Yohanes 1 2:27 - Nyangbo New Testament

²⁷ Wɔnɔ xɔnɔɔ, bɔbɔ sasara gɛ nɔyɛkɛ odenɔ yɛ mɛɛ kakpasɛ wɔnɔ mɛ. Nɔgɛ pɛ ananà tɛ akasɛ wɔnɔ ɔdɔ̃. Pɔ gɛ yɛɔbɔ sasara kasɛ wɔnɔ bɔdɔ̃ nɛ ebuiɛ petee shu pɛ butinu asɛnɛ bɔdɔ̃ kakasɛɛ, bɔdɔ̃ gɛ bɔbɔ sasara kasɛ wɔnɔɔ, nɔzã yɛ mɛ ana.

Yohanes 1 2:27 Referans Kwoze

Korintoanɛ 1 2:13

Ebui alɛ bɔɖɔ, gɛnɛ banɔdzyrame ebui nɛ̀ bubutì balɔkɔ akasɛ bɔlɔ ɔdɔ̃ nɔ, pɔ gana ebuiɛ gɛ Ɔfɔfuĩa nɔ kasɛ bɔlɔ abha, gɛ ladalɛ ɔfɔfuĩa mɛ ebuiɛ gɛ lakpasɛ alɛ mɛ ɔganà ɔfɔfuĩa ebuiɖɔɖɔ mɛ.

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Yohanes 2 1:2

ɔmɔsɛ kibui gbã kpasɛ bɔlɔ mɛ̀ kɛlɛ kɛkpasɛ ɔlɔ mɛ ɖaa.

Yohanes 1 3:24

Bagɛ babhɛtɛ atɔɖɔ yɛɔsha nabha balɛ akpasɛ yɛmɛ, kɛlɛ yɛtsyɛ akpasɛ balɛ mɛ. Kana bɔbhɛtɛ pɛ buutì ɔsɛ akpasɛ bɔlɔ mɛ. Bunyi kibui ɛlɛ gana ɔfɔfuĩa nɔ gɛ ɔlɛ yɛakɔ ɔlɔ mɛ.

Yohanes 1 2:28

Mɛeyi alɛ gɛ ɛdɛmɛ nɔ, otsiɛ nɔ, nɔzã yɛmɛ, sɛ tɛ̀ onupɛ ebekoeyìɛ, bɔbàmɔ awɔ̃ lulu kɛlɛ kiwũi tɛbàyì bɔlɔ nɛ yɛamɛ nɛ kibeɛ gɛ ebekuɔ.

Petro 1 1:23

Ɔmɔsɛ bedzinì wɔnɔ amɔ, gɛnɛ denɔ busi eyuyuɔ gɛebetsíɛ mɛ, pɔ denɔ busi eyuyuɔ gɛ etibè etsì ɖiɛ mɛ, ganà Owusoso Akaa ibuiɛ gɛ lɛ nɛkpã pɛ kɛlɛ ulu tɛ fala mɛ.

Koloseanɛ 2:6

Klisoɔ, asɛ kana gɛ nɔ yɛkɛ Yesu Kristo asɛ Apalete ana, nɔvɛ̀ ɛlɛ abha tɛ̀ nɔzã yɛ mɛ,

Efesoanɛ 4:21

Kɛlɛ ɛlɛ mɛ sɛ nɔolũ yɛɔdɔ̃, kɛlɛ bakasɛ ɔnɔ ɔdɔ̃ nɛ yɛ mɛ, nɛ kibui gɛlɛ ɛlɛ ɔzãkɔ nɛ Yesu mɛ.

Timoteo 1 2:7

Nɛ kibui ɛlɛ shu soɔ, bebu mɛ asɛ anɔkpɛkpɛ nɛ̀ adɔkasɛ ɔkɔ bagɛ etinu Yudanɛ, tɛ ɛdɛ ɖɔ tɛyɛyɛkɛŋã ibuiɛ gɛlɛ ɛlɛ ɔzãkɔ ɔkɔ alɛ. Kibui gbã mɛɖɔ, gɛnɛ asɛnɛ mɛsɛ.

Korintoanɛ 1 2:12

Gɛnɛ ɔfɔfuĩa nɔ gɛode kanɔ nɔ̀ mɛ bɔyɛkɛ, pɔ ɔfɔfuĩa nɔ gɛode Owusoso Akaa ɔkɔ bɔyɛkɛ, sɛ tɛ̀ bulũ kɛgɛ Owusoso Akaa akɔ bɔlɔ kɛbhɛ mabuia mabuia niesi.

Korintoanɛ 2 1:21

Otsi nɔ, Owusoso Akaa yɛabhɛtɛ ɔlɔ pɛ budzi gagalĩ nɛ Kristo mɛ. Asra bɔbɔ akɔ ɔlɔ,

Tesalonikanɛ 1 4:9

Otsi nɛ adzya tɛdɛdɛmɛ nɔ shuɔ, kɛga shɔnɔ ɔsɛ bɔfɔnɔ kɔ wɔnɔ, ɔmɔsɛ Owusoso Akaa atɛ kasɛ wɔnɔ sɛ nɔdɛmɛ nɛ bagɔlɔ.