Yuda 1:3 - Nyangbo New Testament

³ Mɛbhia alɛ gɛ ɛdɛmɛ nɔ, gɛ kinù mɛ same ɔsɛ tɛ̀ mɛ fɔnɔ keplukpa akɔ ɔnɔ nɛ tibubuɔ gɛ bɔmɔ̃ shu tsyɛɛ, ɛmɔsɛ kɛlɛ ɔsɛ mɛ fɔnɔ keplukpa akɔ wɔnɔ tɛ̀ ɛlɔkɔ kpalà wɔnɔ ɔsɛ tɛ nɔkɔ tɛyɛyɛkɛŋã gɛ balɔkɔ akpɛ ahɔɛ akɔ bayɛyɛkɛŋã ku balɛ awɔ̃.

Yuda 1:3 Referans Kwoze

Timoteo 1 6:12

Bu tɛyɛyɛkɛŋã tɛtsɛɖɛ gbangbã mɛ. Nyana kanɔ tihɔɔ ɛkpã mɛ ovunɔ, agɛ alɛ shu bekulu wɔ nɛ kibeɛ gɛ ɔdalɛ ishumɛ nɛ banɔ kpekpèɛ gɛ bazã mɔ ebuiɛ namɛ.

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Yuda 1:20

Pɔ mɛbhia alɛ gɛ ɛdɛmɛ nɔ xɔnɔ, nɔbhɔ wɔnɔ shu owunɔ kabha nɛ wɔnɔ ishu dadalɛ tɛyɛyɛkɛŋã mɛ̀, tɛ̀ nokulu Owusoso Akaa nɛ Ɔfɔfuĩa Gbangbã mɛ̀.

Kibui Bubú Kasɛ 12:11

Baxɔ̃ɛdɛ aŋã kɛtsɔpɛ nabha ɔgana Obhoshieyiɛ dzyosu nɔ mɛ nɛ̀ yɛibui gbangbã tɛdadalɛ mɛ, bagɛ adɛmɛ nɔ nɛ̀ balɛ ɛkpã adɛ pɛ besì butsí ifu.

Tito 1:4

Ɛlɔkɔ asɛsɛ wɔ Tito, mɛeyianyɛ gɛ ɔkpasɛ bɔlɔ tɛyɛyɛkɛŋã mɛ, Tibhui bhuibu nɛ̀ ishu yɔyɔ de Owusoso Akaa nɛ̀ Kristo Yesu gɛenu agɛ yɛebu ɔlɔ kɔ.

Kibui Bubú Kasɛ 2:10

Tɛ osí ifu nɛ bɔtɔ gɛ bàba wɔabha shu. Itseɖe wɔ ɔsɛ, Abosam abakpɛ ɔnɔ eteli nɛ ɔɖavũ mɛ, sɛ tɛ efeke ɔnɔ eɖi, kɛlɛ nɔbɔmɔ ede tɔtɔnɔ nɛ ewui gulũi mɛ. Onupɛ butsí ibui tsyɛ elo, nɔzã kɛgɛ nɔyɛkɛ ɔŋã niede, kɛlɛ ɛbakɔ ɔnɔ ɛkpã ekusikutu.

Timoteo 2 1:13

Kɛgɛ nɔolũ odenɔ mɛɔkɔ, nɔnyanà ɛlɛ ovunɔ asɛ bɔdɔ̃ kakasɛ piapii, ɔplɛnɔ tɛyɛyɛkɛŋã nɛ̀ tɛdɛdɛmɛ nɔ nɛ Kristo Yesu mɛ.

Timoteo 1 1:18

Mɛeyianyɛ Timoteo, ɛkɔ wɔ ɔsha ɔlɛ sɛ tɛ ebuiɛ gɛ ebuiɖɔluanɔ aɖɔ nɛ wɔshuɔ aba alɛ mɛ, sɛ tɛ onupɛ ɔzã alɛ edeɛ, obodzi axɔ̃ɛ gbangbã wɔawɔa elete,

Galatianɛ 2:5

Bɔgɛ shɛnɛ ahɔɛ bɔlɔ shu kɔ alɛ nɛ kibe nanà mɛ, ɔsɛ tɛ kibui gbangbã gɛlɛ kibui gbã shuɔ zã ɔnɔ ɔkɔ.

Hebrianɛ 13:22

Mɛadzya alɛ mɔ, ɛɛkpalà ɔnɔ gagalĩi sɛ tɛ nɔyɛkɛ uluhũɔ gɛihu kɔ ɔnɔ gana eplukpa gulũi alɛ gɛ ɛfɔnɔ sɛsɛ ɔnɔ mɛ.

Banɔkpɛkpɛ Axɔ̃ɛ 9:22

Pɔ ohumi nɔ gɛ lɔzã Saulo mɛ lɔzɔ gagalĩ ɔtɔɖɔ, kɛlɛ kɛbhɛtɛ Yudanɛ gɛazã Damasko nɛibi gɛ azadalɛ kɛlɛ mɛ ɔsɛ Yesu yɛenu Kristoɔ.

Tesalonikanɛ 1 2:2

Bɔtɛ mɔ bɔtɔ bafalanɔ pɛ bazakwala bɔlɔ nɛ Filipi, asɛ gɛ nonyi ana, pɔ nɛ bɔlɔ Owusoso Akaa anɔ tɛpɛplɛnɔ mɛɛ, bɔkpɛ kité pɛ ɖɔ yɛibuiɛ tseɖe wɔnɔ nɛ kititì lɔlɔ gagalĩ ɛlɛ mɛ tsyɛ.

Korintoanɛ 1 15:3

Ɔmɔsɛ kɛgɛ mɛyɛkɛ kɛlɛ mɛtsyɛ etseɖe wɔnɔ asɛ kibui gɛiputɔ kɛdzã kiwuhũ ana, sɛ Kristoɔ ebetsí nɛ bɔlɔ ebui kpa bhɛbhɛtɛ nɛtakpu nɛ ebuiɛ gɛ bafɔnɔ nulũ,

Banɔkpɛkpɛ Axɔ̃ɛ 4:12

Batɛ bamɔ anɔ yɛyɛkɛ elù nɛ̀ ɛkpã ɔgana ananà abha, ɔmɔsɛ kinyè nanà bhama kanɔ alɛ mɛ gɛ babà alɔkɔ ayɛkɛ bɔlɔ elu nɛ̀ ɛkpã nɔ.”

Banɔkpɛkpɛ Axɔ̃ɛ 18:28

Ɔmɔsɛ awzalɔ̃akɛ ebui nɛ̀ Yudanɛ nɛ ɔmaɛshi ebuimɛ pɔpɔɛ shu, pɛ azadalɛ ebuiɛ mɛ edenɔ Owusoso Akaa ebui fɔfɔnɔ mɛ ɔsɛ Yesu yɛenu Kristoɔ.

Banɔkpɛkpɛ Axɔ̃ɛ 17:3

pɛ ezebu ebui mɛ pɛ ebu akasɛ asɛ kɛlɛ ɔsɛ Yesuɔ amɔ bɔtɔ flogo tɛ̀ befeke yɛ edenɔ bekpuɔ mɛ. Aɖɔ asɛ, “Yesu alɛ gɛ yɛibuiɛ mɛɖɔɔ yɛenu Kristoɔ.

Yuda 1:17

Pɔ mɛadzya alɛ gɛ ɛdɛmɛ nɔ, nɔ bakà ebuiɛ gɛ bɔlɔ Apalete Yesu Kristo yɛanɔkpɛkpɛ aɖɔ akpɛ otugbàa.

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Petro 1 5:12

Denɔ Sila anɔ gɛ ɛlɔkɔ yɛasɛ anɔ gɛ ɛyɛkɛŋã, denɔ yɛ tɛpɛplɛnɔ mɛ ɛfɔnɔ keplukpa alɛ gulũi kɔ wɔnɔ pɛ̀ ɛkpɛ wɔnɔ kemi tɛ̀ ɛɖɔ kaɖɔ dalɛ kɛlɛ mɛ sɛ, kɛlɛ kɛlɛinu Owusoso Akaa tibhui bhuibu gɛlɛ ɛlɛ ɔzãkɔ. Nɔzã gagalĩ nɛ kɛlɛ mɛ̀.

Koloseanɛ 1:2

Bɔlɔ sɛsɛ eplukpa alɛ ɔkɔ ɔnɔ banɔ dadalɛ gɛenu bɔlɔ adzya alɛ nɛ Apaleteɛ mɛ pɛ nɔɖɔ kibui gbã nɛ Koloseɛ, Tibhui bhuibu nɛ̀ ishu yɔyɔ odenɔ Owusoso Akaa ɔkɔ kɔ ɔnɔ.

Filipianɛ 1:1

Mɛ Paulo nɛ̀ Timoteo, gɛenu Kristo Yesu yɛaxɔ̃ɛdɛ, Balɛ asɛsɛ banɔ dadalɛ pete eplukpa nɛ Kristo Yesu mɛ nɛ Filipi, ɔlɔkɔ plɛnɔ ɛsofo nɔ nɛ̀ ɛzãkɔ bhlui eleteɛ,

Efesoanɛ 1:1

Mɛ Paulo gɛedzi anɔkpɛkpɛ ɔkɔ Kristo Yesuɔ nɛ Owusoso Akaa tɛtɔtɔɖɔ ulũ, Mɛ sɛsɛ̀ bagɛ ayɛkɛ aŋã nɛ Efeso pɛ bakpasɛ Kristo Yesu mɛ keplukpa alɛ,

Galatianɛ 6:11

Nɔoɖi bɔdɔ̃ fɔfɔnɔ gbagbla ɛlɛ nɛidi gɛ ɛlɔkɔ fɔnɔ bɔdɔ̃ ɔlɛ kɔ ɔnɔ nɛ mɛahɔɛ!

Banɔkpɛkpɛ Axɔ̃ɛ 28:28

“Kliso ɛpɛ ɔsɛ tɛ̀ notì ɔsɛ basɛsɛ Owusoso Akaa yɛanɔ bubu lu ɔkɔ ɛkpã nɛ bagɛ betinu Yudanɛ ɔkɔ, kɛlɛ balɛ xɔnɔ abà taatɔ̃ nɛ̀ kibuiɛ!”

Banɔkpɛkpɛ Axɔ̃ɛ 20:27

Ɔmɔsɛ ɛgɛ yɔlɔ ebuiɛ petee gɛ Owusoso Akaa atɔɖɔ tɛɖɔɖɔ tseɖe wɔnɔ.

Galatianɛ 3:28

Yudaeyi alo Helaeyi nanà abha ma, anɔ dzidzi alo anɔ gɛ alɛ yɛishu ahɔɛ mɛ, anyɛ alo adzɛ abha ma, ɔmɔsɛ wɔnɔ petee odzi tenikpo nɛ Kristo Yesu mɛ.

Banɔkpɛkpɛ Axɔ̃ɛ 6:7

Kidzo ɛlɛ nabha Owusoso Akaa ibuiɛ yɛɛvɛ, kɛlɛ badɔkpasɛanɛ nɛ Yerusalem bezekpè atɔɖɔ ziazia, kɛlɛ banɔlũazazã kpekpè teli ebelũ batɔ esi akɔ tɛyɛyɛkɛŋã.

Banɔkpɛkpɛ Axɔ̃ɛ 9:13

Anania ebuiliulũ asɛ, “Apalete, bakɔ mɛ tititì gelee nɛ anyɛ alɛ shu, nɛ̀ bɔdɔ̃ gɛ ezĩ nɛ banɔ dadalɛ shu nɛ Yerusalemuɔ.

Hebrianɛ 6:9

Mɛɔbhia alɛ mɔ, gɛ bɔɖɔ ebui alɛ nanà tsyɛ elo, wɔnɔ xɔnɔ bɔyɛkɛ wɔnɔ abha ŋã nɛ wɔnɔ ibui gbangbã-nɛ̀ ebuiɛ gɛ aplɛnɔ wɔnɔ tibubuɔ shu.

Petro 2 2:21

Kɛtapɛ̃ ɔkɔ alɛ ɔdɛ sɛ begitì edzo dadalɛ, ɔdɛ sɛ betì ɛlɛ pɛ bewlui tsyina ede kpɛ ɔsha dadalɛ gɛ bakɔ alɛ.

Yuda 1:1

Mɛ Yuda, Yesu Kristo yɛaxɔ̃ɛdɛ nɛ̀ Yakobo yɛadza ɔkɔ. Mɛfɔnɔ keplukpa alɛ ɛsɛsɛ bagɛ bekulu pɛ Owusoso Akaa adɛmɛ nɔ pɛ Yesu Kristo abalɛ alɛ elúɔ.