11 Kibui ɛlɛ yɛaɖɔ adalɛ yɛishu asɛ, Owusoso Akaa akɔ ɔlɔ ɛkpã tihɔɔ, kɛlɛ ɛkpã ɛlɛ kpasɛ Yɛeyianyɛ mɛ.
Ɔmɔsɛ kɛbhɛ gɛ babuia ɔkɔ ebui kpa bhɛbhɛtɛ, kɛli nu butsí, pɔ Owusoso Akaa yɛdɔ̃ kɔkɔ kɛli nu ɛkpã tihɔɔ nɛ Kristo Yesu bɔlɔ Apaleteɛ mɛ.
Kɛlɛ kɛgɛ atɔɖɔ elú akɔ bɔlɔ kɛlɛinu, ɛkpã gɛlɛ tihɔɔ nɔ.
Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.
Kidzo ɛlɛ nabha Owusoso Akaa akasɛ yɛ tɛdɛdɛmɛ nɔ nɛ bɔlɔ ishi, akpɛ Yɛeyianyɛ tenikpo nɔ asɛsɛ kanɔ nɔ̀ mɛ asɛ tɛ bɔzã nɛ̀ ɛkpã gana yɛabha.
Kibui ɛlɛ gɛ baɖɔ adalɛ yɛishuɔ bazã anɔ ka nyia ka yɛitúɔ mɛ gɛ ayɛkɛ Owusoso Akaa Eyi nabha aŋãa. Anɔ nyia anɔ gɛ agɛ yɛkɛ Owusoso Akaa nabha aŋãa abhɛtɛ yɛ yɛedzi asɛnɛ elete, ɔmɔsɛ agɛ yɛkɛ kibuiɛ gɛ Owusoso Akaa aɖɔ adalɛ Yɛeyiɛ shuɔ nabha aŋã.
Nɔlɔkɔ wɔnɔ ishu ɔzã Owusoso Akaa tɛdɛdɛmɛ nɔ mɛ̀ kibeɛ gɛ nopo Apalete Yesu Kristo yɛashagabui ɖiɖiɛ, tɛ̀ amanà wɔnɔ nɛ ɛkpã tihɔɔ nɔ mɛ.
Ɔmɔsɛ banɔ edì tata balɛ aɖɔaɖɔ dalɛ kɛlɛishu,
tɛyɛyɛkɛŋã nɛ̀ kibuititiɛ gɛipo ɛkpã tihɔɔ gɛ buɖi kidzo mɛ, gɛ Owusoso Akaa, anɔ gɛ atɛ sɛ asɛnɛ, atɔɖɔ elu akɔ ɔlɔ flogo pɛ kanɔ nɔ̀ abakpɛ esi,
Pɔ nɛ kibui ɛlɛ shu so pɛ beɖi mɛ ashagabui, sɛ tɛ nɛ mɛtakpuɔ, anɔ gɛezĩ adɛ nɛ ebui kpa bhɛbhɛtɛ elete nɛishi, tɛ̀ Kristo Yesu ebu yɛitu esi luluɔ gɛ ɛlɛ ɔtɔ̃kɔ ma akasɛ. Sɛ tɛ̀ bagɛ aba yɛkɛ yɛabha aŋã amɔ ɛkpã tihɔɔ.
Anɔ ka nyia ka aɖɔ ebui gbangbã nɛ Demetrio shu, kibuiɛ tsyɛ ɖɔaɖɔ gbangbã nɛishu ana. Bɔlɔ tsyɛ ɖɔaɖɔ gbangbã nɛ yɛishu, kɛlɛ nɔonyi ɔsɛ bɔlɔ kibuiɛ gɛ bɔɖɔ dalɛ yɛishuɔ nu kibui gbã.
Kɛlɛ axɔ̃ɛdɛ akasɛ mɛ kelĩkekpuɔ gɛ kalɛ mɛ ulĩ kɔ ɛkpãa. Bulĩɛ mɛ dalɛ ɔmɔ asɛ ahuhɔ̃ɛ ana, kɛlɛ bɔkpɛ odenɔ Owusoso Akaa nɛ̀ Obhoshieyiɛ ekusiegbuɔ mɛ.
Yohanes adalɛ kɛka nyia ka mɛ gɛ amɔɔ, gɛinu Owusoso Akaa ibuiɛ nɛ̀ Yesu Kristo yɛishu dadalɛ shu.
Asɛ kɛŋã gɛ kibui kpa ŋã bukusi nɛ bekpu mɛɛ, kidzo ɛlɛ nabha tibhui bhuibu tsyɛ baŋã bukusi ɔgana kɛgbangbã mɛ, sɛ tɛ banɔ amɔ ɛkpã tihɔɔ ɔgana Yesu Kristo bɔlɔ Apalete nabha.
Kɛlɛ kɛlɛinu tɛdɛdɛmɛ nɔ, gɛnɛ kana gɛ bɔdɛmɛ nɔ nɛ̀ Owusoso Akaa yɛenu tɛdɛdɛmɛ nɔ, pɔ yɛadɛmɛ ɔlɔ ɛbui sopɛ asɛsɛ Yɛeyianyɛ asɛ tɛ̀ abedzi bɔdɔ̃ pɔpɔɛ ɔkɔ bɔlɔ ebui kpa etsye bɔlɔ.