Firemoni 1:20 - ciNyungwe Bibliya

²⁰ Inde m'bale, ine ndikhafuna kutambira cabwino kwa iwe thangwe ra kukhala kwathu mwa Mbuya. Kondweresa mtima wangu mwa Krixtu.

Firemoni 1:20 Referans Kwoze

3 Juwau 1:4

Ndiribe cikondwero cikulu kuposa kubva kuti wana wangu alikufamba mucadidi.

Firemoni 1:7

Lufoi lako limbandipasa kukondwa kukulu na kunditsangalaza, thangwe iwe m'bale umbakondweresa mitima ya wakucena.

Firemoni 1:12

Ndirikumutumiza kubwerera kuna iwe ninga kuti ndatumiza mtima wangu caiwo.

1 Juwau 3:17

Penu munthu adadala ndipo akawona m'bale wace ali kubonera acisaya kum'bvera ntsisi, lingakhale tani mwa iye lufoi la Mulungu?

aHeberi 13:17

Bverani atsogoleri wanu ndipo mubziikhe pantsi pa utsogoleri bwawo. Iwo ambakukhongobzani ninga omwe an'dzatawira thangwe ranu pamaso pa Mulungu. Abvereni, kuti basa lawo likondwerese ndipo lireke kukhala cinthu cakuwang'ung'udzisa, nakuti bzimwebzi bzingakuthandizeni lini imwepo.

aFiripi 4:1

Tenepoyo abale wangu wakufunidwa, omwe ndinamwe cisuwo, imwepo ndimwe mpfatso wangu ndipo mpfupo yangu, pitirizani kukhala tenepayu kukhala ciriri mwa Mbuya, nandi wakufunidwa!

aFiripi 1:8

Mulungu ni mboni yangu pacisuwo comwe ndinaco kwa imwe mwentse, mwa lufoi likulu lomwe ndinalo kwa Krixtu Jezu.

2 aKolinto 7:13

Na bzentsenebzi tidakhala wakulimbikisidwa. Padzaulu pa kutirimbikisa, tidakondwera kwene-kwene pakuwona momwe Titu akhadakondwera, thangwe mtima wace udakondweresedwa na imwepo mwentse.

2 aKolinto 2:2

Pakuti, ndikakutsukwalisani, mbani an'dzandikondweresa kunja kwa imwepo, omwe ndirikutsukwalisa?

1 aKolinto 16:18

Iwo adakondweresa ine na imwembo. Alemekezeni wanthu ninga amwewa.