aHeberi 12:4 - ciNyungwe Bibliya

⁴ Pankhondo yanu na bzitazo, imwepo mukanati kupirira mpaka kutaya mulopa.

aHeberi 12:4 Referans Kwoze

1 aKolinto 10:13

Mulibe kugumana na miyezo yomwe ni yakusiyana na ya wanthu winango. Ndipo Mulungu ni wakukhulupirika, Iye an'dzabvumiza lini kuti mudzayezedwe mwakuposa mphambvu zanu. Tsono mungayezedwa, Mulungu an'dzakupasani mpata wakupulumukira kuti mudzakwanise kupirira.

Cidziwiso 2:13

Nin'dziwa komwe imwe mumbakhala, komwe kuna mpando wa umambo wa Sathani. Tsono, imwepo mumbapitiriza kukhala wakukhulupirika kuna Ine ndipo mulibe kutaya cikhulupiriro canu mwa Ine, ngakhale pomwe Antipasi, mboni yangu yakukhulupirika, adaphedwa mum'zinda umweyu, momwe Sathani ambakhala”.

aHeberi 12:2

maso yathu yanyang'anisise kuna Jezu, omwe ndiye adayambisa na kukwanirisa cikhulupiriro cathu. Na kufuna kwa kukondwera komwe akhadapiciridwa, Iye adapirira pamtanda, alibe kubva thupo na manyazi yakukafera pamtanda, ndipo adakhala kuboko lamadidi pampando wa umambo bwa Mulungu.

Cidziwiso 12:11

Abale wathu adam'kunda na mulopa wa Bira ndipo na fala la umboni bomwe adacita. Adabzipereka kuti penu kufa alibe kubva thupo na moyo wawo.

Mateu 24:9

“Pamwepo iwo an'dzakuperekani kuti muboneresedwe ndipo mucidzaphedwa, mun'dzawengidwa na madzindza yentse thangwe ra Ine.

Cidziwiso 18:24

Mwa mzindawo mudagumanidwa mulopa wa apolofita na wa wakucena, ndipo na wa wentse omwe adaphedwa pa dziko la pantsi”.

Cidziwiso 17:6

Ndipo ndidawona kuti mkaziyo akhadaledzera na mulopa wa wakucena, mulopa wa mboni za Jezu. Pomwe ndidamuwona, ndidakhala wakudabwa kwene-kwene.

aFiripi 2:8

Ndipo, pakukhala na mawonekedwe yaciunthu, adabzicesva iye yekha ndipo adabvera mpaka kufa, imfa ya pamtanda!

aHeberi 13:13

Na tenepo, tiyende kuna Iye kunja kwa msasa, tikapirire kunyozedwa komwe Iye adapirira.