Ekisodo 14:5 - ciNyungwe Bibliya

⁵ Adauza mambo wa muIjipito kuti mbumba yathawa. Pamwepo Falau na wakulemekezeka wace adacinja ndzeru ndipo adati: “N'ciyani comwe tacita? Talekerera aIjirayeri kuti ayende ndipo taluza anyagirinya wathu!”

Ekisodo 14:5 Referans Kwoze

Ekisodo 12:33

AIjipito akhaumiriza mbumba kuti ikulumize kucoka m'dzikomo, acimbati: “Tentsene tin'fa!”

Ekisodo 14:4

Pamwepo nin'dzaumisa m'tima wa Falau ndipo iye an'dzawatewera. Mwa bzentsenebzo Ine nin'dzatumbizidwa kudzera mwa Falau na wankhondo wace wentse. Ndipo aIjipito an'dzadziwa kuti Ine ndine Mbuya”. Ndipo aIjirayeri adacita tenepoyo.

Ekisodo 14:6

Pamwepo Falau adawauza kuti akondze ngolo yace ndipo adatenga gulu lace la nkhondo.

Ekisodo 15:9

“Nyamadulanthaka akhambabzitumbiza aciti: ‘Ine nin'dzawatewera ndiciwaphata, nin'dzagawa bzinthu bzawo nin'dzatenga bzomwe nin'funa. Na cisenga m'manja, ine nin'dzawadzonga’.

Jenesisi 31:22

Patapita n'tsiku zitatu, Labani adabva kuti Jakobo adathawa.