Cidziwiso 3:14 - ciNyungwe Bibliya

¹⁴ “Nembera anju wa gereja ya kuLaudiseya kuti: Aya ndiyo mafala ya Ameni, omwe ni mboni yakukhulupirika ndipo yacadidi, mkulu wa bzakulengedwa bzentse bza Mulungu.

Cidziwiso 3:14 Referans Kwoze

aKolose 1:15

Iye ni ciratizo cakuwoneka ca Mulungu wakusaya kuwoneka, Mwana wakuyamba, omwe ni mkulu kuposa bzakulengedwa bzentse.

Cidziwiso 1:5

ndipo kucokera kwa Jezu Krixtu, omwe ni mboni yakukhulupirika na wakuyamba kulamusidwa pakati pa wakufa, ndipo M'kulu wakuposa azimambo wa dziko la pantsi. Iye ambatifuna ndipo adatilombola mubzitazo bzathu kudzera mwa mulopa wace,

aKolose 1:18

Iye ni msolo wa thupi, lomwe ni gereja. Ndiye kuyamba ndipo Mwana wakuyamba wakucokera kwa wakufa, kuti pa bzentse akhale mkulu wakuposa.

2 aKolinto 1:20

Pakuti napo mipiciro iwande tani yakucitidwa na Mulungu, mwa Krixtu yentse ina “inde”. Ndipopo, kudzera mwa Iye: “Ameni” ambalewedwa na ife kwa ukulu bwa Mulungu.

Cidziwiso 3:7

“Nembera anju wa gereja ya kuFiladelifiya kuti: Aya ndiyo mafala ya Ule omwe ni wakucena ndipo wacadidi, omwe ana mfungulo wa mambo Davidi. Bzomwe Iye an'fungula palibe omwe angafunge, ndipo bzomwe Iye an'funga palibe omwe angafungule.

Cidziwiso 22:13

Ine ndine Alfa na Omega, Wakuyamba na Kumalizira, Ciyambi na Cimaliziro.

Cidziwiso 19:11

Ndidawona kudzulu kudafunguka ndipo patsogolo pangu pakhana kavalo mcena, wakupakira wace akhacemeredwa Wakukhulupirika ndipo Wacadidi. Iye ambatonga na kucita nkhondo mwakulungama.

Cidziwiso 22:6

Anju adandiuza kuti: “Mafala yamweya ni yakuthemera kuyakhulupirira ndipo ni yacadidi. Mbuya Mulungu omwe adapasa Mzimu Wakucena apolofita, adatumiza anju wace kudzawonesa anyagirinya wace bzinthu bzomwe bzin'dzacitika mwakusaya kucedwa.

Cidziwiso 21:6

Adandiuza pomwe kuti “Bzamala. Ine ndine Alfa ndipo na Omega, wakuyamba na kumalizira. Omwe ana nyota, nin'dzamupasa bzakumwa mwakusaya kulipira bzakucokera ntsantsa ya madzi ya moyo.

Cidziwiso 1:11

lomwe likhati: “Nemba mulivu libodzi bzomwe iwe ulikuwona, ndipo tumiza kuna gereja zinomwe izi: Efezo, Ejimirina, Perigamo, Tiyatira, Salidesi, Filadelifiya ndipo Laudiseya”.

Cidziwiso 2:1

“Nembera anju wa gereja ya kuEfezo kuti: Aya ndiyo mafala ya Ule omwe ana nyenyezi zinomwe (7) kuboko lace la madidi, ndipo ambafamba pakati pa bzakukhazikira bziphaniphani bzinomwe (7) bza oro.

aKolose 4:16

Ndipo tsamba limweri likamala kulewengedwa pakati panu, lirewengedwembo mugereja ya kuLaudiseya, ndipo tsamba la kuLaudiseya mulirewengembo.

aKolose 2:1

Nin'funa kuti imwepo mudziwe kuti basa lomwe ndirikukucitirani ni lamphambvu kwene-kwene kwa imwe, kwa omwe ali kuLaudiseya na kwa wentse omwe akanati kundiwona maso na maso.

Jenesisi 49:3

“Rubeni iwe ndiwe mwana wangu waciutswaka, ndiwe mphambvu yangu, ndiwe kuyamba kwa mphambvu yangu. Mwa wana wangu wentse, waposa ndiwe pa utongi na mphambvu.

Juwau 1:3

Bzinthu bzentse bzidalengedwa na iye, tsono palibe ciri-centse cidalengedwa mwakusaya iye.

Juwau 8:14

Jezu adawatawira aciti: “Napo ine penu ndirikubzicitira umboni ndekha, umboni bwangu n'bwa cadidi, thangwe nin'dziwa komwe ndidacokera ndipo komwe ndirikuyenda. Tsono imwe mun'dziwa lini komwe ndacoka ayai komwe ndirikuyenda.