Yohanes 1 5:19 - Nyangbo New Testament

¹⁹ Bunyi sɛ Owusoso Akaa yɛeyi alɛ bunu, kɛlɛ bunyi tsyɛ ɔsɛ kanɔ nɔ̀ tɛgbagbana kpasɛ abosam esi.

Yohanes 1 5:19 Referans Kwoze

Korintoanɛ 2 4:4

Obo kanɔ nɔ̀ ibudiɛ pú awuhũ akɔ bagɛ agɛ yɛkɛ aŋã, sɛ tɛ batɛmɔ tɛdadalɛ gɛlɛ Kristo yɛibuiɛ shu, anɔ gɛ alɛ asɛ Owusoso Akaa ana.

Efesoanɛ 2:2

gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.

Galatianɛ 1:4

anɔ gɛ alɔkɔ yɛishu akɔ nɛ bɔlɔ ibui kpa nɛtakpu, ɔsɛ tɛ ebu ɔlɔ odenɔ obo kanɔ alɛ ebui kpa bhɛbhɛtɛ mɛ, nɛ tɛtɔtɔɖɔ gɛide Owusoso Akaa gɛenu bɔlɔ Akaa ɔkɔ,

Kibui Bubú Kasɛ 12:9

Balɔkɔ kɛtsɔpɛ hohoeɛ awɔanyã akpɛ esiakpa, eblidzya alɛ gɛ bekulu asɛ Abosam alo Satana pɛ agbana kanɔ nɔ̀ pete aganà kidzo kpa abhaa, balɔkɔ yɛ nɛ̀ yɛaxɔ̃ɛdɛ awɔanyã akpɛ esiakpa.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Yohanes 1 5:13

Ɛfɔnɔ ebui alɛ kɔ wɔnɔ bagɛ nɔyɛkɛ Owusoso Akaa Eyiɛ ninye nabha aŋã, sɛ tɛ̀ nɔotì ɔsɛ ɛkpã tihɔɔ lɛ wɔnɔ ahɔɛ.

Yakobo 4:4

Wɔnɔ ɔmamɛ dɛdɛelete, notinyi ɔsɛ nɔɔŋã ɛbhia nɛ̀ kanɔ alɛ mɛɛ, kɛlɛ notsyina odzi banɔ gɛ banyana Owusoso Akaa akpɛ ɛya mɛɛ dza? Anɔ nyia anɔ gɛ edzi ɔbhia ɔkɔ kanɔ alɛɛ, kɛlɛ etsyina edzi anunɔ gɛ agɛ dɛmɛ nɛ Owusoso Akaa.

Yohanes 1 5:10

Kibui ɛlɛ gɛ baɖɔ adalɛ yɛishuɔ bazã anɔ ka nyia ka yɛitúɔ mɛ gɛ ayɛkɛ Owusoso Akaa Eyi nabha aŋãa. Anɔ nyia anɔ gɛ agɛ yɛkɛ Owusoso Akaa nabha aŋãa abhɛtɛ yɛ yɛedzi asɛnɛ elete, ɔmɔsɛ agɛ yɛkɛ kibuiɛ gɛ Owusoso Akaa aɖɔ adalɛ Yɛeyiɛ shuɔ nabha aŋã.

Yohanes 1 3:24

Bagɛ babhɛtɛ atɔɖɔ yɛɔsha nabha balɛ akpasɛ yɛmɛ, kɛlɛ yɛtsyɛ akpasɛ balɛ mɛ. Kana bɔbhɛtɛ pɛ buutì ɔsɛ akpasɛ bɔlɔ mɛ. Bunyi kibui ɛlɛ gana ɔfɔfuĩa nɔ gɛ ɔlɛ yɛakɔ ɔlɔ mɛ.

Kibui Bubú Kasɛ 20:3

Awɔanyã yɛatɛ akpɛ ozĩ dzudzuɔ mɛ, adã ɔlɛ pɛ edere ɔlɛ ulũ akpii, sɛ tɛ atɛ mɔ idzo nanà tɛ ewlui azawɔɛ ɛmadiɛ, ɔvɛnɔ agɔ ohotu zɛzɛ̀ ede flogo. Nɛ agɔ alɛ niedeɛ, bebebui gɛ azabazã nɛ kibe gulũi mɛ.

Yohanes 1 5:18

Bunyi sɛ aka nyia aka gɛ bamɔ nɛ Owusoso Akaa mɛ atɛzã kɛlɛ abha pɛ aza bhɛtɛ̀ kibui kpa, anunɔ gɛ bamɔ nɛ Owusoso Akaa mɛ yɛakɔ anɔ alɛ nɛidi azã piapii, kɛlɛ abosam atɛ balà kpɛ̀ kɛpɔ̃ nɛishu.

Korintoanɛ 2 5:1

Otsi alɛ bunyi sɛ onupɛ bezĩ kesiakpa abha kagbaa gɛ kalɛ mɛ bɔkpasɛ, ɔzãkɔ ɔlɛ bɔlɔ ahɔɛ nɛ Owusoso Akaa ɔkɔ, bɔpã tihɔɔ, gɛ anɛ anɔdzyrame ahɔɛ balɔkɔ edzu bɔlɛ nɔ.

Romanɛ 8:16

Ɔfɔfuĩa nɔ ɔbhɛtɛ tenikpo nɛ̀ bɔlɔ ɔyɛ, pɛ lɔdalɛ bɔlɔ ishu ɔsɛ Owusoso Akaa yɛeyi alɛ bunu.

Yohanes 1 3:14

Bunyi sɛ̀ budekoeyì nɛ butsi mɛ ba ɛkpã mɛ, ɔmɔsɛ bɔdɛmɛ bɔlɔ adzya alɛ ibui. Anunɔ gɛ atɛ adɛmɛ nɔ nɛ̀ anɔ akakpasɛ butsì mɛ.

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Timoteo 2 1:12

Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Yohanes 1 5:15

Kɛlɛ onupɛ bunyi sɛ ataatɔ̃ nɛ̀ ɔlɔ nɛ kɛka nyia ka gɛ bubisiɛ shuɔ, bunyi sɛ bɔbà mɔ kɛgɛ bubisi odenɔ yɛɔkɔɔ.