Yohanes 1 5:18 - Nyangbo New Testament

¹⁸ Bunyi sɛ aka nyia aka gɛ bamɔ nɛ Owusoso Akaa mɛ atɛzã kɛlɛ abha pɛ aza bhɛtɛ̀ kibui kpa, anunɔ gɛ bamɔ nɛ Owusoso Akaa mɛ yɛakɔ anɔ alɛ nɛidi azã piapii, kɛlɛ abosam atɛ balà kpɛ̀ kɛpɔ̃ nɛishu.

Yohanes 1 5:18 Referans Kwoze

Yohanes 1 3:9

Anɔ nanà ama gɛenu Owusoso Akaa anɔ pɛ abazã kibui kpa bhɛbhɛtɛ abha, ɔmɔsɛ bamɔ́ yɛ nɛ Owusoso Akaa mɛ.

Yohanes 1 5:4

ɔmɔsɛ aka nyia aka gɛede Owusoso Akaa mɛ aŋã kanɔ nɔ̀ nabha. Kɛlɛ kɛlɛinu kabha ŋaŋã gɛŋã kanɔ nɔ̀ nabha, gɛenu ɔlɔ tɛyɛyɛkɛŋã.

Yuda 1:21

Nɔlɔkɔ wɔnɔ ishu ɔzã Owusoso Akaa tɛdɛdɛmɛ nɔ mɛ̀ kibeɛ gɛ nopo Apalete Yesu Kristo yɛashagabui ɖiɖiɛ, tɛ̀ amanà wɔnɔ nɛ ɛkpã tihɔɔ nɔ mɛ.

Yohanes 1 5:1

Anɔ ka nyia ka gɛ ayɛkɛ aŋã sɛ̀ Yesu yɛenu Kristoɔ, enu Owusoso Akaa ayɛ, kɛlɛ aka nyia aka gɛ adɛmɛ nɔ Akaa adɛmɛ nɔ yɛeyiɛ tsyɛ.

Yuda 1:24

Ishu dadalɛ ɔkɔ anunɔ gɛ yɛakɔ asɛ tɛ̀ nɔtɛ dɔ oboe, sɛ tɛ̀ alɔkɔ ɔnɔ elù anɔ dadalɛ amɛ tɛ̀ kibui kpa tɛzã wɔnɔ shu pɔ nɛ same mɛɛ,

Yohanes 1 3:3

Anunɔ gɛ eɖì idzomɛ akɔ yɛɛ adalɛ yɛishu, asɛ kana gɛ yɛishuɔ dalɛ ana.

Yakobo 1:27

Kɛtakpu esi kpɛkpɛ gɛ kɛli shu bhui pɛ kibo nanà ma kɛlɛishu, nɛ bɔlɔ Owusoso Akaa namɛɛ nu ɔsɛ tɛ nɔplɛnɔ batsyãnbhi nɛ̀ bavɛvɛ edzini nɛ balɛ ɔtɔ mɛ. Kɛlɛ tɛ anɔ alà yɛishu ebu nɛ kanɔ mɛ ebuiɛ gɛ letuturu anunɔɔ mɛ.

Petro 1 1:23

Ɔmɔsɛ bedzinì wɔnɔ amɔ, gɛnɛ denɔ busi eyuyuɔ gɛebetsíɛ mɛ, pɔ denɔ busi eyuyuɔ gɛ etibè etsì ɖiɛ mɛ, ganà Owusoso Akaa ibuiɛ gɛ lɛ nɛkpã pɛ kɛlɛ ulu tɛ fala mɛ.

Yohanes 1 2:29

Onupɛ nɔonyi ɔsɛ anɔ dadalɛ yɛenuɔ, pɛ nɔonyi tsyɛ ɔsɛ aka nyia aka gɛ abhɛtɛ̀ kibui gbangbã edekoeyì nɛ yɛmɛ.

Kibui Bubú Kasɛ 2:13

Inyi wɔzãkɔ nɛ ɛkɛlɛ gɛ Satana yɛekusiegbuɔ alɛ, pɔ ogitso dzi nɛ miede. Ɔgɛɖɔ ɔsɛ ɔshɛnɛ ahɔɛ nɛ mɛabha tɛyɛyɛkɛŋã shu olu. Nɛibeɛ gɛ Antipa azaɖɔ mɛibuiɛ nɛ kɛlɛ ɔzãkɔ pɛ beyí nɛ wɔnɔ ɔma hohoe mɛ tsyɛ elo, owlui ɔzã miede kokoko nɛ ɛkɛlɛ gɛ Satana alɛɛ.

Yohanes 1 5:21

Mɛeyi alɛ gɛ ɛdɛmɛ nɔ, nobu wɔnɔ ishu oyinɔ nɛ ibudì shù.

Yohanes 1 4:6

Owusoso Akaa ɔkɔ bɔlɔ xɔnɔ dè, kɛlɛ aka nyia aka gɛ enyi Owusoso Akaa ataatɔ̃ nɛ̀ ɔlɔ, pɔ anunɔ gɛ egide Owusoso Akaa ɔkɔ atɛ atàaatɔ̃ nɛ̀ ɔlɔ. Kidzo ɛlɛ abha bɔgã pɛ bɔmɔ Ɔfɔfuĩa nɔ gɛonu kibui gbã nɛ̀ ɔfɔfuĩa nɔ gɛ lɔonù asɛnɛ ɔyɛ.

Yohanes 1 3:12

Nɔtɛ̀ zã asɛ Kain ana, anɔ gɛenu Abosam ayɛ pɛ eyí yɛadzyaa. Kɛlɛ kiɖuwoe so pɛ eyíi? Ɔmɔsɛ yɛ ahɔɛ edzoɔ enu edzo kpa pɛ yɛadzya ayɛ xɔnɔ adalɛ.

Banɔkpɛkpɛ Axɔ̃ɛ 11:23

Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.

Yakobo 1:18

Adɛmɛ ayɛkɛ ɔlɔ amɔ aganà yɛibuiɛ gɛlɛ ɛlɛ ɔzãkɔ mɛ, sɛ tɛ budzi asɛ yɛɔdɔ̃ eyuyu gɛiputɔ odenɔ yɛɔdɔ̃ bhɛbhɛtɛ nɛishi.

Yohanes 1 5:15

Kɛlɛ onupɛ bunyi sɛ ataatɔ̃ nɛ̀ ɔlɔ nɛ kɛka nyia ka gɛ bubisiɛ shuɔ, bunyi sɛ bɔbà mɔ kɛgɛ bubisi odenɔ yɛɔkɔɔ.

Yohanes 1 5:19

Bunyi sɛ Owusoso Akaa yɛeyi alɛ bunu, kɛlɛ bunyi tsyɛ ɔsɛ kanɔ nɔ̀ tɛgbagbana kpasɛ abosam esi.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.