Yuda 1:20 - Nyangbo New Testament

²⁰ Pɔ mɛbhia alɛ gɛ ɛdɛmɛ nɔ xɔnɔ, nɔbhɔ wɔnɔ shu owunɔ kabha nɛ wɔnɔ ishu dadalɛ tɛyɛyɛkɛŋã mɛ̀, tɛ̀ nokulu Owusoso Akaa nɛ Ɔfɔfuĩa Gbangbã mɛ̀.

Yuda 1:20 Referans Kwoze

Efesoanɛ 6:18

Kɛlɛ nɔokulu Owusoso Akaa nɛ Ɔfɔfuĩa nɔ mɛ kibe nyia be nɛ̀ Owusoso Akaa tikukulu nɛ̀ tibibisi ka nyia ka ɛdi. Gɛ alɛ akpasɛ wɔnɔ kɛtakpuɔ mɛ soɔ, nɔzã nɛ̀ awɔ̃ tɛ nɔzã Owusoso Akaa tikukulu abha ɔkɔ bagɛ ayɛkɛ aŋã petee.

Korintoanɛ 1 14:15

Kliso kiɖe mɛbabhɛtɛ dza? Ɛbalɔkɔ mɛ ɔfɔfuĩa nɔ kulu Owusoso Akaa nɔ, kɛlɛ iwlui bakulù Owusoso Akaa nɛ̀ mɛ ekpeɖekpeɖeɛ tsyɛ, ɛbazhã ɔdzɛ nɛ̀ mɛ ɔfɔfuĩa nɔ, kɛlɛ iwlui bazhã ɔdzɛ nɛ̀ mɛ ekpeɖekpeɖeɛ tsyɛ.

Koloseanɛ 2:7

nɔkpɛ̀ igu tɛ̀ nɔbhɔ tɔɖɔ kabha nɛ yɛ mɛ, nɔzã gagalĩ nɛ tɛyɛyɛkɛŋã mɛ asɛ kana gɛ bakasɛ ɔnɔ ana, tɛ̀ nɔkɔ ɔnɔ ahɔɛhuhu eyuku gbagbà.

Tesalonikanɛ 1 5:11

Klisoɔ, nɔkpɛ bagɔlɔ kemi tɛ nɔbhɔ bagɔlɔ owunɔ, asɛ kɛbhɛtɛ gɛ nɔbhɛtɛ ɛlɛ ana.

Korintoanɛ 1 14:26

Mɛadzya alɛ mɔ, kiɖe buwlui zɛbaɖɔ dza? Onupɛ nobo shogòɔ, ɔdzɛ zhazhã ɔlɛ aka nyia aka ahɔɛ alo kibui gɛ balɔkɔ akpalà anɔ, kibui bubu kasɛ, beluhũ vɔvɔ tihuhu nɛ̀ bɔlɛ esi bubu lɛ aka nyia aka ahɔɛ. Kɛlɛ sɛ babhɛtɛ alɛ nyɔ̃ɔ tɛ ledzi ohumi kpɛkpɛ ɔkɔ ɔhaa.

Romanɛ 8:15

ɔmɔsɛ anɛ ɔfɔfuĩa nɔ gɛ lɔkɔ ɔsɛ tɛ anɔ dzidzi esi ifuɔ ɔlɛ lɛ wɔnɔ mɛ, pɔ Ɔfɔfuĩa nɔ gɛ lɔzã beyi mɛɛ, nɔyɛkɛ. Kliso bɔkpɛ ozĩ ɔsɛ, “Ao, lɔɛitití.”

Galatianɛ 4:6

Gɛ beyì anyɛ nonu soɔ, Owusoso Akaa asɛsɛ Yɛeyianyɛ Ɔfɔfuĩa nɔ nɛ bɔlɔ etúɔ mɛ, Ɔfɔfuĩa nɔ gɛ okulu bɔdɔ̃ ɔsɛ, “Mɛakaa.”

Efesoanɛ 4:29

Nɔtɛ kɔ kibui kpa nanà de koeyi nɛ ɔnɔ olugbũɔ mɛ oɖi, pɔ kɛgɛ ba plɛnɔ pɛ nɔ bɔbhɔ babhlatɔ ɔtɔɖɔ nɛ kɛpɛɛ gɛ bapɛ ulũ, tɛ kɛkɔ sɛ bagɛ elũ kibuiɛ amɔ kibui tili edenɔ ɛlɛ mɛ.

Banɔkpɛkpɛ Axɔ̃ɛ 9:31

Kɛlɛ ɔhaa petee gɛzã Yudea, Galilea nɛ̀ Samaria ɔdɔ̃ mɛɛ abamɔ ishu yɔyɔ nɛ kibè ɛlɛ. Ɔfɔfuĩa Gbangbã ɔkpɛ kemì ɔkɔ ɔhaa, kɛlɛ ɔhamɛ banunɔ ekpè atɔɖɔ kɛlɛ bazã nɛ̀ ɛkpã pɛ beesi Apaleteɛ nifù.

Efesoanɛ 4:16

Odenɔ yɛ mɛɛ, ishudzya petee, tsà pɛ bazɛɛ anyanã ɛlɛ ovunɔ, pɛ bushè pɛ lɛbhɔ ishu utɔɖɔ nɛ tɛdɛdɛmɛ nɔ mɛ, asɛ kɛwɔa gɛ kawɔ̃pɛ ka nyia ka awɔa kɛlɛ axɔ̃ɛ ana.

Efesoanɛ 4:12

sɛ tɛ babalɛ̀ Owusoso Akaa anunɔ akɔ axɔ̃ɛ wɔawɔa nɛ̀ axɔ̃ɛ dɛdɛ, sɛ tɛ babhɔ Kristo yɛishudzyaa ewunɔ kabha

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Yohanes 1 5:4

ɔmɔsɛ aka nyia aka gɛede Owusoso Akaa mɛ aŋã kanɔ nɔ̀ nabha. Kɛlɛ kɛlɛinu kabha ŋaŋã gɛŋã kanɔ nɔ̀ nabha, gɛenu ɔlɔ tɛyɛyɛkɛŋã.

Yakobo 2:22

Yɛtɛyɛyɛkɛŋã nɛ̀ yɛaxɔ̃ɛ wɔawɔa alɛ tenikpo, kɛlɛ yɛtɛyɛyɛkɛŋã wɔ̃ɛ ɔgana ɛxɔ̃ɛ gɛ abhɛtɛ mɛ.

Tito 1:1

Paulo, anɔ gɛedzì axɔ̃ɛdɛ akɔ Owusoso Akaa nɛ̀ anɔkpɛkpɛ akɔ Yesu Kristo ɔkɔ bagɛ Owusoso Akaa ebu alɛ tɛyɛyɛkɛŋã, nɛ̀ kibuititìɛ gɛlɛ kibui gbã shu pɛ kɛgbanà anɔ vɛnɔ Akaa mɛ tɛzazã,

Korintoanɛ 1 10:23

“Bakɔ kibui ka nyia ka shu kidzo,” pɔ gɛnɛ kɛka nyia ka kɛlɛ vɛnɔ anɔ nɛ otugbà. “Bakɔ kibui ka nyia ka shu kidzo-pɔ gɛnɛ kɛka nyia ka kɛlɛ pɛ̃kɔ anɔ.

Romanɛ 15:2

Kɛlɛ sɛ tɛ bɔlɔ ɔmayɛmɛ aka nyia aka abhɛtɛ kɛgɛ baku yɛɔhagbo awɔ̃, pɛ ebeshe atɔɖɔ nɛ yɛtɛyɛyɛkɛŋã mɛ.

Banɔkpɛkpɛ Axɔ̃ɛ 15:9

Egibu ɔtɔ nanà nɛ bɔlɔ nɛ̀ balɛishi, pɔ adalɛ balɛ etúɔ mɛ ɔgana tɛyɛyɛkɛŋã mɛ.

Timoteo 2 1:5

Batɛkɔ mɛitì nɛ wɔ tɛyɛyɛkɛŋã gbangbã shu, gɛ kiputɔ zã wɔedzé Lois nɛ̀ wɔelĩ Eunike mɛ, kɛlɛ kɛzã mɛuli sɛ kɛkpasɛ wɔ tsyɛ mɛ ana.

Timoteo 1 1:4

alo tɛ̀ balɔkɔ ishu ashɔkpɛ asɛnɛ ebui nɛ̀ eshopo tɛshɔshɔrɔ gɛeti beleɛ mɛ. Ebui alɛ amana kawlɔ̃akɛ ebui ɔdɛ Owusoso Akaa kɛxɔ̃ɛ-gɛinu tɛyɛyɛkɛŋã.

Korintoanɛ 1 1:8

Abakɔ nɔzã gagalĩ ɔvɛnɔ kiwui gɔgɔ nabha, kɛba kɔsɛ nɔtɛ bɔmɔ bamɛ tsitsí nɛ bɔlɔ Apalete Yesu Kristo yɛiwui nabha.

Kibui Bubú Kasɛ 13:10

Onupɛ kɛlɛ sɛ tɛ anɔ teli azã anɔ esiɛ, anɔ esi yɛbavɛ adɛzã. Onupɛ kɛlɛ sɛ bɛtɛ̀ balɔkɔ tɛ beyí anɔ teli nɔɔ, bɛtɛ̀ babàlɔkɔ eyí nɔ. Baɖɔ kɛlɛ ana, sɛ tɛ bagɛ badalɛ balɛishuɔ tɛ baadɔ fɔ̃ɔ nɛ̀ kemi kpɛkpɛ nɛ̀ tɛyɛyɛkɛŋã mɛ.

Yuda 1:3

Mɛbhia alɛ gɛ ɛdɛmɛ nɔ, gɛ kinù mɛ same ɔsɛ tɛ̀ mɛ fɔnɔ keplukpa akɔ ɔnɔ nɛ tibubuɔ gɛ bɔmɔ̃ shu tsyɛɛ, ɛmɔsɛ kɛlɛ ɔsɛ mɛ fɔnɔ keplukpa akɔ wɔnɔ tɛ̀ ɛlɔkɔ kpalà wɔnɔ ɔsɛ tɛ nɔkɔ tɛyɛyɛkɛŋã gɛ balɔkɔ akpɛ ahɔɛ akɔ bayɛyɛkɛŋã ku balɛ awɔ̃.

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Banɔkpɛkpɛ Axɔ̃ɛ 6:7

Kidzo ɛlɛ nabha Owusoso Akaa ibuiɛ yɛɛvɛ, kɛlɛ badɔkpasɛanɛ nɛ Yerusalem bezekpè atɔɖɔ ziazia, kɛlɛ banɔlũazazã kpekpè teli ebelũ batɔ esi akɔ tɛyɛyɛkɛŋã.