Ekisodo 20:2 - ciNyungwe Bibliya

² “Ine ndine Mbuya, Mulungu wako, omwe ndidakucosa kuIjipito mudziko la unyagirinya”.

Ekisodo 20:2 Referans Kwoze

Ekisodo 13:3

Pamwepo Mozeji adauza mbumba kuti: Mumbaikumbukire ntsiku imweyi, yomwe imwe mudacoka muIjipito, m'dziko la unyagirinya, thangwe Mbuya adakucosani kumweko na boko la mphambvu. Lekani kudya na pang'onopo bzakufufumisidwa.

aRoma 10:12

Na tenepo, palibe kusiyana pakati pa aJuda na omwe ni aJuda lini, pakuti Mbuya m'bodzi-mbodziyo ni Mbuya wa wentse, ndipo ambadalisa kwene-kwene wentse omwe anim'pemba,

aRoma 3:29

Kodi Mulungu ni Mulungu wa aJuda wokha basi? Ndiyembo lini wa omwe ni aJuda lini? Inde, ndiyembo wa omwe ni aJuda lini,

Ekisodo 6:6

“Na tenepo uza aIjirayeri kuti: Ine ndine Mbuya, nin'dzakucosani mubasa lakuuma lomwe aIjipito alikukuphatisani, nin'dzakupulumusani muunyagrinya bomwe mulikucitidwa na iwo, ndipo nin'dzakulombolani na boko lamphambvu ndicidzatonga na kupasa nyathwa ikulu.

Ekisodo 15:13

Na lufoi lanu lakusaya kucinja mwatsogolera mbumba yomwe mudalombola. Na mphambvu zanu Imwe mwaitenga kumbuto yanu yakucena.

Ekisodo 15:16

Kutetemera na mantha bziniwagwera, kudzera mwa mphambvu za boko lako ambakhala pulu ninga mwala, mpaka mbumba yako ipite, oh Mbuya, mpaka ipite mbumba yako yomwe udagula.

Ekisodo 15:26

aciti: “Mukabvera bwino Mbuya Mulungu wanu, mucicita bzomwe Iye an'dekedwa nabzo, mucimbateweza malamulo yace na kukoya mitemo yace yentse, nin'dzakubwereserani lini matenda yali-yentse yomwe Ine ndidabweresera aIjipito, pakuti Ine ndine Mbuya omwe nimbakupozani”.

Ekisodo 20:1

Ndipo Mulungu adalewa mafala yentseneya, aciti:

Ekisodo 29:46

An'dzadziwa kuti Ine ndine Mbuya, Mulungu wawo, omwe ndidawacosa muIjipito kuti ndikakhale pakati pawo. Ine ndine Mbuya, Mulungu wawo.

Ekisodo 13:14

“Kutsogoloko, wana wako akadzakubvundza kuti: ‘Bzinilewanyi bzimwebzi?’ Udzamutawire kuti: Mbuya adaticosa na boko la mphambvu kuIjipito, mudziko la unyagirinya.