Biblia Todo Logo
Bib sou entènèt

- Piblisite -




Yohanes 1 5:20 - Nyangbo New Testament

20 Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Gade chapit la Kopi




Yohanes 1 5:20
53 Referans Kwoze  

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.


Anɔ ka nyia ka gɛ ayɛkɛ aŋã sɛ̀ Yesu yɛenu Kristoɔ, enu Owusoso Akaa ayɛ, kɛlɛ aka nyia aka gɛ adɛmɛ nɔ Akaa adɛmɛ nɔ yɛeyiɛ tsyɛ.


“Fɔnɔ ebui alɛ ɔsɛsɛ axɔ̃ɛdɛ nɛ Filadelfia ɔha mɛ. Ebui alɛ enu anunɔ gɛ yɛenu anɔ dadalɛ, pɛ aɖɔ kibui gɛlɛ ɛlɛ ɔzãkɔ, pɛ yɛevunɔ David ukusiupã opupuiakɔɔ. Kɛgɛ adalɛɛ, anɔ nanà atɛ kalà ɛlɛ adã, kɛlɛ kɛgɛ adãa anɔ nanà atɛ kalà adalɛ ɛlɛ.


Kliso bunyi, kɛlɛ bɔkpà plɛnɔ Owusoso Akaa tɛdɛdɛmɛ nɔ nɛ̀ bɔlɔ. Owusoso Akaa enu tɛdɛdɛmɛ nɛ anɔ. Anunɔ gɛ edzinɔ yɛkpã nɛ̀ tɛdɛdɛmɛ nɔɔ, anɔ alɛ akpasɛ Owusoso Akaa mɛ, kɛlɛ Owusoso Akaa tsyɛ akpasɛ yɛ mɛ.


Bashuĩ gbagbla eyimɔmɔ alɛ benu, kɛlɛ balɛ mɛ Kristo edekoeyì asɛ anɔdzyrame ana, bɔbakpɛ Owusoso Akaa gɛ aŋã kɛka nyia ka abha nɛinye nɛitití ɔvɛnɔ tihɔ tihɔ! Amen.


Kidzo ɛlɛ abha nɔbɔ gã pɛ nɔbɔ mɔ ɔsɛ Owusoso Akaa Ɔfɔfuĩa nɔɔlɛ, ɔfɔfuĩa ka nyia ka gɛ lɔonyi ɔsɛ Yesu Kristo aba nɛ ishudzya mɛɛ, ɔfɔfuĩa ɔlɛ ode Owusoso Akaa ɔkɔ,


Anunɔ gɛ aɖɔ asɛ akpasɛ yɛmɛɛ, kɛlɛ sɛ agã asɛ Yesu anà tsyɛ.


Pɔ aɖɔ nɛ Yɛeyiɛ xɔnɔ shu asɛ, “O Owusoso Akaa, wɔekusi egbuɔ abazã tihɔ, tihɔ, kɛlɛ ibui gbã bhɛbhɛtɛɛ, kɛlɛ bazã wɔkusi tɛŋaŋãa mɛ.


nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,


Nɔzanà awɔ̃ ɔkɔ wɔnɔ ishu tɛ nozoɖi ibhoshiɛ gɛ Ɔfɔfuĩa Gbangbã ɔkpɛ wɔnɔ ahɔɛ ɔsɛ nɔoɖi ɛlɛ abha. Nodzi ibhoshi agbagbana elete ɔkɔ Owusoso Akaa ɔhaa, gɛ edzi nɛ yɛ dzyosu nɔ.


Ɛmɔ ititíɛ dalɛ zã kɛlɛ ɛmɔ ɛsɔ fufu teli, gɛ bekulu anunɔ gɛ azã yɛabha asɛ, Kibui gɛlɛ ɛlɛ ɔzãkɔelete nɛ̀ Kibui gbã elete. Alɔkɔ bamɛ maɖi maɖi ekulu ebhu pɛ atà eyu nɔ.


kɛlɛ bazazhã Owusoso Akaa axɔ̃ɛdɛ Mose nɛ̀ Obhoshieyiɛ ɔdzɛ asɛ, “Wɔebui bhɛbhɛtɛ egbogblo kɛlɛ labhɛtɛ ibi, Apalete Owusoso Akaa Ohumielete wɔebuiɛ alɛ àlɛ ɔzãkɔ kɛlɛ wɔedzoɔ enu ebui gbã, Wonu Ekusi galɛ odenɔ kuku ibe.


Bakpɛ ozĩ gagalĩ pɛ bebisi asɛ, “Apalete Ekusi Dadalɛ nɛ̀ kibui gɛlɛ ɛlɛ ɔzãkɔelete, kibe ɖuwoelu wobòkulu ebhu nɛ̀ kesiakpa abhaeleteɛ pɛ obobisi ulɔ dzyosu nɔ gɛ babàlɛ nɛibui ɔkɔ ɔlɔɔ dza?”


“Fɔnɔ ebui alɛ ɔsɛsɛ axɔ̃ɛdɛ nɛ Ladokia ɔhaa mɛ. Anɔ nɔ̀ gɛ yɛakɔ ebuiɛ aba ɛlɛ mɛ, gɛenu agɛ aɖɔ kibui gbã, nɛ̀ kibui mɛ adadalɛelete, pɛ yɛaŋã ukusi nɛ Owusoso Akaa yɛanɔ mɛ ɔdɔ̃ nulũɔ, yɛebui nɛ ɛlɛ.


Kɛlɛ bɔmɔ pɛ bɔɖɔ kaɖɔ dalɛ kɛlɛ shu sɛ, Akaa yɛakpɛ Yɛeyiɛ sɛ tɛ̀ abayɛkɛ akɔ kanɔ nɔ̀ mɛ.


tɛ bamɔ mɛ tsyɛ nɛ yɛ mɛ, gɛnɛ sɛ tɛ ɛmɔ tɛzazã piapii gɛide ɔsha mɛ akɔ mɛishu, pɛ kide tɛyɛyɛkɛŋã nɛ Kristo mɛ gɛ kinu kibui gbangbã bhɛbhɛtɛ gɛide Owusoso Akaa mɛ pɛ kide tɛyɛyɛkɛŋã mɛ.


Ɔmɔsɛ Owusoso Akaa aɖɔ asɛ, “Nɔkɔ kifu dɛkɛ nɛ otumũɔ mɛ,” nɔkɔ yɛifúɔ dɛkɛ nɛ bɔlɔ etúɔ mɛ, tɛ kɛdɛkɛ kɔ bɔlɔ asɛ bubuti kifù ana tɛ kɛkɔ Owusoso Akaa shu dalɛ nɛ Kristo amɛ.


Nɔoɖi kɛlɛ ɔkɔ ɔsɛ kɛgɛ nɔolũ odenɔ kesiɛ ɔkpɛkɔɔ zã wɔnɔ mɛ. Onupɛ kɛzãa ana, wɔnɔ tsyɛ ɔbɔzã Eyianyɛ nɛ̀ Akaa mɛ.


tɛ ohumi ɔzã wɔnɔ ahɔɛ, ɔplɛnɔ bagɛ ayɛkɛ aŋã petee, tɛ nɔ nyana kana gɛ Yesu tɛdɛdɛmɛ nɔ nɛ anɔ dzeɛ pɛ kɛɖama pɛ kidzuɔ gɛinu Kristoɔ tɛdɛdɛmɛ nɔ ovunɔ,


Klisoɔ, onupɛ anɔ teli akpasɛ Kristo mɛɛ, enu kɛdɔ̃ bhɛbhɛtɛ vɔvɔ, kɛdɔ̃ kukuɔ tɛba fala, kɛvɔvɔ ba otsi alɛ!


Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.


Anɔ nanà ma gɛ agɛ yɛkɛ Eyianyɛ pɛ ebetì Akaa xɔnɔ, anunɔ gɛenyi Eyianyɛɛ yɛenyi Akaa tsyɛ.


Afana gɛenu anɔ gɛ aŋã kanɔ nɔ̀ nabha? Anunɔ gɛ yɛayɛkɛ aŋã sɛ̀ Yesu yɛenu Owusoso Akaa yɛeyiɛ ete.


Kɛlɛ onupɛ bunyi sɛ ataatɔ̃ nɛ̀ ɔlɔ nɛ kɛka nyia ka gɛ bubisiɛ shuɔ, bunyi sɛ bɔbà mɔ kɛgɛ bubisi odenɔ yɛɔkɔɔ.


Bunyi sɛ aka nyia aka gɛ bamɔ nɛ Owusoso Akaa mɛ atɛzã kɛlɛ abha pɛ aza bhɛtɛ̀ kibui kpa, anunɔ gɛ bamɔ nɛ Owusoso Akaa mɛ yɛakɔ anɔ alɛ nɛidi azã piapii, kɛlɛ abosam atɛ balà kpɛ̀ kɛpɔ̃ nɛishu.


Swiv nou:

Piblisite


Piblisite