Yohanes 1 3:18 - Nyangbo New Testament

¹⁸ Mɛeyi alɛ gɛ ɛdɛmɛ nɔ, nɔtɛkɔ bɔlɔkɔ kineke lɔkɔ dɛmɛ nɛ anɔ nɔ, pɔ nɔkɔ bɔlɔkɔ ɔlɔ ebui bhɛbhɛtɛ nɛ̀ kibui gbã builɛ ɔkasɛ.

Yohanes 1 3:18 Referans Kwoze

Romanɛ 12:9

Nɔkɔ wɔnɔ tɛdɛdɛmɛ nɔ nɛ̀ banɔ nɔ̀ ode ɛya gbangbã mɛ. Nɔtɛ dɛmɛ nɔ nɛ kibui zizĩ, nɔnyana kibui gbangbã bhɛbhɛtɛ mɛ ovunɔ.

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Galatianɛ 5:13

Mɛadzya alɛ mɔ, bekulu ɔnɔ asɛ nɔzã ishu ahɔɛ mɛ. Pɔ nɔtɛ lɔkɔ ɔnɔ ishu ahɔɛ mɛ zazãa lɔkɔ ɔgana kibui kpa bhɛbhɛtɛ mɛ, pɔ nɔplɛnɔ agɔlɔ nɛ tɛdɛdɛmɛ nɔ mɛ.

Efesoanɛ 4:15

Pɔ bɔɖɔ kibui gbã nɛ tɛdɛdɛmɛ nɔ mɛ, bɔbà shè nɛ ebuiɛ petee mɛ nɛ Kristo anɔ gɛinu ɔlɔ ɛtakpuɔ mɛ.

Tesalonikanɛ 1 1:3

Butsiɖi ɛlɛ abha bakà wɔnɔ nɛ bɔlɔ Owusoso Akaa namɛ, anɔ gɛenu bɔlɔ Akaa nɛ wɔnɔ kɛxɔ̃ɛ wɔawɔa gɛ mana tɛyɛyɛkɛŋã shu, wɔnɔ bɔtɔ mana tɛdɛdɛmɛ nɔ, nɛ̀ wɔnɔ kemi kpɛkpɛ gɛ mana ohumi kpɛkpɛ nɛ bɔlɔ Apalete Yesu Kristo mɛ.

Yohanes 1 2:1

Mɛeyi alɛ gɛ ɛdɛmɛ nɔ, ɛfɔnɔ ebui alɛ kɔ wɔnɔ ɔsɛ tɛ̀ nɔtɛ̀ bhɛtɛ kibui kpa. Pɔ onupɛ anɔ teli abhɛtɛ kibui kpa, anɔ teli alɛ bɔlɔ ahɔɛ gɛ aɖɔaɖɔ ebu bɔlɔ ulũ nɔ nɛ Akaa namɛ, yɛenu Yesu Kristo, Anɔ Dadalɛ.

Yohanes 2 1:1

Denɔ Esheshèɛ ɔkɔ, Ɔsɛsɛ apãlĩɛ gɛ bebu eluɔ nɛ̀ yɛeyi alɛ, gɛ ɛdɛmɛ nɔ alɛ nɛ kibui gbã mɛ, gɛnɛ mɛ ete pɔ bagɛ balɛ enyi kibui gbã tsyɛ petee,

Yohanes 1 3:7

Mɛeyi alɛ gɛ ɛdɛmɛ nɔ, nɔtɛ kɔ ananà agbanà wɔnɔ atsaɖakɛ idzo. Anunɔ gɛ abhɛtɛ kibui gɛlɛ ɛlɛ ɔzakɔ enu anɔ dadalɛ asɛ gɛ Kristoɔ tsyɛ ishu dalɛ ana.

Yohanes 3 1:1

Mɛ asɛ ɔhamɛ anɔ sheshè ana, Ɛsɛsɛ wɔ Gayo epluka alɛ, wɔ anɔ gɛ ɛdɛmɛnɔ nɛ kibui gbã mɛ.