Yohanes 1 3:5 - Nyangbo New Testament

⁵ Pɔ nɔonyi ɔsɛ, aba sɛ tɛ̀ ebu ɔlɔ ebui kpa shɛnɛ. Kɛlɛ kibui kpa ma yɛ mɛ.

Yohanes 1 3:5 Referans Kwoze

Korintoanɛ 2 5:21

Owusoso Akaa bhɛtɛ anɔ nɔ gɛ yɛishu kibui kpa ma sɛ tɛ edzi kibui kpa nɛ bɔlɔ kɛtakpu, sɛ tɛ gana yɛabhaa, budzi Owusoso Akaa anɔ dadalɛ.

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Petro 1 2:24

Yɛalɔkɔ bɔlɔ ebui kpa akpɛ yɛishuɔ mɛ̀ nɛ busiɛ shu, sɛ tɛ butsì ɔkɔ kibui kpa bhɛbhɛtɛ tɛ̀ bɔzã nɛkpã ɔkɔ kibui gbangbã tɛbhɛbhɛtɛ, ganà yɛapɔ̃ mɛ bebu banyã akɔ wɔnɔ.

Hebrianɛ 9:26

Pɛ otɛ ɔsɛ kana kɛlɛɛ, tsyɛ alo Kristo atazã bɔtɔ gelee odenɔ kanɔ mɛ esi kpɛkpɛ ibe. Pɔ otsiɛ nɔ Kristo aba kanɔ nɔ̀ mɛ nɛ tɛbaba tinikpo ete mɛ ko nɛ kibe gɔgɔɛ lɛ mɛ, sɛ tɛ alɔkɔ yɛishu akɔ, sɛ tɛ ebu ɔlɔ ebui kpa atɛ.

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,

Yohanes 1 1:7

Pɔ onupɛ bɔgã nɛ tɛdadalɛ mɛɛ, asɛ kana gɛ yɛtsyɛ agã nɛ tɛdadalɛ mɛ anaa, kɛlɛ bɔkpasɛ ɔhakpɛkpɛ mɛ nɛ̀ bagɔlɔ, kɛlɛ Yɛeyì Yesu dzyosu nɔ, abadalɛ bɔlɔ shu nɛ ebui kpa ka nyia ka mɛ.

Yohanes 1 1:2

Gɛ ɛkpã ibuiɛ ekoeyìɛ, bɔmɔ ɛlɛ kɛlɛ bɔɖɔ kaɖɔ dalɛ ɛlɛ shu, kɛlɛ bɔɖɔ ɛkpã tihɔɔ ebuiɛ tseɖe wɔnɔ, ebuiɛ gɛ lazã Akaa ɔkɔ pɛ lebekoeyi ɔkɔ bɔlɔ.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Petro 1 2:22

“Agɛ bhɛtɛ kibui kpa nanà, kɛlɛ begi lu banɔ wɔɛwɔɛ ibui nanà nɛ yɛolugbũ mɛ.”

Hebrianɛ 1:3

Eyianyɛ alɛ yɛebu Owusoso Akaa yɛishu dadalɛ akasɛ, nɛ kɛlɛ gɛ alɛ nulũ, gɛ abhɛtɛ ebuiɛ pete aganà yɛohumi ebui ɖɔɖɔ nabha. Gɛ alɔkɔ yɛishu akɔ nɛ ɔlɔ ebui kpa bhɛbhɛtɛ ɛtakpu shu ebekeɛ, avɛ adɛzã esi nɛ Ohumielete nɛ ɛŋã mɛ nɛititíɛ.

Timoteo 1 1:15

Kɛlɛ kɛlɛinu kibui gbã tɛɖɔɖɔ gɛ kɛlɛ sɛ bayɛkɛ ɛlɛ sɛ, Kristo Yesu aba kanɔ nɔ̀ mɛ tɛ ebu ebui kpa bhɛbhɛtɛ eleteɛ, gɛ nɛ balɛishiɛ, mɛinu ezizĩɛ ɔdɛ.

Yohanes 1 2:1

Mɛeyi alɛ gɛ ɛdɛmɛ nɔ, ɛfɔnɔ ebui alɛ kɔ wɔnɔ ɔsɛ tɛ̀ nɔtɛ̀ bhɛtɛ kibui kpa. Pɔ onupɛ anɔ teli abhɛtɛ kibui kpa, anɔ teli alɛ bɔlɔ ahɔɛ gɛ aɖɔaɖɔ ebu bɔlɔ ulũ nɔ nɛ Akaa namɛ, yɛenu Yesu Kristo, Anɔ Dadalɛ.

Petro 1 1:20

Bebu yɛelu flogo pɛ babà bhɛtɛ kanɔ nɔ̀ mɛ, pɔ bebu yɛakasɛ nɛ ewui gɔgɔ alɛ mɛ nɛ wɔnɔ ɛtakpu.

Hebrianɛ 4:15

Ɔmɔsɛ anɛ banɔlũazazã gɛ atɛ balà elũ bɔtɔ gɛlɛ ɔlɔ shuɔ, yɛalɛ ɔlɔ ahɔɛ, pɔ enu anɔ gɛ befekeɖi nɛ kɛka nyia ka mɛ ɔmɔ asɛ bɔlɔ ana-pɔ yɛxɔnɔ kibui kpa nanà gɛzã yɛishu.

Hebrianɛ 7:26

Banɔlũazazã gbagbla alɛ nɛidi yɛapɛ akɔ bɔlɔ ɔtɔ ebuiɛ, gɛenu anɔ dadalɛ, bamɛ tsitsí ibui ma yɛishu, yɛmɛ bhui, kɛlɛ bebui ɔtɔ nɛ ebui kpa bhɛbhɛtɛ elete ishi, kɛlɛ balɔkɔ yɛedzu nɛ ɔɖaɖamakɔ gɛ ɔdɛ pete nɔ.

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Petro 1 1:18

Ɔmɔsɛ nɔonyi ɔsɛ gɛnɛ bɔdɔ̃ gɛ bɔbàzĩ asɛ sikãfufù nɛ̀ sikãɛkpã shu so pɛ bebú wɔnɔ odenɔ kɛlɛ́ɛ mɛ ɛkpã zazãna gɛ wɔnɔ ashuĩ alɛ alɔkɔ elu akɔ wɔnɔ mɛ.

Yohanes 1 2:2

Yɛenu bɔdɔ̃ pɔpɔɛ ɔkɔ bɔlɔ ebui kpa bhɛbhɛtɛ, gɛnɛ bɔlɔ ete pɔ ɔkɔ kanɔ nɔ̀ petee kalɛ ebui kpa bhɛbhɛtɛ tsyɛ.

Yohanes 1 2:29

Onupɛ nɔonyi ɔsɛ anɔ dadalɛ yɛenuɔ, pɛ nɔonyi tsyɛ ɔsɛ aka nyia aka gɛ abhɛtɛ̀ kibui gbangbã edekoeyì nɛ yɛmɛ.

Yohanes 1 3:8

Anunɔ gɛ abhɛtɛ ebui kpaa, yɛenu anɔ gɛedè abosam ɔkɔ, ɔmɔsɛ abosam xɔnɔɔ, ebui kpa abhɛbhɛtɛ elete yɛenu odenɔ kanɔ nɔ̀ esi ɔkpɛkɔ. Kibui nɔnɔ shu so pɛ Owusoso Akaa Yɛeyianyɛ aba kɛlɛinu ɔsɛ tɛ̀ ebezĩ abosam yɛaxɔ̃ɛ wɔawɔa.