Jenesisi 1:3 - ciNyungwe Bibliya

³ Tsono Mulungu adati: “Kukhale ceza,” ndipo kudakhala na ceza.

Jenesisi 1:3 Referans Kwoze

2 aKolinto 4:6

Nakuti Mulungu ndiye adati: “Mum'dima mukhale na ceza”, Iye caiye adayetima m'mitima mwathu, kuti abvunikire udziwi bwa ukulu bwa Mulungu pankhope ya Krixtu.

Juwau 1:5

Ceza cikhabvunika mumdima. Mdima ulibe kucikunda.

1 Juwau 1:5

Iya ni mafala yabwino yomwe tidabva kuna Iye ndipo tidayalewa kuna imwe kuti: Mulungu ni ceza, mwa Iye mulibe m'dima na pang'onopo.

aEfezo 5:8

Thangwe kale-kale mukhali m'dima, tsapano ndimwe ceza mwa Mbuya, khalani ninga wana wa ceza,

Juwau 1:9

Cikhali ceza cacadidi comwe cidabwera padziko la pantsi kudzabvunikira wanthu wentse.

Juwau 3:19

Nyathwa njii: Mulungu adatuma ceza pa dziko, tsono wanthu adafuna mdima thangwe bzakucita bzawo na mabasa yawo bzikhali bzakuipa.

1 Juwau 2:8

Na tenepo, bzomwe ndiri kukunemberani ni Mtemo upsa, omwe ni wacadidi mwa Iye na mwa imwe, nakuti mdima uli kumala ndipo ceza ca cadidi ciri kutoya.

aEfezo 5:14

Ndipopo bzidalewedwa kuti: Muka iwe omwe udagona, lamuka pakati pa wakufa ndipo Krixtu an'dzakubvunika.

1 Timoti 6:16

Omwe ni yekha basi, wakusaya kufa ndipo ambakhala paceza cakusaya kufikika, omwe palibe munthu ali yentse adamuwona napo angamuone. Kwa Iye kukhale ulemo na mphambvu mpaka kuyenda-na-kuyenda. Amen.

Juwau 11:43

Ndipo atamala kulewa bzimwebzo, adacemera mwakukuwa aciti: “Lazalo, bula kunja!”

Mateu 8:3

Jezu adapfuthula boko, acim'khuya ndipo adati: “Nin'funa, Pola!” Pamwepo-letu iye adapolesedwa mapere.

Jenesisi 2:4

Imwei ni n'khani yo momwe bzidalengedwa, kudzulu na pantsi. Pomwe Mbuya Mulungu adalenga dziko la pantsi na bzentse bza kudzulu,