Yohanes 1 3:8 - Nyangbo New Testament

⁸ Anunɔ gɛ abhɛtɛ ebui kpaa, yɛenu anɔ gɛedè abosam ɔkɔ, ɔmɔsɛ abosam xɔnɔɔ, ebui kpa abhɛbhɛtɛ elete yɛenu odenɔ kanɔ nɔ̀ esi ɔkpɛkɔ. Kibui nɔnɔ shu so pɛ Owusoso Akaa Yɛeyianyɛ aba kɛlɛinu ɔsɛ tɛ̀ ebezĩ abosam yɛaxɔ̃ɛ wɔawɔa.

Yohanes 1 3:8 Referans Kwoze

Hebrianɛ 2:14

Gɛ ishupi nɛ̀ dzyosu alɛ beyi alɛ mɛɛ, Yesu tsyɛ ezhinɔ ishu esi asɛ balɛ ana, sɛ tɛ gana yɛutsíɛ mɛɛ, tɛ etũ ɔtsɛɖɛ ayɛ Satana gɛ yɛahɔɛ mɛ butsí ohumi nɔ ɔlɛɛ, gɛ yɛenu anɔ zizĩɛ

Koloseanɛ 2:15

Kibeɛ gɛ ayɛkɛ keyutadɔ̃ nɛ̀ ihumi nɔ nɛ̀ bekusiɛ petee ahɔɛɛ, ebui ɛlɛ akasɛ nɛ banɔɛshi, gɛ alɔkɔ butsí osiɛ amɔ kabhaŋaŋã nɛ alɛ shuɔ.

Romanɛ 16:20

Ishu yɔyɔ Owusoso Akaa abayɛ Satana ohumi akpɛ wɔnɔ ɔtsɛɖɛkpɔ esi tsaitsai. Apalete Yesu yɛtibhui bhuibuɔ zã ɔplɛnɔ wɔnɔ.

Petro 2 2:4

Onupɛ Owusoso Akaa agɛ lɔkɔ etsye baxɔ̃ɛdɛ gɛ babhɛtɛ ebui kpa, pɛ avɛnɔ alɛ nɛifúɔ gɛtã tihɔɔ nɔ mɛ tɛ̀ bezepo kebhu kukuluɔ,

Efesoanɛ 2:2

gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.

Yohanes 1 3:10

Kidzo ɛlɛ abha bɔgã pɛ buuti bagɛ enu Owusoso Akaa yɛeyi alɛ nɛ̀ bagɛ enu abosam yɛeyi alɛ tsyɛ. Anɔ nyia anɔ gɛ atɛ abhɛtɛ kibui gɛlɛ ɛlɛ ɔzakɔ etinu Owusoso Akaa yɛeyi, kana anɔ yia anɔ gɛ atɛ adɛmɛ nɔ nɛ yɛadzya tsyɛ alɛ.

Kibui Bubú Kasɛ 20:10

Kɛlɛ balɔkɔ abosamuɔ gɛ awɔɛ alɛ, awɔanyã atɛ́ akpɛ aklagbuifuɔ gɛ ɛtã mɛ, nɛ ɛkɛlɛ gɛ batɛ́ɛ agãhoeɛ nɛ̀ asɛnɛ ebuiɖɔluanunɔ akpɛ. Babà hɔhɔlɛ alɛ elishi nɛ̀ emuze ɔvɛnɔ tihɔ, tihɔ.

Yohanes 1 5:19

Bunyi sɛ Owusoso Akaa yɛeyi alɛ bunu, kɛlɛ bunyi tsyɛ ɔsɛ kanɔ nɔ̀ tɛgbagbana kpasɛ abosam esi.

Yohanes 1 3:5

Pɔ nɔonyi ɔsɛ, aba sɛ tɛ̀ ebu ɔlɔ ebui kpa shɛnɛ. Kɛlɛ kibui kpa ma yɛ mɛ.

Kibui Bubú Kasɛ 20:15

Onupɛ bágɛmɔ anɔ teli yɛinye sɛ bafɔnɔ ɛlɛ akpɛ ɛkpãeplukpa mɛɛ, balɔkɔ yɛatɛ́ akpɛ kifu ɔɖɛklɛmɛ nɔ mɛ.

Yuda 1:6

Kɛlɛ baxɔ̃ɛdɛ gɛ bagɛ wɔa balɛ axɔ̃ɛ nɛ ohumi nɔ gɛ bakɔ alɛ shu pɛ bashɛ nɛ balɛ ɛzãkɔ, balɛ yɛalɔkɔ akpɛ otumũɔ mɛ elu, pɛ banyã alɛ nɛ̀ ɛɖahuiɛ odiyinɔ Kebhu kukulu Kiwui nabha.

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Hebrianɛ 9:26

Pɛ otɛ ɔsɛ kana kɛlɛɛ, tsyɛ alo Kristo atazã bɔtɔ gelee odenɔ kanɔ mɛ esi kpɛkpɛ ibe. Pɔ otsiɛ nɔ Kristo aba kanɔ nɔ̀ mɛ nɛ tɛbaba tinikpo ete mɛ ko nɛ kibe gɔgɔɛ lɛ mɛ, sɛ tɛ alɔkɔ yɛishu akɔ, sɛ tɛ ebu ɔlɔ ebui kpa atɛ.

Yohanes 1 1:2

Gɛ ɛkpã ibuiɛ ekoeyìɛ, bɔmɔ ɛlɛ kɛlɛ bɔɖɔ kaɖɔ dalɛ ɛlɛ shu, kɛlɛ bɔɖɔ ɛkpã tihɔɔ ebuiɛ tseɖe wɔnɔ, ebuiɛ gɛ lazã Akaa ɔkɔ pɛ lebekoeyi ɔkɔ bɔlɔ.