1 Timoti 5:22 - ciNyungwe Bibliya

²² Leka kuikha manja kwa aliyentse mwa kamkulumize, kuti uleka kubverana nawo pa kuphonya kwawo. Iwe ubzikoye mwa kulungama.

1 Timoti 5:22 Referans Kwoze

aEfezo 5:11

Lekani kucita mbali ku mabasa ya kusaya bzisapo ya mum'dima, tsono yaikheni pa ceza.

1 Timoti 3:10

Iwombo cakuyamba ayezedwe, patsogolo pace, penu alibe thangwe atumikire.

1 Timoti 3:6

Aleke kukhala munthu wakutendeuka tsampanopa, kugopa kuti angabzikuze acipasidwa nyathwa ninga Dyabu.

1 Timoti 4:14

Leka kusiya mphatso, yomwe udatambira kucokera m'mafala yaciprofita, pomwe akulu wa Gereja adakuikha manja pamsolo.

Mabasa ya Atumiki 6:6

Ndipo wanthuwo adawawonesa kwa atumiki, omwe adawacitira m'pembo aciwaikha manja.

2 Juwau 1:11

Thangwe, omwe anim'musa an'cita cipande pa bzakucita bzace bzakuipa.

2 Timoti 1:6

Thangwe ra bzimwebzi, ndirikukukumbusa kuti ulamusire pomwe mphatso ya Mulungu yomwe udatambira pomwe ndidakuikha manja.

aHeberi 6:2

bzipfundziso bza ubatizo, kuikhidwa manja, kumuka kwa wakufa, ndipo na kutongedwa kwa kumalizira.

2 Timoti 2:2

Ndipo mafala yomwe udabva ndicilewa patsogolo pa mboni zizinji, yamweyo uyadziwise kuna wanthu wakukhulupirika kuti adzakwanisembo kupfundzisa anango.

1 Timoti 4:12

Munthu aleke kukunyoza pakukuona kuti ndiwe tswaka, tsono ukhale cilatizo kwa wakulungama wentse pa mafala, makhalidwe, lufoi, cikhulupiriro na kubzicenesa.

Mabasa ya Atumiki 13:3

Na tenepo, atamala kubzimana kudya na kupemba, adawasandzika manja aciwatuma.

Cidziwiso 18:4

Pamwepo ndidabva fala linango likhacokera kudzulu likhati: “Coka kuna iye, imwe, mbumba yangu, kuti imwe muleke kucita cipande ca bzitazo bzawo, kuti cisi comwe cin'dzagwa kuna iye cireke kukufikirani!

Mabasa ya Atumiki 20:26

Na tenepo ine nin'kutsimikizirani ntsiku ya lero kuti ndiribe mulandu pa mulopa wa wentse.

Mabasa ya Atumiki 18:6

Tsono iwo akhatsutsana naye acimbatukwana, ndipo Paulo adakunkhumula bzakubvala bzace aciwauza kuti: “Mulopa wanu ugwere pamsolo wanu! Ine ndiribe mulandu namwe, kuyambira tsapano ndirikuyenda kwa omwe ni aJuda lini”.

1 Timoti 3:2

Wakutsogolera Gereja aleke kukhala munthu wakusaya kuyeluzika, wa mkazi m'bodzi, wakubziphata, wanzeru, waulemu, wakutambira bwino alendo, wakukwanisa kupfunzisa.