Yohanes 1 3:17 - Nyangbo New Testament

¹⁷ Onupɛ kanɔ mɛ ɔdɔ̃ lɛ anɔ teli ahɔɛɛ pɛ amɔ asɛ yɛadzya apɛ ɛdɔ̃ɔ pɛ egibì yɛ ashagabuiɛ, kɛlɛ́ Owusoso Akaa tɛdɛdɛmɛ nɔ baza yɛ mɛ̀ dza?

Yohanes 1 3:17 Referans Kwoze

Hebrianɛ 13:16

Nɔtɛ dzɛkɛ ibui gbangbã tɛbhɛbhɛtɛ nɛ̀ kɛdɔ̃ kɔkɔ banɔ bhlatɔ, ɔmɔsɛ bɔdɔ̃ pɔpɔɛ ɛlɛ nɛidi ku Owusoso Akaa awɔ̃.

Yohanes 1 4:20

Onupɛ anɔ teli aɖɔ asɛ “Ɛdɛmɛ nɔ Owusoso Akaa,” pɛ atɛ adɛmɛ nɔ nɛ̀ yɛadzyaa, asɛnɛ elete yɛenu. Ɔmɔsɛ anɔ ka nyia ka gɛ agɛ dɛmɛ nɔ nɛ̀ yɛadzyaa, anɔ gɛ amɔ nɛ̀ awuhuɔ, atɛ balà adɛmɛ nɔ nɛ̀ Owusoso Akaa gɛ atɛ amɔ nɛ̀ awuhũ.

Yakobo 2:15

Kɛba ɛlɛ mɛ ɔsɛ, wɔadzya alo woelɛ adzɛ teli alɛ pɛ kɛpɔtɛ alo kɛdɔ̃ kpɛkpɛ ma yɛahɔɛ, alo kɛŋaŋã ete tsyɛ ma yɛahɔɛ ɔkɔ kiwui nyiɛ wui udɔ̃ ŋaŋã,

Korintoanɛ 2 8:9

Ɔmɔsɛ nonyi kibhuiɛ gɛ Apalete Yesu ebhui bɔlɔ ebuɔ, pɔ gɛ edzi ehoeyi elete tsyɛ elo wɔnɔ shu so pɛ ebedzi etsyuitsyui, sɛ tɛ nɔmɔ ehoeyi bɔdɔ̃ ɔgana yɛitsyui dɔdɔ mɛ.

Yohanes 1 5:1

Anɔ ka nyia ka gɛ ayɛkɛ aŋã sɛ̀ Yesu yɛenu Kristoɔ, enu Owusoso Akaa ayɛ, kɛlɛ aka nyia aka gɛ adɛmɛ nɔ Akaa adɛmɛ nɔ yɛeyiɛ tsyɛ.

Yakobo 2:16

onupɛ wɔnɔ mɛ anɔ teli aɖɔ etseɖe yɛasɛ, “Gavɛ nɛ ishu yɔyɔ mɛ, tɛ kɛkpɛkpɛ ku wɔ mɛ, kɛlɛ tɛ ɔŋã ɔdɔ̃ tɛ oxuiɛ,” tixuxui ɖuwoe luidi yɛabamɔ, onupɛ agɛkɔɛ tɛpɛplɛnɔ nanà nɛ yɛɔtɔ mɛ pɔɔ dza?