Yohanes 1 2:29 - Nyangbo New Testament

²⁹ Onupɛ nɔonyi ɔsɛ anɔ dadalɛ yɛenuɔ, pɛ nɔonyi tsyɛ ɔsɛ aka nyia aka gɛ abhɛtɛ̀ kibui gbangbã edekoeyì nɛ yɛmɛ.

Yohanes 1 2:29 Referans Kwoze

Yohanes 1 3:7

Mɛeyi alɛ gɛ ɛdɛmɛ nɔ, nɔtɛ kɔ ananà agbanà wɔnɔ atsaɖakɛ idzo. Anunɔ gɛ abhɛtɛ kibui gɛlɛ ɛlɛ ɔzakɔ enu anɔ dadalɛ asɛ gɛ Kristoɔ tsyɛ ishu dalɛ ana.

Yohanes 1 5:1

Anɔ ka nyia ka gɛ ayɛkɛ aŋã sɛ̀ Yesu yɛenu Kristoɔ, enu Owusoso Akaa ayɛ, kɛlɛ aka nyia aka gɛ adɛmɛ nɔ Akaa adɛmɛ nɔ yɛeyiɛ tsyɛ.

Yohanes 1 4:7

Mɛbhia alɛ gɛ ɛdɛmɛ nɔ, nɔkɔ bɔdɛmɛ nɛ̀ bagɔlɔ, ɔmɔsɛ tɛdɛdɛmɛ nɔ de Owusoso Akaa ɔkɔ. Aka nyia aka gɛ adɛmɛ nɛ anɔ, enu anɔ gɛ bamɔ́ yɛ edenɔ Owusoso Akaa mɛ kɛlɛ enyi Owusoso Akaa tsyɛ.

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Yakobo 1:18

Adɛmɛ ayɛkɛ ɔlɔ amɔ aganà yɛibuiɛ gɛlɛ ɛlɛ ɔzãkɔ mɛ, sɛ tɛ budzi asɛ yɛɔdɔ̃ eyuyu gɛiputɔ odenɔ yɛɔdɔ̃ bhɛbhɛtɛ nɛishi.

Yohanes 1 5:4

ɔmɔsɛ aka nyia aka gɛede Owusoso Akaa mɛ aŋã kanɔ nɔ̀ nabha. Kɛlɛ kɛlɛinu kabha ŋaŋã gɛŋã kanɔ nɔ̀ nabha, gɛenu ɔlɔ tɛyɛyɛkɛŋã.

Banɔkpɛkpɛ Axɔ̃ɛ 10:35

pɔ ayɛkɛ banɔ edenɔ kɛmadi ka nyia ka mɛ gɛ esì yɛifu pɛ abhɛtɛ kɛgɛ ɛlɛ kɛlɛ ɔzãkɔ.

Petro 2 1:4

Ɔganà alɛ mɛɛ, akɔ ɔlɔ yɛɔdɔ̃ gbagbla nɛ̀ bɔgbangbã gɛ atɔɖɔ elu akɔ ɔlɔ, sɛ tɛ̀ ɔganà bɔlɛ mɛɛ, ɔbàzã yɛohumi nɔ mɛ, tɛ̀ kɛkɔ ɔsɛ nɔobu tɛtsɛɖɛ mɛ ɔshɛ̃ nɛ kanɔ mɛ ebui tsɔtsɔmɔ̃ gɛide kalɛ bɔdɔ̃ pɛpɛ nɔ mɛ.

Petro 1 1:3

Bɔkpɛ Owusoso Akaa gɛenu Akaa ɔkɔ bɔlɔ Apalete Yesu Kristo nɛinyè nɛitití! Nɛ yɛ ashagabui ɖiɖi gbagbla mɛɛ, akɔ bedzinì ɔlɔ amɔ̃ avɔvɔ akpɛ ɛkpã gɛ buɖì kidzo mɛ ɔkɔ ɔgana Yesu Kristo yɛ tɛlɔlɔ odenɔ bekpuɔ mɛ,

Hebrianɛ 7:26

Banɔlũazazã gbagbla alɛ nɛidi yɛapɛ akɔ bɔlɔ ɔtɔ ebuiɛ, gɛenu anɔ dadalɛ, bamɛ tsitsí ibui ma yɛishu, yɛmɛ bhui, kɛlɛ bebui ɔtɔ nɛ ebui kpa bhɛbhɛtɛ elete ishi, kɛlɛ balɔkɔ yɛedzu nɛ ɔɖaɖamakɔ gɛ ɔdɛ pete nɔ.

Korintoanɛ 2 5:21

Owusoso Akaa bhɛtɛ anɔ nɔ gɛ yɛishu kibui kpa ma sɛ tɛ edzi kibui kpa nɛ bɔlɔ kɛtakpu, sɛ tɛ gana yɛabhaa, budzi Owusoso Akaa anɔ dadalɛ.

Banɔkpɛkpɛ Axɔ̃ɛ 22:14

“Kɛlɛ etseɖe mɛ asɛ, ‘Bɔlɔ akaalɛ Owusoso Akaa yɛebú wɔ ɔsɛ tɛ otì kɛgɛ yɛapɛ nɔ, ɔsɛ tɛ̀ ɔmɔ Anɔ Dadalɛ, nɛ̀ tɛ olũ ebui edenɔ yɛolugbũ mɛ̀.

Yohanes 3 1:11

Mɛɔbhia gɛ ɛdɛmɛ nɔ, tiɖi kibui kpa tɛ̀ ɔbhɛtɛ̀ nɛ kɛlɛ ulũ, pɔ ɖi kɛgɛ pɛ̃ tɛ ɔbhɛtɛ̀ nɛ ɛlɛ shu. Anunɔ gɛ abhɛtɛ kibui gbangbã, enu anɔ gɛ ede Owusoso Akaa ɔkɔ. Anunɔ gɛ abhɛtɛ̀ ebui kpa etinyi Owusoso Akaa.

Yohanes 1 5:18

Bunyi sɛ aka nyia aka gɛ bamɔ nɛ Owusoso Akaa mɛ atɛzã kɛlɛ abha pɛ aza bhɛtɛ̀ kibui kpa, anunɔ gɛ bamɔ nɛ Owusoso Akaa mɛ yɛakɔ anɔ alɛ nɛidi azã piapii, kɛlɛ abosam atɛ balà kpɛ̀ kɛpɔ̃ nɛishu.

Yohanes 1 3:5

Pɔ nɔonyi ɔsɛ, aba sɛ tɛ̀ ebu ɔlɔ ebui kpa shɛnɛ. Kɛlɛ kibui kpa ma yɛ mɛ.

Yohanes 1 2:1

Mɛeyi alɛ gɛ ɛdɛmɛ nɔ, ɛfɔnɔ ebui alɛ kɔ wɔnɔ ɔsɛ tɛ̀ nɔtɛ̀ bhɛtɛ kibui kpa. Pɔ onupɛ anɔ teli abhɛtɛ kibui kpa, anɔ teli alɛ bɔlɔ ahɔɛ gɛ aɖɔaɖɔ ebu bɔlɔ ulũ nɔ nɛ Akaa namɛ, yɛenu Yesu Kristo, Anɔ Dadalɛ.

Petro 1 1:23

Ɔmɔsɛ bedzinì wɔnɔ amɔ, gɛnɛ denɔ busi eyuyuɔ gɛebetsíɛ mɛ, pɔ denɔ busi eyuyuɔ gɛ etibè etsì ɖiɛ mɛ, ganà Owusoso Akaa ibuiɛ gɛ lɛ nɛkpã pɛ kɛlɛ ulu tɛ fala mɛ.

Hebrianɛ 7:2

Abraham ebu kɛka nyia ka gɛ evunɔɔ, kɛlɛ awɔ̃pɛ lɔfɔmiɛ akɔɛ. Yɛinye gɛiputɔ niesi nu ɔsɛ, “ekusi gɛ abhɛtɛ ibui gɛlɛ ɛlɛ ɔzãkɔ.” Kɛlɛ kɛbhalà gɛinu, “Salemanɛ ekusiɛ” niesi nu ɔsɛ, “ishu yɔyɔ ekusi.”

Banɔkpɛkpɛ Axɔ̃ɛ 3:14

Nɔɖɔ ɔsɛ nɔotinyi Yesu geɛnu anɔ dadalɛ pɛ nobisi ɔsɛ Pilato ashɛnɛ ahɔɛ nɛ anyɛ gɛeyi anunɔ boŋ shu akɔ wɔnɔ.