Yohanes 1 3:21 - Nyangbo New Testament

²¹ Mɛbhia alɛ gɛ ɛdɛmɛ nɔ, onupɛ bɔlɔ etúɔ etiebu ɔlɔ ɛpɔɔ, kɛlɛ́ bulu awɔ̃ nɛ bɔlɔ Owusoso Akaa nabha

Yohanes 1 3:21 Referans Kwoze

Yohanes 1 2:28

Mɛeyi alɛ gɛ ɛdɛmɛ nɔ, otsiɛ nɔ, nɔzã yɛmɛ, sɛ tɛ̀ onupɛ ebekoeyìɛ, bɔbàmɔ awɔ̃ lulu kɛlɛ kiwũi tɛbàyì bɔlɔ nɛ yɛamɛ nɛ kibeɛ gɛ ebekuɔ.

Hebrianɛ 4:16

Kliso nɔkɔ butso plɛnɔ Owusoso Akaa ekusiegbuɔ gɛ alɔkɔ ebhui ɔlɔ ebu nɔɔ, nɛité kpɛkpɛ mɛ sɛ tɛ onupɛ kiwui gagalĩɛ batɔnɔ ɔlɔɔ, tɛ ebeɖi ɔlɔ ashagabui tɛ ebhui ɔlɔ ebu.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Yohanes 1 5:14

Awɔ̃ lulu alɛ yɛakpasɛ ɔlɔ mɛ sopɛ butso ɔplɛnɔ Owusoso Akaa, sɛ tɛ̀ onupɛ bubisì kɛdɔ̃ tiliɛ nɛ yɛ tɛpɛpɛ ulũɔ, aba taatɔ̃ nɛ̀ ɔlɔ.

Yohanes 1 4:17

Nɛ kidzo ɛlɛ nabhaa, tɛdɛdɛmɛ nɔ ná nɛ bɔlɔ mɛ, sɛ tɛ̀ bɔlɔkɔ zipo kebhukulu kiwuiɛ, ɔmɔsɛ bɔlɛ asɛ yɛ ana nɛ kanɔ alɛ mɛ.

Hebrianɛ 10:22

nɔkɔ butso ɔplɛnɔ Owusoso Akaa nɛ̀ etúɔ gɛ akpɛ igu nɛ tɛyɛyɛkɛŋã gagalĩi mɛ, etúɔ gɛ beplu alɛ mɛ ebui zizĩ eyinɔ nɛ bɔlɔ ishupiɛ gɛ bewulu nɔ piapii nɛ̀ bulĩ dadalɛ.

Korintoanɛ 1 4:4

Mɛ kitúɔ mɛ dalɛ, pɔ kɛgɛ kasɛ ɔsɛ anɔ gbangbã mɛinu. Apaleteɛ yɛebe kulu kebhu nɛ̀ mɛ.

Timoteo 1 2:8

Ɛpɛ sɛ banɔ gɛede ɔkɔ nyia ɔkɔ efeke balɛ ahɔɛ dadalɛ nɛitití ɔkɔ Owusoso Akaa tikukulu, tɛ̀ ɔmɔpɔɛ alo kibui wɔawlɔãkɛ tɛzã ɛlɛ mɛ.

Romanɛ 14:22

Kliso kɔ kɛgɛ ɔyɛkɛ ɔŋãa nɛ ebui alɛ shuɔ azã wɔ nɛ̀ Owusoso Akaa ete ko ishi. Tiyuyula kinu ɔkɔ anunɔ gɛ atɛ ebu yɛibuiɛ gɛ atɔɖɔ ahɔɛ nɛ kɛlɛ abhaa, nɛpɔ.

Efesoanɛ 3:12

Nɛ yɛ mɛ̀, nɛ̀ ɔgana tɛyɛyɛkɛŋã nɛ yɛabha, bɔba là tso plɛnɔ Owusoso Akaa nɛ̀ ishu ahɔɛmɛ zazã nɛ̀ awɔ̃ lulu mɛ.

Yohanes 1 2:7

Mɛbhia alɛ gɛ ɛdɛmɛ nɔ, gɛnɛ ɔshà vɔvɔ mɛfɔnɔ ɔkɔ wɔnɔ, pɔ okukuɔ gɛ ɛlɛ wɔnɔ ahɔɛ odenɔ kesiɛ ɔkpɛkɔ. Ɔsha kuku ɛlɛ inù ebuiɛ gɛ nolũɔ.

Yohanes 1 3:2

Mɛadzya alɛ gɛ ɛdɛmɛ nɔɔ, otsi alɛ bunu Owusoso Akaa yɛeyi alɛ, kɛlɛ bekebu kɛgɛ bɔbà dziɛ kasɛ. Pɔ bunyi sɛ onupɛ ebekoeyìɛ, bɔbà zã asɛ yɛanà, ɔmɔsɛ bɔbà mɔ yɛ asɛ kana gɛ alɛɛ ana.

Yohanes 1 3:20

gɛ onupɛ bɔlɔ etúɔ bu ɔlɔ ɛpɔ. Ɔmɔsɛ Owusoso Akaa egbogblo adɛ bɔlɔ etúɔ kɛlɛ enyi kɛka nyia ka.