aKolose 1:16 - ciNyungwe Bibliya

¹⁶ Nakuti mwa Iye bzidalengedwa bzinthu bzentse bza kudzulu na bza pantsi, bzakuwoneka na bzakusaya kuwoneka, ngakhale azimambo ayai akulu, wamphambvu ayai atsogoleri. Bzinthu bzentse bzidalengedwa na Mulungu kudzera mwa Iye ndipo bzentsenebzo adabzilengera Iye.

aKolose 1:16 Referans Kwoze

aRoma 11:36

Thangwe kucokera kwa Iye na kudzera mwa Iye na kuna Iye ni bzinthu bwentse. Kwa Iye ukhale ulemerero wakusaya kumala! Ameni.

Juwau 1:3

Bzinthu bzentse bzidalengedwa na iye, tsono palibe ciri-centse cidalengedwa mwakusaya iye.

1 aKolinto 8:6

tsono kwa ife Mulungu ni m'bodzi yekha, Baba, omwe adalenga bzinthu bzentse ndipo omwe ife tin'khalira na moyo. Ndipo alipo Mbuya m'bodzi yekha, Jezu Krixtu, kudzera mwa Iye bzinthu bzentse bzidalengedwa na ife tina moyo kudzera mwa Iye.

aHeberi 2:10

Na tenepo, Mulungu omwe ni Mulengi wa bzentse ndipo bzentse bziri m'manja mwace, akhafuna kuti afikise wana azinji kumbuto ya ukulu bwace. Tsono bzikhafunika kukwanirisa mtsogoleri wawo wa cipulumuso kudzera mwa kubonera.

aHeberi 1:2

tsono muntsiku zakumalizirazi adalewa na ife kudzera kwa Mwana wace, omwe Iye adamucita nyautaka wa bzinthu bzentse ndipo kudzera mwa Iye adalenga bzentse.

aEfezo 1:10

Ubwinobo ni bwakuti bugumanize mwa Krixtu bzinthu bzentse, bza kudzulu napo bza pantsi, pa kubzifambisa ku nthawe zentse.

aKolose 1:15

Iye ni ciratizo cakuwoneka ca Mulungu wakusaya kuwoneka, Mwana wakuyamba, omwe ni mkulu kuposa bzakulengedwa bzentse.

aKolose 2:10

ndipo, pakukhala mwa Iye, imwepo mudakhala wakukwana. Iye ndiye Msolo wa mphambvu zentse na utongi bwentse.

aFiripi 2:10

kuti mabondo yentse kudzulu, na pantsi ndipo na pantsi pa mataka yagodamire dzina la Jezu,

aKolose 1:20

ndipo kudzera mwa Krixtu, bzinthu bzentse bziyanjane na Mulungu, ngakhale bzomwe bziri pantsi napo bzomwe bziri kudzulu, acibweresa mtendere kudzera mwa mulopa wace omwe udayerera pamtanda.

1 Pedru 3:22

omwe adayenda kudzulu ndipo ali kuboko lamadidi la Mulungu. Iye ambabveredwa na anju, atongi na mphambvu za kudzulu.

aKolose 2:15

Na tenepo, adawapsokonyola mphambvu na utongi acicita kuti bzikhale ciwonesero cakusekesa padeca, adawatenga ninga wam'kawoko kuti awonese kukunda kwace pamtanda.

aEfezo 6:12

thangwe nkhondo yathu njakumenya lini kuna wanthu, koma kumenya kuna utongi na ulamuliro, kuna wakukunda dziko lino la m'dima, kuna mphambvu za mizimu yakuipa mumbuto za kudzulu.

aRoma 8:38

Nakuti nin'dziwisisa cadidi kuti ngakhale impfa ayai moyo, anju napo mizimu yakuipa, ngakhale bza tsapano ayai bza m'tsogolo, napo mphambvu zinango,

Juwau 1:10

Iye akhali padziko ndipo ndiye adalilenga. Tsono dziko la pantsi liribe kumudziwa.

aRoma 9:5

Yawo ni makolo yakutoma, ndipo Krixtu ni wa dzindza lawo mu thupi. Umweyo ni Mulungu padzaulu pa wentse, atumbizidwe kwakuyenda na kuyenda! Ameni.