Jenesisi 18:33 - ciNyungwe Bibliya

³³ Pomwe Mbuya adamala kulewa na Abrahamu, adacoka pam'pale, Abrahamuyo adabwerera kumbuto kwace.

Jenesisi 18:33 Referans Kwoze

Jenesisi 18:22

Wanthu wale adacoka, aciyenda kuSodoma, tsono Abrahamu adasala akhali patsogolo pa Mbuya.

Jenesisi 32:26

Pamwepo mwamunayo adati: “Ndireke ndiyende, thangwe kulikucena”. Tsono Jakobo adatawira kuti: “Ndin'kusiya lini kuti uyende mpaka undidalise”.

Jenesisi 31:55

Macibese-bese, Labani adampsompsona azukulu wace wale pabodzi na wana wace wacikaziwo adawagoneka, ndipo atawadalisa adacoka acibwerera kwace.

Jenesisi 18:16

Ndipo wanthu wale adacoka, acikafika pambuto pomwe pakhawonekera Sodoma. Abrahamu adayenda nawo pabodzi, aciwalatiza njira.

Jenesisi 3:8

Pauwiri bwawo pomwe adabva fala na ntswata-tswata wa Mbuya Mulungu akhafamba-famba maulo dzuwa latapepa mmunda mule, iwo adacoka patsogolo pa Mbuya Mulungu acikabisala pakati pamiti.

Jenesisi 17:22

Pomwe Mulungu adamala kulewa, adam'siya pamwepo Abrahamu.

Jenesisi 35:13

Ndipo Mulungu adayenda acim'siya Jakobo pa mbuto yomwe akhalewa-lewa nayepo.

Jenesisi 32:1

Na iyembo Jakobo adaguduka ulendo bwace, ndipo anju za Mulungu zidagumana naye.