Yohanes 3 1:2 - Nyangbo New Testament

² Mɛɔbhia gɛ ɛdɛmɛnɔ, iikulu Owusoso Akaa kɔwɔ sɛ tɛ̀ ɔmɔ ishumɛ gagalĩ, sɛ tɛ kɛka nyia ka vɛ ɛlɛ abha piapii nɛ̀ wɔ, asɛ kana gɛ inyi ɔsɛ ɔgagalĩ nɛ ɔfɔfuĩa nɔ mɛ.

Yohanes 3 1:2 Referans Kwoze

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.

Petro 1 4:8

Kɛgɛ dɛ alɛ peteɛ, nu ɔsɛ nɔdɛmɛ nɔ nɛ̀ bagɔlɔ piapii, ɔmɔsɛ tɛdɛdɛmɛ nɔ dã ebui kpa bhɛbhɛtɛ gelee ulũ.

Tesalonikanɛ 2 1:3

Mɛadzya alɛ mɔ, kɛlɛ sɛ tɛ buhu Owusoso Akaa ahɔɛ kibe nyia be ɔkɔ wɔnɔ, kɛpɛ ana, ɔmɔsɛ gɛ wɔnɔ tɛyɛyɛkɛŋã kpe tɔɖɔ soɔ, tɛdɛdɛmɛ nɔ gɛ kpasɛ wɔnɔ mɛ ɔkɔ bagɔlɔ tsyɛ kpe tɔɖɔ.

Filipianɛ 2:4

Wɔnɔ mɛ anɔ nanà etiɖì kɛgɛ apɛ akɔ yɛishu ete, pɔ eɖì kɛgɛ bapɛ̃ kɔ babhlatɔ tsyɛ.

Kibui Bubú Kasɛ 2:9

Inyi ampɔɛ ebuiɛ gɛ ɔmɔ nɛ̀ wɔɛtsyui dɔdɔɔ, pɔ ehoeyielete wonu nɛ ɔfɔfuĩa mɛ flogo! Inyi ishu zizĩ ebuiɛ gɛ bagɛ basɛ Yudanɛ benu, pɔ anɛ alɛ benu flogo nɔ, pɛ benu Satana ɔtsyɔakɔ azazã.

Yakobo 5:12

Nɛ̀ kɛgɛdɛ pete nɔ, mɛadzya alɛ mɔ, nɔtɛ tanà ɔdɔ̃, kitití udɔ̃ loo kesiakpa ɔyɛ, alo kɛdɔ̃ ka nyia ka ɛdi. Nɔkɔ ɔnɔ, “Ee” edzi ee, kɛlɛ ɔnɔ “Ao” tsyɛ edzi ao, tɛ Owusoso Akaa etibebu ɔnɔ ɛpɔ.

Filipianɛ 2:27

Kibui gbã yɛishumɛ zĩ bafala nɔ, gɛ atɔ ɛbɔɛ tɛ etsí. Pɔ Owusoso Akaa eɖi yɛ ashagabui, kɛlɛ gɛnɛ yɛ ete, pɔ mɛtsyɛ, sɛ tɛ ɛtɛba mɔ ɔwɔ̃nyɔnɔ dzinì mɔ.

Tesalonikanɛ 2 2:13

Pɔ badzya gɛ Apaleteɛ adɛmɛ nɔ, kɛlɛ sɛ buzi hu Owusoso Akaa ahɔɛ kiwui nyia wui nɛ wɔnɔ ɛtakpu, ɔmɔsɛ denɔ kesikpɛkpɛ mɛibeɛ, Owusoso Akaa ebu wɔnɔ elú ɔgana ɔfɔfuĩa nɔ nɛ̀ ɔlɛ axɔ̃ɛ dadalɛ wɔawɔa mɛ, nɛ̀ ɔganà kibui gbã tɛyɛyɛkɛŋã mɛ.

Yohanes 3 1:1

Mɛ asɛ ɔhamɛ anɔ sheshè ana, Ɛsɛsɛ wɔ Gayo epluka alɛ, wɔ anɔ gɛ ɛdɛmɛnɔ nɛ kibui gbã mɛ.