aHeberi 1:6 - ciNyungwe Bibliya

⁶ Ndipo, pomwe Mulungu adatuma Mwana wace m'bodzi yekha padziko, adati: “Anju za Mulungu zentse zim'pembe”.

aHeberi 1:6 Referans Kwoze

aKolose 1:18

Iye ni msolo wa thupi, lomwe ni gereja. Ndiye kuyamba ndipo Mwana wakuyamba wakucokera kwa wakufa, kuti pa bzentse akhale mkulu wakuposa.

aKolose 1:15

Iye ni ciratizo cakuwoneka ca Mulungu wakusaya kuwoneka, Mwana wakuyamba, omwe ni mkulu kuposa bzakulengedwa bzentse.

1 Pedru 3:22

omwe adayenda kudzulu ndipo ali kuboko lamadidi la Mulungu. Iye ambabveredwa na anju, atongi na mphambvu za kudzulu.

Juwau 1:14

Ndipo fala lire lidasanduka thupi licidzakhala pakati pathu, tidawona ukulu bwace, ninga ukulu bwa mwana m'bodzi yekha wa Baba, bwakudzala na ubwino na cadidi.

Cidziwiso 1:5

ndipo kucokera kwa Jezu Krixtu, omwe ni mboni yakukhulupirika na wakuyamba kulamusidwa pakati pa wakufa, ndipo M'kulu wakuposa azimambo wa dziko la pantsi. Iye ambatifuna ndipo adatilombola mubzitazo bzathu kudzera mwa mulopa wace,

aRoma 8:29

Pakuti wale omwe Mulungu akhadasankhula kale, adawapambula kuti akhale mwakulingana na mawonekedwe ya Mwana wace, kuti Mwanaceyo akhale wakuyamba pakati pa abale azinji.

1 Juwau 4:9

Mulungu adatilatiza lufoi lace tenepa: Adatumiza Mwana wace m'bodzi yekha padziko la pantsi kuti tikhale na moyo kudzera mwa Iye.

Juwau 1:18

Palibe munthu adawona kale Mulungu tsono mwana wace m'bodzi yekha omwe ali pakati pa Baba, ndiye adatidziwisa.

aHeberi 10:5

Ndipopo, Krixtu pomwe adabwera padziko, adati: “Ntsembe na cakupereka mulibe kubzifuna, tsono thupi mudandikondzera.

Juwau 3:16

Ni terepoyo Mulungu adafuna dziko, adapereka mwana wace m'bodzi yekha kuti wentse ule omwe animukhulupirira aleke kufa, tsono akhale na moyo wakusaya kumala.

aHeberi 1:5

Nakuti Mulungu alibe kulewa kuna anju na ibodziyo kuti: “Iwe ndiwe mwana wangu. Ine lero ndakubereka”. Napo kulewa pomwe kuti: “Ine nin'dzakhala Baba wace, ndipo Iye an'dzakhala mwana wangu”.

Mateu 24:14

Ndipo Mafala Yabwino ya Umambo yan'dzapalidzidwa padziko lentse ninga mboni za madzindza yentse, ndipo pamwepo cidzafika cimaliziro”.