Yohanes 1 3:24 - Nyangbo New Testament

²⁴ Bagɛ babhɛtɛ atɔɖɔ yɛɔsha nabha balɛ akpasɛ yɛmɛ, kɛlɛ yɛtsyɛ akpasɛ balɛ mɛ. Kana bɔbhɛtɛ pɛ buutì ɔsɛ akpasɛ bɔlɔ mɛ. Bunyi kibui ɛlɛ gana ɔfɔfuĩa nɔ gɛ ɔlɛ yɛakɔ ɔlɔ mɛ.

Yohanes 1 3:24 Referans Kwoze

Korintoanɛ 1 3:16

Nɔotinyi ɔsɛ Owusoso Akaavũɔ nɔonu pɛ Owusoso Akaa Ɔfɔfuĩa nɔ kpasɛ wɔnɔ mɛ dza?

Timoteo 2 1:14

Nyanà kibui gbangbã gɛ balɔkɔ akpɛ wɔ ahɔɛ mɛ ovunɔ piapii, nyanà ɛlɛ mɛ ovunɔ ɔganà Ɔfɔfuĩa Gbangbã gɛ ɔkpasɛ ɔlɔ mɛ tɛpɛplɛnɔ mɛ.

Yohanes 1 2:6

Anunɔ gɛ aɖɔ asɛ akpasɛ yɛmɛɛ, kɛlɛ sɛ agã asɛ Yesu anà tsyɛ.

Korintoanɛ 1 6:19

Nɔotinyi ɔsɛ wɔnɔ ishupiɛ nu Owusoso Akaavũɔ ɔkɔ Ɔfɔfuĩa Gbangbã, gɛ lɔkpasɛ wɔnɔ mɛ, anunɔ gɛ nɔyɛkɛ odenɔ Owusoso Akaa ɔkɔɔ dza? Nɔma ɔkɔ wɔnɔ ishu,

Yohanes 1 4:7

Mɛbhia alɛ gɛ ɛdɛmɛ nɔ, nɔkɔ bɔdɛmɛ nɛ̀ bagɔlɔ, ɔmɔsɛ tɛdɛdɛmɛ nɔ de Owusoso Akaa ɔkɔ. Aka nyia aka gɛ adɛmɛ nɛ anɔ, enu anɔ gɛ bamɔ́ yɛ edenɔ Owusoso Akaa mɛ kɛlɛ enyi Owusoso Akaa tsyɛ.

Yohanes 1 3:22

asɛ bɔbà yɛkɛ kɛka nyia ka gɛ bubusì odenɔ yɛahɔɛ mɛ, ɔmɔsɛ bulũ batɔ̃ akɔ yɛɔsha pɛ bɔbhɛtɛ kɛgɛ kikù yɛawɔ nabha.

Korintoanɛ 2 6:16

Kibui nyanyã ɖuwoe gɛ kpasɛ Owusoso Akaavũɔ nɛ̀ ibudi ishi? Bɔlɛinu buvũɔ ɔkɔ Owusoso Akaa enunuɔ. Asɛ kana gɛ Owusoso Akaa aɖɔ asɛ, “Ɛbazã plɛnɔ balɛ kɛlɛ ɛbagã nɛ balɛishi, kɛlɛ ɛbadzi balɛ Owusoso Akaa, kɛlɛ bebèdzi mɛ banunɔ.”

Tesalonikanɛ 1 4:8

Klisoɔ, anunɔ gɛ agɛ yɛkɛ ɔsha kɔkɔ ɔlɛ gɛnɛ anɔ yagɛ yɛkɛ pɔ Owusoso Akaa, gɛ akɔ wɔnɔ Ɔfɔfuĩa Gbangbã.

Yohanes 1 2:3

Onupɛ bɔbhɛtɛ tɔɖɔ yɛɔsha nabhaa, kɛlɛ kɛkasɛ ɔsɛ̀ bunyi yɛ.

Yohanes 1 2:5

Pɔ onupɛ anɔ teli abhɛtɛ atɔɖɔ yɛɔsha nabha, kɛlɛ Owusoso Akaa tɛdɛdɛmɛ nɔ ná nɛ yɛmɛ. Kidzo ɛlɛ aba buutì ɔsɛ bɔkpasɛ yɛ mɛ yɛ.

Yohanes 1 2:24

Nɔoɖi kɛlɛ ɔkɔ ɔsɛ kɛgɛ nɔolũ odenɔ kesiɛ ɔkpɛkɔɔ zã wɔnɔ mɛ. Onupɛ kɛzãa ana, wɔnɔ tsyɛ ɔbɔzã Eyianyɛ nɛ̀ Akaa mɛ.