Yohanes 1 5:7 - Nyangbo New Testament

⁷ Ɔmɔsɛ banɔ edì tata balɛ aɖɔaɖɔ dalɛ kɛlɛishu,

Yohanes 1 5:7 Referans Kwoze

Korintoanɛ 2 13:14

Tɛ̀ Apalete Yesu Kristo tibhui bhuibuɔ, Owusoso Akaa tɛdɛdɛmɛ nɔ, nɛ̀ ɔhakpɛkpɛ nɛ̀ Ɔfɔfuĩa Gbangbã ɔzã ɔplɛnɔ ɔnɔ petee.

Banɔkpɛkpɛ Axɔ̃ɛ 5:32

Bɔlɔ nɛ̀ Ɔfɔfuĩa Gbangbã gɛ Owusoso Akaa akɔ bagɛ elũ yɛatɔɔ̃ bɔlɔ zãmɔ ebui alɛ.”

Banɔkpɛkpɛ Axɔ̃ɛ 2:33

Gɛ befeke yɛavɛnɔ Owusoso Akaa kɛŋãa mɛ ebekeɛ, ayɛkɛ Ɔfɔfuĩa Gbangbã gɛ batɔɖɔ elu akɔɛ odenɔ Akaa ɔkɔ kɛlɛ yɛtsyɛ ashɛnɛ ahɔɛ nɛ ɔlɛ shu asɛ gɛ nɔmɔ pɛ nolũɔ ana.

Yohanes 1 5:6

Anɔ alɛ yɛagã bulĩ nɛ̀ dzyosu mɛ aba, yɛenu Yesu Kristoɔ. Agɛ gã bulĩ ete mɛ̀ pɛ aba, pɔ bulĩ nɛ̀ dzyosu mɛ yɛagã aba. Kɛlɛ ɔfɔfuĩa nɔ ɔlɛ ɖɔaɖɔ dalɛ̃ kɛlɛishu, ɔmɔsɛ ɔfɔfuĩa nɔ ɔlɛ onu kibui gbã.

Kibui Bubú Kasɛ 19:13

Akpɛ akpɛkpɛ dzlolo teli gɛ batɔɛ nɛ dzyosu mɛ, kɛlɛ bekulu yɛasɛ Owusoso Akaa Yɛibui.

Yohanes 1 1:1

Kibuiɛ gɛ zã odenɔ kanɔ nɔ̀ esiɛ ɔkpɛkɔɔ, gɛ butilũ ɖiɛ, pɛ bɔtɛ mɔɖi tsyɛ nɛ̀ bɔlɔ awuhũɔ, pɛ bulu awɔ̃ oɖi pɛ bɔlɔ ɛhɔɛ tsyɛ hunùɔ, ebui alɛ bɔɖɔ tseɖe wɔnɔ nɛ ɛkpa Ebuiɛ shu.

Yohanes 1 5:8

Ɔfɔfuĩa nɔ, bulĩɛ nɛ̀ dzyosu nɔ, kɛlɛ banɔ edi tata alɛ tenikpo.