira na mabulu.