aHeberi 7:11 - ciNyungwe Bibliya

¹¹ Mtemo omwe mbumba idatambira, udacokera kwa unyantsembe bwa Levi. Bzingadakhala kuti bzidakwanisika kulungamisidwa kudzera unyantsembebo, thangwe ranyi pangadafunika nyantsembe winango ninga Melikizedeki wakusiyana na Aloni?

aHeberi 7:11 Referans Kwoze

aHeberi 8:7

Nakuti cipangano cakale cingadakhala cakukwana, bzingadafunika lini kucita cinango.

aGalatiya 2:21

Ninilamba lini nkhombo za Mulungu. Nakuti penu kulungamisidwa kudabwera na Mtemo, Krixtu adafera papezi!”

aHeberi 7:21

tsono Jezu adakhala nyantsembe mwa lumbiro, pomwe Mulungu adamuuza kuti: “Mbuya adalumbira ndipo an'dzacinja lini mafala yace yakuti: ‘Iwe ndiwe nyantsembe wakusaya kumala’ ”.

aHeberi 7:15

Bzomwe tamala kulewa bzin'khala bza padeca pomwe aniwoneka nyantsembe winango wakulinganizidwa na Melekizideki.

aHeberi 5:6

Ndipo pambuto inango muBzakunembedwamo palikulewa kuti: “Iwepo ndiwe mkulu wa anyantsembe wakusaya kumala, malingana na bzomwe bzidacitika kuna Melikizedeki”.

aGalatiya 4:9

Tsapano, mwatadziwa Mulungu, ayai kulewa bwino, mwatadziwidwa na Iye, mulikubwerera tani kukatongedwa pomwe na miyambo ya dziko lino, yakuwofoka ndipo yakusaya basa? Mulikufuna kuti mucitidwe pomwe anyagirinya wayene?

aHeberi 6:20

komwe Jezu omwe adatitomera adapita kuti atithandize, acisanduka mkulu wa anyantsembe kwakuyenda-na-kuyenda ninga bzidacitika kuna Melikizedeki.

aHeberi 5:10

Ndipo adaikhidwa na Mulungu kuti akhale mkulu wa anyantsembe, malingana na bzomwe bzidacitika kuna Melikizedeki.

aGalatiya 4:3

Ni tenepoyombo na ife, pomwe tikhali ang'ono, tikhacitidwa anyagirinya kuna miyambo ya dziko lino

aHeberi 7:10

nakuti, pomwe Melikizedeki adagumana na Abrahamu, Levi akhanati kubadwa.

aHeberi 7:12

Pakuti pakakhala kucinja kwa unyantsembe, bzin'funika kuti pawoneke kucinja kwa Mtemo.

aHeberi 7:13

Nakuti Jezu omwe alikulewedwa bzimwebzi akhali wa dzindza linango, lomwe palibe adaphata basa paguwa.

aHeberi 9:6

Bzentsenebzo bzatamala kukondzedwa, anyantsembe akhapita ntsiku na ntsiku muMbuto Yakucena mucikumbi ca mpembo, kuti akaphate basa lawo.