Cidziwiso 11:17 - ciNyungwe Bibliya

¹⁷ aciti: “Nkhombo zikhale kwa imwe, Mbuya Mulungu Wamphambvu-zentse, omwe ndimwe ndipo mukhali, thangwe mudawonesa mphambvu zanu zikulu ndipo mudayamba kutonga.

Cidziwiso 11:17 Referans Kwoze

Cidziwiso 1:8

“Ine ndine Alfa na Omega”, alikulewa Mbuya Mulungu, omwe alipo, omwe akhali ndipo omwe an'dzabwera, Wamphambvu-zentse.

Cidziwiso 16:5

Tsono ndidabva anju omwe an'nyang'anira madzi adati: “Imwe ndimwe wakulungama, Imwe, Wakucena, omwe ndimwe ndipo mukhali, nakuti mudatonga mwakulungama.

Cidziwiso 19:6

Pamwepo ndidabva cinthu ca muwira wakulingana na wa mthithi ukulu, ninga kukukuma kwa madzi mazinji na kugunda kwamphambvu cikhati: “Aleruya! Nakuti alikutonga Mbuya, Mulungu wathu, Wamphambvu-zentse.

Cidziwiso 1:4

Ine Juwau, ndirikunembera gereja zinomwe (7) za cigawo ca Aziya. Kwa imwepo nkhombo na mtendere bzakucokera kwa ule omwe alipo, omwe akhali, ndipo omwe an'dzabwera, kucokera kwa mizimu minomwe (7) ya Mulungu yomwe iri kutsogolo kwa mpando wace wa umambo,

Cidziwiso 19:11

Ndidawona kudzulu kudafunguka ndipo patsogolo pangu pakhana kavalo mcena, wakupakira wace akhacemeredwa Wakukhulupirika ndipo Wacadidi. Iye ambatonga na kucita nkhondo mwakulungama.

Cidziwiso 16:7

Ndipo ndidabva fala likhacokera paguwa liciti: “Inde, Mbuya Mulungu Wamphambvu-zentse, kutonga kwanu ni kwacadidi ndipo kwakulungama”.

Cidziwiso 16:14

Ni mizimu ya dimonyo yomwe yambacita bzilatizo bzakudabwisa. Iyo imbayenda kwa azimambo wa dziko lentse la pantsi, kuti iwagumanisire kunkhondo ya ntsiku ikulu ya Mulungu Wamphambvu-zentse.

Cidziwiso 15:3

ndipo akhaimba nyimbo ya Mozeji, nyagirinya wa Mulungu, ndipo na nyimbo ya Bira acimbati: “Makulu na yakudabwisa ni mabasa yanu, Mbuya Mulungu Wamphambvu-zentse. Zakulungama na zacadidi ni njira zanu, Imwe, Mambo wa madziko.

Cidziwiso 11:15

Anju wacinomwe adaliza cimbututu cace ndipo kudzulu kudabveka mafala yamphambvu yakhambati: “Umambo bwa dziko la pantsi wasanduka bwa mbuya wathu na bwa Krixtu wace, ndipo Iye an'dzatonga kwakusaya kumala”.

1 Timoti 1:12

Ndiri kutenda Krixtu Jezu, Mbuya wathu omwe adandipasa mphambvu pakundiwona wakukhulupirika acindisankhula kuti ndimutumikire.

Luka 10:21

Nthawe imweire-letu, Jezu mwakudzazidwa na Mzimu Wakucena adakondwa kwene-kwene adati: “Ine ndiri kukutumbizani, Baba, Mbuya mwenekaciro wa kudzulu na pantsi, thangwe mudabisira adziwi ndipo wakupfundza bzinthu bzimwebzi, ndipo mudabzilatiza kuna ang'ono-ang'ono. Inde, Baba, nakuti tenepayu bzidakukomerani.

Mateu 11:25

Nthawe imwe ire Jezu adati: “Ine nin'kutumbizani, Baba, Mbuya wa kudzulu na pantsi, thangwe mwabisa bzinthu bzimwebzi kuna adziwi na wakupfundza, ndipo mwabzizimbula kuna wanthu wakusaya kupfundza.

Jenesisi 17:1

Pomwe Abrahamu akhana magole makumi mapfemba na mapfemba (99), Mulungu adamuwonekera acimuuza kuti: “Ine ndine Mulungu wa mphambvu zentse. Na tenepo, umbakhale pamaso pangu, ndipo umbakhale wakucena.

2 aKolinto 9:15

Timutende Mulungu thangwe ra mphatso yace yakusaya kunembeka!

2 aKolinto 2:14

Tsono nin'tenda Mulungu, omwe nthawe zentse ambatitsogolera ticikunda mwa Krixtu, ndipo kudzera mwa ife mbuto zentse zirikudzala na kudziwa Krixtu kukhala ninga m'nunchi wabwino.

Juwau 11:41

Iwo adacosa cimwala cire. Ndipo Jezu adayang'ana kudzulu aciti: “Baba, ndiri kukutendani thangwe mwandibvera ine.

Cidziwiso 18:8

Ndipopo, pantsiku ibodzi yokha bzin'dzamufikira bzisi ibzi: Kufa, kutsukwala na njala. Ndipo moto un'dzamudzonga, nakuti Mbuya Mulungu omwe an'dzamutonga, ndiye ana mphambvu.