Cidziwiso 16:5 - ciNyungwe Bibliya

⁵ Tsono ndidabva anju omwe an'nyang'anira madzi adati: “Imwe ndimwe wakulungama, Imwe, Wakucena, omwe ndimwe ndipo mukhali, nakuti mudatonga mwakulungama.

Cidziwiso 16:5 Referans Kwoze

Cidziwiso 11:17

aciti: “Nkhombo zikhale kwa imwe, Mbuya Mulungu Wamphambvu-zentse, omwe ndimwe ndipo mukhali, thangwe mudawonesa mphambvu zanu zikulu ndipo mudayamba kutonga.

Cidziwiso 1:8

“Ine ndine Alfa na Omega”, alikulewa Mbuya Mulungu, omwe alipo, omwe akhali ndipo omwe an'dzabwera, Wamphambvu-zentse.

Cidziwiso 1:4

Ine Juwau, ndirikunembera gereja zinomwe (7) za cigawo ca Aziya. Kwa imwepo nkhombo na mtendere bzakucokera kwa ule omwe alipo, omwe akhali, ndipo omwe an'dzabwera, kucokera kwa mizimu minomwe (7) ya Mulungu yomwe iri kutsogolo kwa mpando wace wa umambo,

Cidziwiso 4:8

Cibodzi na cibodzi cikhana maphaphidwe matanthatu ndipo yakhadadzala na maso, mumbali mwace napo munyantsi mwa maphaphidwe. Usiku na masikati bzikhambaimba mwakusaya kulekeza kuti: “Wakucena, wakucena, wakucena ni Mbuya, Mulungu Wamphambvu-zentse, omwe akhali, omwe ndiye ndipo omwe an'dzabwera”.

aRoma 2:5

Tsono kudzera mwa kuuma kwako na m'tima wako wa makani, ulikubzithimizirira ukali kuntsiku ya ukali yakuwonesa utongi bwakulungama bwa Mulungu.

Jenesisi 18:25

Cadidi, mun'dzadzonga lini wanthu wakulungama pabodzi na wakuphonya. Bzimwebzi mungabzicite lini. Mungadabzicita bzimwebzi, mpsino wanthu wakulungama acimbapasiwa cirango pabodzi na wakuphonya. Kutali-tali caiko, imwe mungacite lini bzimwebzi! Kodi Mtongi wa dziko lentse, angasaye cirungamo?”

Cidziwiso 16:7

Ndipo ndidabva fala likhacokera paguwa liciti: “Inde, Mbuya Mulungu Wamphambvu-zentse, kutonga kwanu ni kwacadidi ndipo kwakulungama”.

aRoma 3:5

Tsono penu kusaya kulungama kwathu kuniratiza cirungamo ca Mulungu, kodi tinirewa ciyani? Kuti Mulungu ngwakusaya kulungama pakutipasa nyathwa? (Ndirikulewa ninga munthu tenepo).

Cidziwiso 19:2

nakuti kwacadidi na kwakulungama ni kutonga kwace. Iye adapasa nyathwa puta mkulu, omwe akhapumpsa dziko la pantsi na uputa bwace. Mulungu adasunda mulopa wa anyagirinya wace kuna putayo”.

Cidziwiso 16:4

Anju wacitatu adathululira tacu yace mumikulo na muntsantsa, ndipo madzi yabzene yadasanduka mulopa.

Juwau 17:25

Baba wakulungama, dziko liribe kukudziwani, tsono ine ndidakudziwani cadidi, ndipombo iwo adadziwa kuti imwe ndimwe mudandituma.

Cidziwiso 6:10

Iyo ikhakuwa mwamphambvu kuti: “Nandi Mbuya wamphambvu-zentse, wakucena ndipo wacadidi, mun'dzadikhira mpaka lini, kuti mudzatonge wakukhala padziko ndipo mucidzawabwezera cakuipa thangwe ra mulopa wathu?”