Cidziwiso 18:21 - ciNyungwe Bibliya

²¹ Pamwepo anju wamphambvu adadzusa cimwala cikulu kwene-kwene ninga mpheyo, adacithusa panyandza aciti: “Mwa mphambvu ibodzi-bodziyi un'dzathusidwa padziko la pantsi, mzinda ukulu wa Babilonya, kuti uleke kudzawoneka pomwe cipo.

Cidziwiso 18:21 Referans Kwoze

Cidziwiso 5:2

Ndidawona anju wamphambvu, akhabvundza mwakukuwa kuti: “Mbani wakuthemera kukwatanula selozi ndipo na kufungula livu iri?”

Cidziwiso 20:11

Patsogolo pace ndidawona mpando wa umambo ukulu ucena, ndipo na Ule omwe akhadakhala pampandopo. Dziko la pantsi na kudzulu bzidathawa pamaso pace, ndipo palibe kuwoneka mbuto yakuti bzikhale.

Cidziwiso 18:22

Un'dzabveka lini pomwe mum'zindayo muwira wa wakuliza santsi, wakuimba nyimbo, wakuliza bzitoliro na wakuliza bzimbututu cipo. An'dzawoneka lini pomwe mukati mwa mzinda ule azimisiri na m'bodziyo, ngakhale wakudziwa basa liri-lentse cipo. Mumzindawo mun'dzabveka lini pomwe muwira wa mpheyo cipo.

Cidziwiso 16:20

Ntsuwa na mapiri bzentse bzidanyembereka.

Cidziwiso 12:8

Tsono Nyangumi na anju zace adakundidwa, na tenepo adaluza mbuto yawo kudzulu.

Cidziwiso 18:10

An'dzakhala kutali thangwe ra mantha na kuboneresedwa kwawene ndipo an'dzakuwa kuti: “ ‘Tsoka! Mzinda ukulu! Babilonya, mzinda wamphambvu! Munthawe ibodzi yokha yafika nyathwa yawene!’

Cidziwiso 10:1

Ndidawona anju winango wamphambvu akhabuluka kucokera kudzulu. Iye akhadafunikira mtambo ndipo padzulu pa msolo wace pakhana uta bwa Mulungu. Nkhope yace ikhawoneka ninga dzuwa, ndipo minyendo yace ikhadakhala ninga mbiru za moto.

Ekisodo 15:5

Madzi yakuzika yadawampsinkha, adamira pantsi ninga mwala.