Yohanes 1 3:2 - Nyangbo New Testament

² Mɛadzya alɛ gɛ ɛdɛmɛ nɔɔ, otsi alɛ bunu Owusoso Akaa yɛeyi alɛ, kɛlɛ bekebu kɛgɛ bɔbà dziɛ kasɛ. Pɔ bunyi sɛ onupɛ ebekoeyìɛ, bɔbà zã asɛ yɛanà, ɔmɔsɛ bɔbà mɔ yɛ asɛ kana gɛ alɛɛ ana.

Yohanes 1 3:2 Referans Kwoze

Filipianɛ 3:21

anɔ gɛ, ohumi ɔlɛ yɛahɔɛ, pɛ alɔkɔ agbanà kɛka nyia ka ɔkpɛ yɛesi nɔ, ebè tsyina ɔlɔ ishudzya ɛlɛ gɛ ma kɛnanà mɛɛ tɛ bɔzã asɛ yɛɔyɛ dadalɛ.

Koloseanɛ 3:4

Onupɛ Kristoɔ gɛenu ɔnɔ ɛkpã ebe koeyiɛ, kɛlɛ wɔnɔ tsyɛ obokoeyì ɔplɛnii nɛ ishu dadalɛ mɛ.

Korintoanɛ 2 3:18

Kɛlɛ bɔlɔ gɛ bagɛ tɔɖɔ kɛpɔtɛ nɛ bɔlɔ amɛ butsé nɛ̀ Apaleteɛ tɛdadalɛ, betsyina bɔlɔ akpɛ yɛ tɛzazã mɛ, nɛ̀ tɛdadalɛ gɛikpè tɔɖɔ, gɛide Apaleteɛ ɔkɔ, anɔ gɛenu Ɔfɔfuĩa nɔ ɔkɔɔ.

Korintoanɛ 1 13:12

Otsi buɖi ebuikukuɔ asɛ ahuhɔ̃ɛ gɛeɖì ɔlɔ pɛ bɔlɔ tsyɛ iɖì yɛanà, kɛlɛ bɔbàɖi bamɛ nɛ̀ bamɛ. Otsiɛ ebuiɛ kawɔ̃pɛ ete mɛinyi, kɛlɛ ɛbàtì alɛ petee, asɛ kana gɛ benyi mɛtsyɛ ana.

Romanɛ 8:29

Bagɛ Owusoso Akaa enyi elu kukukuɔ, balɛ ke yɛebu asɛ bazã nɛ ɛkpã asɛ Yɛeyiɛ, sɛ tɛ ebedzi Yɛeyi gɛ eputɔ nɛ beyianyɛ gelee ishi.

Korintoanɛ 1 15:49

Asɛ kana gɛ bamɔ bɔlɔ budzì asɛ kesiakpa abha anɔ nɔ̀ɔ, kana bɔbà zã asɛ anunɔ gɛ ede kititiɛ.

Kibui Bubú Kasɛ 22:4

Baba mɔ yɛamɛ kɛlɛ yɛinye bazã balɛ utukpe nɔ.

Petro 2 1:4

Ɔganà alɛ mɛɛ, akɔ ɔlɔ yɛɔdɔ̃ gbagbla nɛ̀ bɔgbangbã gɛ atɔɖɔ elu akɔ ɔlɔ, sɛ tɛ̀ ɔganà bɔlɛ mɛɛ, ɔbàzã yɛohumi nɔ mɛ, tɛ̀ kɛkɔ ɔsɛ nɔobu tɛtsɛɖɛ mɛ ɔshɛ̃ nɛ kanɔ mɛ ebui tsɔtsɔmɔ̃ gɛide kalɛ bɔdɔ̃ pɛpɛ nɔ mɛ.

Korintoanɛ 1 2:9

Asɛ kana gɛ bafɔnɔ elu asɛ, “Ebuiɛ gɛ awuhũ nanà akamɔ eɖiɛ, pɛ batɔ̃ eke elũ eɖiɛ, pɛ kɛka ba ananà ekpeɖekpeɖe mɛ tsyɛ eɖiɛ, alɛ Owusoso Akaa abalɛ elu akɔ bagɛ badɛmɛ yɛibuiɛ”

Yohanes 1 3:1

Tɛdɛdɛmɛ nɔ gbagbla ɖuwoe idi nɛ ɛlɛ gɛ Akaa alɔkɔ akɔ ɔlɔ mɔ dza, sɛ̀ bekulu ɔlɔ asɛ yɛeyi alɛ bunu! Kɛlɛ yɛeyi alɛ bunu ɛgbã! Kɛgɛ kɛlɛ shu so pɛ kanɔ nɔ̀ etinyi ɔlɔ kɛlɛinu ɔsɛ gɛ betinyi yɛ so.

Galatianɛ 4:6

Gɛ beyì anyɛ nonu soɔ, Owusoso Akaa asɛsɛ Yɛeyianyɛ Ɔfɔfuĩa nɔ nɛ bɔlɔ etúɔ mɛ, Ɔfɔfuĩa nɔ gɛ okulu bɔdɔ̃ ɔsɛ, “Mɛakaa.”

Romanɛ 8:18

Nɛ mɛɔdɔ̃ mɔmɔ lũɔ, kibe ɛlɛ ɔtɔ tinu kɛdɔ̃ gɛ babalà alɔkɔ ashɔnɔ ishu dadalɛ gɛ bebebu akasɛ nɛ ɔlɔ mɛɛ.

Galatianɛ 3:26

Beyì wɔnɔ petee onu ɔkɔ Owusoso Akaa ɔgana tɛyɛyɛkɛŋã gɛ ɛlɛ Kristo Yesu mɛ,

Yohanes 1 2:28

Mɛeyi alɛ gɛ ɛdɛmɛ nɔ, otsiɛ nɔ, nɔzã yɛmɛ, sɛ tɛ̀ onupɛ ebekoeyìɛ, bɔbàmɔ awɔ̃ lulu kɛlɛ kiwũi tɛbàyì bɔlɔ nɛ yɛamɛ nɛ kibeɛ gɛ ebekuɔ.

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Korintoanɛ 2 4:17

Ɔmɔsɛ bɔlɔ bɔtɔ lɛ gidzi foele pɛ bɔfalà gulũi nɔ, bakɔ bɔlɔ̀ tɛdadalɛ gɛbazã tihɔɔ gɛ dɛ kɛka nyia ka.

Yohanes 1 5:1

Anɔ ka nyia ka gɛ ayɛkɛ aŋã sɛ̀ Yesu yɛenu Kristoɔ, enu Owusoso Akaa ayɛ, kɛlɛ aka nyia aka gɛ adɛmɛ nɔ Akaa adɛmɛ nɔ yɛeyiɛ tsyɛ.

Romanɛ 8:16

Ɔfɔfuĩa nɔ ɔbhɛtɛ tenikpo nɛ̀ bɔlɔ ɔyɛ, pɛ lɔdalɛ bɔlɔ ishu ɔsɛ Owusoso Akaa yɛeyi alɛ bunu.

Romanɛ 8:19

Kanɔ mɛ bɔdɔ̃ bhɛbhɛtɛ pete epo nɛ̀ awuhũ dzadzã ɔkɔ Owusoso Akaa yɛeyi alɛ tibubu kasɛ.

Yohanes 1 2:7

Mɛbhia alɛ gɛ ɛdɛmɛ nɔ, gɛnɛ ɔshà vɔvɔ mɛfɔnɔ ɔkɔ wɔnɔ, pɔ okukuɔ gɛ ɛlɛ wɔnɔ ahɔɛ odenɔ kesiɛ ɔkpɛkɔ. Ɔsha kuku ɛlɛ inù ebuiɛ gɛ nolũɔ.

Yohanes 1 3:10

Kidzo ɛlɛ abha bɔgã pɛ buuti bagɛ enu Owusoso Akaa yɛeyi alɛ nɛ̀ bagɛ enu abosam yɛeyi alɛ tsyɛ. Anɔ nyia anɔ gɛ atɛ abhɛtɛ kibui gɛlɛ ɛlɛ ɔzakɔ etinu Owusoso Akaa yɛeyi, kana anɔ yia anɔ gɛ atɛ adɛmɛ nɔ nɛ yɛadzya tsyɛ alɛ.

Yohanes 1 3:21

Mɛbhia alɛ gɛ ɛdɛmɛ nɔ, onupɛ bɔlɔ etúɔ etiebu ɔlɔ ɛpɔɔ, kɛlɛ́ bulu awɔ̃ nɛ bɔlɔ Owusoso Akaa nabha

Kibui Bubú Kasɛ 2:28

Ɛbalɔkɔ kabha ŋaŋã tsyɛ kɔɛ.