Yohanes 1 4:10 - Nyangbo New Testament

¹⁰ Kɛlɛ kɛlɛinu tɛdɛdɛmɛ nɔ, gɛnɛ kana gɛ bɔdɛmɛ nɔ nɛ̀ Owusoso Akaa yɛenu tɛdɛdɛmɛ nɔ, pɔ yɛadɛmɛ ɔlɔ ɛbui sopɛ asɛsɛ Yɛeyianyɛ asɛ tɛ̀ abedzi bɔdɔ̃ pɔpɔɛ ɔkɔ bɔlɔ ebui kpa etsye bɔlɔ.

Yohanes 1 4:10 Referans Kwoze

Yohanes 1 2:2

Yɛenu bɔdɔ̃ pɔpɔɛ ɔkɔ bɔlɔ ebui kpa bhɛbhɛtɛ, gɛnɛ bɔlɔ ete pɔ ɔkɔ kanɔ nɔ̀ petee kalɛ ebui kpa bhɛbhɛtɛ tsyɛ.

Yohanes 1 4:19

Bɔdɛmɛ nɔ, ɔmɔsɛ yɛeputɔ adɛmɛ nɛ bɔlɔ.

Yohanes 1 3:1

Tɛdɛdɛmɛ nɔ gbagbla ɖuwoe idi nɛ ɛlɛ gɛ Akaa alɔkɔ akɔ ɔlɔ mɔ dza, sɛ̀ bekulu ɔlɔ asɛ yɛeyi alɛ bunu! Kɛlɛ yɛeyi alɛ bunu ɛgbã! Kɛgɛ kɛlɛ shu so pɛ kanɔ nɔ̀ etinyi ɔlɔ kɛlɛinu ɔsɛ gɛ betinyi yɛ so.

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Petro 1 2:24

Yɛalɔkɔ bɔlɔ ebui kpa akpɛ yɛishuɔ mɛ̀ nɛ busiɛ shu, sɛ tɛ butsì ɔkɔ kibui kpa bhɛbhɛtɛ tɛ̀ bɔzã nɛkpã ɔkɔ kibui gbangbã tɛbhɛbhɛtɛ, ganà yɛapɔ̃ mɛ bebu banyã akɔ wɔnɔ.

Hebrianɛ 2:17

Klisoɔ, kɛlɛ sɛ babhɛtɛi asɛ yɛadzya alɛ nɛidzo ka nyia ka abha, sɛ tɛ edzi banɔlũazazã gbagbla gɛ abalà eɖi ashagabui pɛ ababhɛtɛ ibui gɛlɛ ɛlɛ ɔzãkɔ, nɛ Owusoso Akaa ɛxɔ̃ɛ mɛ, sɛ tɛ alɔkɔ yɛishu akɔ nɛ banunɔ ebui kpa bhɛbhɛtɛ shu.

Yohanes 1 5:11

Kibui ɛlɛ yɛaɖɔ adalɛ yɛishu asɛ, Owusoso Akaa akɔ ɔlɔ ɛkpã tihɔɔ, kɛlɛ ɛkpã ɛlɛ kpasɛ Yɛeyianyɛ mɛ.