Ekisodo 23:15 - ciNyungwe Bibliya

¹⁵ “Mumbacite Cikondwereso ca pau zakusaya cakufufumisa, m'kati mwa ntsiku zinomwe dyani pau zakusaya cakufufumisa, ninga momwe Ine ndidakuuzani. Citani bzimwebzi panthawe idatalidwa ya mwezi wa Abibe pakuti mwezi umweyo ni omwe mudacoka kuIjipito. “Palibe omwe an'dzabwera kuna Ine cimanja-manja.

Ekisodo 23:15 Referans Kwoze

Luka 22:7

Ndipo idafika ntsiku ya pau zakusaya cakufufumisa, yomwe ikhafunika kuti aphedwe bira wakupereka ntsembe ya Paxkwa.

Ekisodo 34:20

Tsono bulu akadzabala mwana wakuyamba mudzamulombole na bira. Tsono mukadzasaya kumulombola mudzamupongonyole khosi. Mumbalombole wana wanu wentse wakuyamba kubadwa”. “Palibe omwe an'dzabwera cimanja-manja patsogolo pangu”.

Maliko 14:12

Pantsiku yakutoma ya msinda wa pau zakusaya cakutupisa, ntsiku yomwe wanthu akhambapha mwana wa bira pakucita cikondwereso ca Paxkwa, wakupfundzira wa Jezu adamubvundza kuti: “Kodi tikakukondzereni kuponi mbuto yakudyera uzokoto wa Paxkwa?”

Ekisodo 34:18

“Lekani kuyebwa kucita cikondwereso ca pau zakusaya cakufufumisa. Mkati mwa ntsiku zinomwe mumbadye pau zakusaya cakufufumisa, ninga momwe ndidakuuzani. Citani bzimwebzi Panthawe yace, mwezi wa Abibe, pakuti mwezi umweule iwe udacoka kuIjipito.

Ekisodo 13:4

Lero, ntsiku ya mwezi wakucemeredwa Abibu mulikucoka.

Luka 2:41

Ndipo magole yentse azibaba wace akhambayenda kuJerusalema kucikondweso ca Paxkwa.

Mabasa ya Atumiki 12:3

Pomwe adawona kuti aJuda akhakomedwa nabzo, adapitiriza acimanga pomwe Pedru. Ndipo ikhali nthawe ya cikondwereso ca pau yakusaya cakufufumisa

Ekisodo 12:2

“Umweyu kwa imwe ukhale mwezi wakuyamba kwa gole.

Ekisodo 22:29

“Lekani kucedwa kubweresa bzakupereka bza bzakubvuna bzanu. “Mundipase wana wanu wacimuna wakuyamba,

Ekisodo 13:3

Pamwepo Mozeji adauza mbumba kuti: Mumbaikumbukire ntsiku imweyi, yomwe imwe mudacoka muIjipito, m'dziko la unyagirinya, thangwe Mbuya adakucosani kumweko na boko la mphambvu. Lekani kudya na pang'onopo bzakufufumisidwa.