Yuda 1:18 - Nyangbo New Testament

¹⁸ Betseɖe wɔnɔ asɛ, “Nɛ ewui gɔgɔɛ nɔ mɛɛ, bagɛ amɔ̃ɛ anɔ ababa, banɔ gɛ abazã alɛ mayɛkɛ mayɛkɛŋã edzoɔ niede.”

Yuda 1:18 Referans Kwoze

Petro 2 3:3

Putɔnɔ kɔ ɛlɛ, kɛlɛ ɔsɛ nɔolũ kɛlɛ esi ɔsɛ̀ nɛ ewui gɔgɔɛ nɔ mɛɛ banɔ gɛezĩ banɔ shuɔ ebekoeyì, bebè zĩ anɔ shu pɛ babà za nɛ̀ ɛkpã kpa nɛ alɛ tɛpɛpɛ ulũ.

Timoteo 2 4:3

Ɔmɔsɛ kibèɛ baba gɛ, banɔ azapɛ asɛ tɛ belũ batɔ̃ akɔ bɔdɔ̃ kakasɛ piapii nɔ. Pɔ tɛ beku ishu awɔ̃ soɔ, babalɔkɔ badɔ̃ kakasɛ kpekpè akana balɛ ishu tɛ betseɖe alɛ kɛgɛ batɔ̃ gɛ awɔɛsɛ̃ alɛ apɛɛ asɛ tɛ belũɔ.

Timoteo 2 3:13

kɛlɛ banɔ kpa nɛ̀ bagɛ abhɛtɛ ishu asɛ bapɛ xɔnɔ ebèzĩ atɔɖɔ, babawɔɛ banɔ kɛlɛ babawɔɛ alɛ tsyɛ.

Petro 2 2:1

Asɛ kɛzã gɛ asɛnɛ ebuiɖɔluanɛ atɛzã banɔɛishi abafala nɔ, kidzo ɛlɛ nabha asɛnɛ ɔdɔ̃ kakasɛ tsyɛ abekoeyì nɛ wɔnɔɛshi. Babà gã bɔshɛ mɛ abalɔkɔ asɛnɛ bɔdɔ̃ kakasɛ gɛ bazĩ udɔ akasɛ ɔnɔ ɔdɔ̃ nɔ, babàdã kadã nɛ Apaleteɛ gɛ ayɛkɛ balɛ edziɛ shu, gɛ balɛ ebui bhɛbhɛtɛ aba gbanà alɛ akpɛ butsì mɛ gulũi.

Banɔkpɛkpɛ Axɔ̃ɛ 20:29

Inyi sɛ onupɛ ɛbashɛɛ kidegbaa, igulu babà wɔnɔɛshi, kɛlɛ lɛti bàbi ibhoshiɛ ashagabui.

Yuda 1:16

Banɔ alɛ enù banɔ gɛ̀ bakpɛmɛ ishu pɛ bapɛ̀ kizizĩ nɛ anɔ shu, batɔnɔ balɛ ahɔɛ ebui kpa tɛpɛpɛɛ ede, beetũ ahɔɛ etelũ ɔkɔ balɛishu pɛ beedzyinì banɔ akpɛ̀ akɔ balɛishu tɛpɛpɛ so.

Petro 2 2:10

Kibui ɛlɛ inu kɛgbã ɔkɔ banɔ nɔ̀ gɛ bazana ɛkpã kpa nɛ alɛ tɛpɛpɛ ulu pɛ bagɛ lɔkɔ ɔsha niesi gɛ balɛ akpɛ kɛnanà mɛ betielũ atɔ̃ ɔkɔ ɔsha. Nɛ kitè kpɛkpɛ nɛ̀ ishu fefeke mɛɛ, balà ɖɔaɖɔ kpa nɛ kititì banɔ nɔ shu

Yuda 1:4

Ɔmɔsɛ banɔ teli gɛ batɛ fɔnɔ balɛ ɛpɔ bubuɔ elù kibè tili gɛ bafalaa, banɔ alɛ abafala eku wɔnɔɛshi nɛ tikpukpũ mɛ. Benu banɔ gɛ betinyi Owusoso Akaa, gɛ balɔkɔ Owusoso Akaa tibhui bhuibuɔ asɛ kidzo kɔkɔ anɔ ɔkɔ kɛgɔlɔ ŋaŋã kɛlɛ bagɛ yɛkɛ Yesu Kristoɔ gɛenu bɔlɔ Apalete nɛ̀ Ekusi Gbagbla tenikpo nɔ.