Yohanes 1 5:6 - Nyangbo New Testament

⁶ Anɔ alɛ yɛagã bulĩ nɛ̀ dzyosu mɛ aba, yɛenu Yesu Kristoɔ. Agɛ gã bulĩ ete mɛ̀ pɛ aba, pɔ bulĩ nɛ̀ dzyosu mɛ yɛagã aba. Kɛlɛ ɔfɔfuĩa nɔ ɔlɛ ɖɔaɖɔ dalɛ̃ kɛlɛishu, ɔmɔsɛ ɔfɔfuĩa nɔ ɔlɛ onu kibui gbã.

Yohanes 1 5:6 Referans Kwoze

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Hebrianɛ 12:24

Yesu gɛ evũ iboe nɛ̀ olugbũ nyanya vɔvɔ, nɛ̀ dzyosu hɔɛhɔ̃ɛ gɛ aɖɔaɖɔ gbangbã ɔdɛ Abel dzyosu nɔɔ.

Kibui Bubú Kasɛ 7:14

Ibuiliulũ asɛ, “Apalete, wonyi.” Kɛlɛ aɖɔ asɛ, “Balɛ enu banunɔ gɛ bagã ekoeyì nɛ bɔtɔ gagalĩɛ mɛ, pɛ beplu balɛ akpɛkpɛ dzloloɔ, pɛ babhɛtɛ alɛ befuli frɛrɛrɛ nɛ Obhoshieyiɛ dzyosu nɔ mɛ.

Kibui Bubú Kasɛ 5:9

Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.

Petro 1 1:2

banɔ gɛ bebu alɛ nɛ Owusoso Akaa gɛenu bɔlɔ Akaa ekpeɖekpeɖeɛ gɛ abhɛtɛ akpɛ otugbà nulũ, ɔganà Ɔfɔfuĩa nɔ gɛ ɔlɛ axɔ̃ɛ wɔawɔa adalɛ, ɔkɔ batɔ̃ lulũ ɔkɔ Yesu Kristo nɛ yɛ dzyosu hɔɛhɔ̃ɛ niesi. Tibhui bhuibu nɛ̀ ishu yɔyɔ kɔ wɔnɔ nɛ tikpekpè mɛ.

Hebrianɛ 13:20

Tɛ ishu yɔyɔeleteɛ gɛenu Owusoso Akaa, anunɔ gɛ gana olugbũ nyanyã tihɔɔ dzyosu alɛ mɛ, pɛ akɔ Apalete Yesu alɔ ede bekpu mɛ, gɛ yɛenu Ibhoshi agbagbanaelete gbagblaa,

Yohanes 1 1:7

Pɔ onupɛ bɔgã nɛ tɛdadalɛ mɛɛ, asɛ kana gɛ yɛtsyɛ agã nɛ tɛdadalɛ mɛ anaa, kɛlɛ bɔkpasɛ ɔhakpɛkpɛ mɛ nɛ̀ bagɔlɔ, kɛlɛ Yɛeyì Yesu dzyosu nɔ, abadalɛ bɔlɔ shu nɛ ebui kpa ka nyia ka mɛ.

Tito 3:5

ebu ɔlɔ, gɛnɛ nɛ bɔlɔ ebui gbangbã bhɛbhɛtɛ shu so, pɔ nɛ yɛ ashagabui ɖiɖiɛ shu so. Ebu ɔlɔ ɔgana tiwuwlunɔ odenɔ tɛmɔmɔ vɔvɔ, nɛ̀ Ɔfɔfuĩa Gbangbã gɛ lodzinì ɔlɔ mɔ́ avɔvɔ mɛ,

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,

Petro 1 3:21

kɛlɛ bulĩ ɛlɛ kasɛ bulĩkpɛkpɛ nɛ kɛtakpu ɔkɔ anɔ gɛ ayɛkɛ wɔnɔ elu nɛkpã otsiɛ. Gɛnɛ sɛ tɛ̀ bebù kibò nɛ anɔ shu, pɔ kibui tɔtɔɖɔ lu ɔganà kitú mɛibui gbangbã nɛ Owusoso Akaa shu. Kɛlɛ yɛkɛ ɔkɔ wɔnɔ ganà Yesu Kristo yɛ̀ tɛlɔlɔ odenɔ bekpuɔ mɛ,

Hebrianɛ 10:29

Kɛlɛɛ batɔ̃ pɔpɔ̃ gagalĩ ɖuwoe lu gɛ bɔyɛkɛŋã sɛ babàkɔ anunɔ gɛ akpata Owusoso Akaa Yɛeyiɛ, pɛ agɛ lɔkɔɛ nanà nɛ dzyosu olugbũ nyanyã gɛ alɔkɔ adalɛ yɛishu nɔ mɛ, pɛ ebu olugbũ mɛ nɛ Ɔfɔfuĩa nɔ gɛ lobhui banɔ obuɔ shu oɖiɛ mɔɔ dza?

Hebrianɛ 9:7

Banɔlũazazã gbagbla ete ko yɛamɔ idzo etsoku ovuede uvũɔ mɛ, kɛlɛ ɛdɛ tinikpo nɛ kɛgɔ ka nyia ka mɛ. Onupɛ avɛɛ, alɔkɔ agã dzyosu evunɔ sɛ tɛ alɔkɔ akɔ nɛ yɛahɔɛ ɛtakpu nɛ̀ banunɔ ebui mati mati gɛ babhɛtɛ nɛ ɛtakpu.

Koloseanɛ 1:4

ɔmɔsɛ bulu wɔnɔ tɛyɛyɛkɛŋã nɛ Yesu Kristo abha nɛ̀ wɔnɔ tɛdɛdɛmɛ nɔ gɛ nɔlɔkɔ ɔkɔ banɔ dadalɛ petee,

Romanɛ 3:25

Owusoso Akaa, alɔkɔɛ akɔ asɛ bɔdɔ̃ pɔpɔɛ sɛ tɛ balɔkɔ ɔlɔ ebui zizĩɛ etsye ɔlɔ ɔgana yɛdzyosu nabha tɛyɛyɛkɛŋã mɛ. Owusoso Akaa abhɛtɛ ana sɛ tɛ ebu yɛebhu kukulu gbangbã akasɛ, ɔmɔsɛ nɛ yɛitú esi lulu mɛɛ, adã awuhũ nɛ ebui kpa gɛ beti bhoso bhɛtɛ nabha.

Banɔkpɛkpɛ Axɔ̃ɛ 8:36

Gɛ bagã pɛ bavɛɛ, badɛ tɔnɔ bulĩ tuli kɛlɛ anyɛ gɛ batsarà aɖɔ asɛ, “Ɖio, bulĩ nɔlɛ. Kiɖuwoe so pɛ batɛ akpɛ bulĩ nɛ kɛtakpu ɔkɔ mɛ dza?”

Yohanes 1 4:10

Kɛlɛ kɛlɛinu tɛdɛdɛmɛ nɔ, gɛnɛ kana gɛ bɔdɛmɛ nɔ nɛ̀ Owusoso Akaa yɛenu tɛdɛdɛmɛ nɔ, pɔ yɛadɛmɛ ɔlɔ ɛbui sopɛ asɛsɛ Yɛeyianyɛ asɛ tɛ̀ abedzi bɔdɔ̃ pɔpɔɛ ɔkɔ bɔlɔ ebui kpa etsye bɔlɔ.

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.