Ekisodo 14:26 - ciNyungwe Bibliya

²⁶ Tsono, Mbuya adauza Mozeji kuti: “Futhula boko lako panyandza, kuti madzi yabwerere yamize aIjipito, na ngolo zawo na wakufamba na makavalo wawo”.

Ekisodo 14:26 Referans Kwoze

Ekisodo 14:16

Dzusa mpsimbo yako, ufuthule boko panyandza, ndipo madzi yan'dzagawika kuti aIjirayeri ayambuke pakuuma.

Ekisodo 8:5

Patsogolo pace Mbuya adauza Mozeji kuti: “Uza Aloni afuthule boko na mpsimbo padzaulu pa mikulo, m'tumikulo na m'mathawale, ndipo acitise kuti m'madzimo mucoke acule akwire mudziko la Ijipito”.

Tiyago 2:13

Thangwe an'dzatongedwa mwakusaya kubveredwa ntsisi wale omwe alibe kubvera ntsisi. Nakuti ntsisi zimbakunda kutongedwa.

Mateu 8:27

Pamwepo wanthu wale adadabwisidwa, acimbabvundzana aciti: “Mbani umweyu ngakhale condzi na mabimbi bzimbam'bvera?”

Mateu 7:2

Nakuti katongedwe kabodzi-bodzi komwe mun'cita, Mulungu an'dzakutonganimbo nako, ndipo mphimo yomwe mun'pereka, in'dzaperekedwambo kuna imwe.

Ekisodo 7:19

Ndipo Mbuya adauza Mozeji kuti: “Uza Aloni atenge mpsimbo yace ndipo afuthule boko pamadzi ya muIjipito, ya mumikulo, ya mutumikulo, ya m'thawale na mumbuto zentse zomwe zidakoyedwa madzi, kuti madziyo yasanduke mulopa. Mun'dzakhala mulopa mudziko lentse la Ijipito, napombo bzakukoyera madzi bza miti na bza minyala”.

Ekisodo 1:22

Pamwepo, Falau adauza mbumba yace yentse kuti: “Mwana ali-yentse wacimuna omwe an'badwa mwa aHeberi mum'thuse mum'kulo wa Niro, tsono wana wacikazi wentse muwaleke na moyo”.

Cidziwiso 16:6

Nakuti wakuipawo adathulula mulopa wa wakucena na wa apolofita wanu, ndipo Imwe mudawapasa mulopa kuti amwe, nakuti ndibzo bzikhadathemera kuna iwo”.

Ekisodo 15:1

Pamwepo, Mozeji na aIjirayeri adaimba nyimbo iyi kuna Mbuya, ndipo adati: “Nin'dzaimbira Mbuya pakuti awina mwautumbi. Adathusa m'nyandza haci na wakufamba nayo wace.

Ekisodo 15:4

Iye adathusa munyandza ngolo za nkhondo na acikunda wa Falau. Wakulemekezeka wace wabwino adamira muNyandza Ifuira.