aHeberi 8:13 - ciNyungwe Bibliya

¹³ Pakucemera cipangano cimweci kuti “cipsa”, Iye adalewa kuti comwe cidayamba ciribe basa. Ndipo comwe ciribe basa cicikhala cakale ciri pafupi kumala.

aHeberi 8:13 Referans Kwoze

2 aKolinto 5:17

Na tenepo, penu munthu ali mwa Krixtu, wabadwa papsa. Bzinthu bza kale bzapita, tsapano bzabwera bzinthu bzipsa.

aHeberi 9:15

Na thangwe limweri, Krixtu ni Mkhala-pakati wa cipangano cipsa kuti wale omwe adacemeredwa atambire cipiciro ca utaka bwakusaya kumala, pakuti Iye adafa ninga mulomboli wa bzitazo bzakucitika mucipangano cakuyamba.

1 aKolinto 13:8

Lufoyi limbamala lini. Tsono kupolofita kun'dzamala, kulewa-lewa na bzirewedwe bzakusiyana-siyana bzin'dzamala, ndipo kudziwa kun'dzamala.

Mateu 24:35

Kudzulu na pantsi bzin'dzapita, tsono mafala yangu yan'dzakhala kwa kuyenda na kuyenda”.

Luka 22:20

Bzibodzi-bodzibzo, pomwe adamala kudya, adatenga mkombo aciti: “Mkomboyu ni cipangano cipsa ca mulopa wangu, udayerera thangwe ra imwe.

2 aKolinto 3:6

Iye adatipasa mphambvu kuti tikhale nthena za cipangano cipsa, sikuti ca manemba, tsono ni ca Mzimu. Pakuti Mtemo wakunemba umbabweresa impfa, tsono Mzimu umbapasa moyo.

aHeberi 1:11

Ibzo bzin'dzamala, tsono Imwe mun'dzapitiriza kukhala. Ibzo bzin'dzasakala ninga bzakubvala.

aHeberi 7:22

Ndipopo-letu, Jezu adakhala citsimikizo ca cipangano cakuposa.

aHeberi 8:6

Tsapano, basa lomwe Jezu adatambira ni likulu kuposa lawo, tenepayu ninga cipangano comwe Iye ni Mkhala-pakati ni cikulu kuposa cakale, nakuti cimweci cidakhazikidwa pa bzipiciro bzakuposa.

aHeberi 8:8

Tsono Mulungu atawona kuti mbumba ina mulandu adati: “Ntsiku zirikubwera, alikulewa Mbuya, pomwe nin'dzacita cipangano cipsa na mbumba ya Ijirayeriyi na mbumba ya Juda.

aHeberi 12:24

ndipombo kuna Jezu, Mkhala-pakati wa cipangano cipsa, ndipo kwa mulopa wace wakuwazidwa, omwe un'titsimikizira bzabwino kuposa mulopa wa Aberi.