Cidziwiso 16:6 - ciNyungwe Bibliya

⁶ Nakuti wakuipawo adathulula mulopa wa wakucena na wa apolofita wanu, ndipo Imwe mudawapasa mulopa kuti amwe, nakuti ndibzo bzikhadathemera kuna iwo”.

Cidziwiso 16:6 Referans Kwoze

Cidziwiso 11:18

Madziko yadakalipa, ndipo ukali bwanu budawoneka. Yafika nthawe yakutonga wakufa, ndipo yakubwezera phindu kwa anyagirinya wanu apolofita, wakucena wanu ndipo na omwe ambalemekeza dzina lanu, napo ang'ono napombo akulu, ndipo na wakupfudza omwe an'pfudza dziko la pantsi”.

Cidziwiso 18:24

Mwa mzindawo mudagumanidwa mulopa wa apolofita na wa wakucena, ndipo na wa wentse omwe adaphedwa pa dziko la pantsi”.

Cidziwiso 13:15

Cidapasidwa mphambvu zakupereka mphuwe ya moyo kwa cifanikizo ca cirombo cakuyamba, mwakuti cingadakwanisa kulewa-lewa ndipo kucitisa kuti wentse omwe angadalamba kutumbiza cifanikizo aphedwe.

Cidziwiso 19:2

nakuti kwacadidi na kwakulungama ni kutonga kwace. Iye adapasa nyathwa puta mkulu, omwe akhapumpsa dziko la pantsi na uputa bwace. Mulungu adasunda mulopa wa anyagirinya wace kuna putayo”.

Cidziwiso 13:10

Ule omwe an'themera kuyenda kukafungiridwa mkawoko, an'dzayenda kukafungiridwako. Ule omwe an'themera kuphedwa na cisenga, an'dzaphedwa na cisenga. Pamwepo ndipo pan'funika kuti wanthu wa Mulungu awonese cipiriro na kukhulupirika.

Cidziwiso 18:20

Kudzulu kondwani na bzomwe bzacitika kwa mzindayo! Kondwani, nandi wakucena, atumiki na apolofita! Nakuti Mulungu adautonga, aciupasa nyathwa thangwe la bzomwe iwo udacita kuna imwe’ ”.

aHeberi 10:29

Kumbukanimbo imwepo, kodi ni nyathwa yakugosva tani yomwe idathemera kupasidwa ule omwe adanyoza Mwana wa Mulungu, adayesa wakusaya basa mulopa wa cipangano omwe iye adacenesedwa nawo, ndipo adatukwana Mzimu wa nkhombo?

Mateu 7:2

Nakuti katongedwe kabodzi-bodzi komwe mun'cita, Mulungu an'dzakutonganimbo nako, ndipo mphimo yomwe mun'pereka, in'dzaperekedwambo kuna imwe.

Luka 12:48

Tsono ule omwe an'dziwa lini ndipo acicita bzinthu bzomwe bzin'themera nyathwa, an'dzachangidwa pang'ono. Omwe an'pasidwa bzizinji, an'dzabvundzidwa bzizinji. Ndipo ule omwe adakhulupiridwa kwene-kwene, an'dzakumbiridwa bzizinji.

Ekisodo 7:17

Mbuya alikulewa tenepa: ‘Iwepo un'dzadziwa kuti Ine ndine Mbuya na ibzi: Na mpsimbo yomwe ndinayo manjayi nin'dzamenya madzi ya mumkuloya, ndipo yan'dzasanduka mulopa.

Ekisodo 21:24

diso na diso, dzino na dzino, manja na manja, mwendo na mwendo,