Yohanes 1 2:20 - Nyangbo New Testament

²⁰ Pɔ nɔmɔ bɔbɔ sasara odenɔ Anɔ Dadalɛ Ɔkɔ, kɛlɛ wɔnɔ petee onyi kibui gbã.

Yohanes 1 2:20 Referans Kwoze

Yohanes 1 2:27

Wɔnɔ xɔnɔɔ, bɔbɔ sasara gɛ nɔyɛkɛ odenɔ yɛ mɛɛ kakpasɛ wɔnɔ mɛ. Nɔgɛ pɛ ananà tɛ akasɛ wɔnɔ ɔdɔ̃. Pɔ gɛ yɛɔbɔ sasara kasɛ wɔnɔ bɔdɔ̃ nɛ ebuiɛ petee shu pɛ butinu asɛnɛ bɔdɔ̃ kakasɛɛ, bɔdɔ̃ gɛ bɔbɔ sasara kasɛ wɔnɔɔ, nɔzã yɛ mɛ ana.

Banɔkpɛkpɛ Axɔ̃ɛ 10:38

kana gɛ Owusoso Akaa asara bɔbɔ akɔ Yesu Nazareteyiɛ nɛ̀ Ɔfɔfuĩa Gbangbã nɛ̀ ohumi, nɛ kana gɛ azagã fala pɛ azabhɛtɛ ebui gbangbã, pɛ ebu banyã nɛ bagazã abosam yɛ ohumi niesi pete mɛ, ɔmɔsɛ Owusoso Akaa azãplɛnii.

Hebrianɛ 1:9

Ɔdɛmɛ nɔ nɛ̀ ɛkpã gbangbã, kɛtakpu mɛ gagalĩ xɔnɔ ɔgɛpɛ, kliso wɔ Owusoso Akaa edzu wɔ nɛ ɔɖaɖama ɔkɔ ɔdɛ wɔhayɛ ɔgana same bɔbɔ̀ sasará kɔwɔ mɛ.”

Yohanes 1 4:13

Bunyi sɛ bɔkpasɛ yɛmɛ kɛlɛ yɛtsyɛ akpasɛ bɔlɔ mɛ, Ɔmɔsɛ yɛakɔ ɔlɔ Ɔfɔfuĩa nɔ.

Banɔkpɛkpɛ Axɔ̃ɛ 3:14

Nɔɖɔ ɔsɛ nɔotinyi Yesu geɛnu anɔ dadalɛ pɛ nobisi ɔsɛ Pilato ashɛnɛ ahɔɛ nɛ anyɛ gɛeyi anunɔ boŋ shu akɔ wɔnɔ.

Kibui Bubú Kasɛ 4:8

Bɔsɛ tuxlo zã bagã talɛ alɛ aka nyia aka shu, kɛlɛ awuhũ gelee azã balɛishu ɔkɔ nyia ɔkɔ, ɔlɔkɔ plɛnɔ bɔsɛ niesi tsyɛ. Kɛlɛ kibe nyiɛ be bazaɖɔ asɛ, “Tɛdadalɛ, tɛdadalɛ, tɛdadalɛ yɛenu Apalete Owusoso Akaa Ohumieleteɛ, gɛ atɛzã eɖi, pɛ alɛ, pɛ azabàbaa.”

Kibui Bubú Kasɛ 3:7

“Fɔnɔ ebui alɛ ɔsɛsɛ axɔ̃ɛdɛ nɛ Filadelfia ɔha mɛ. Ebui alɛ enu anunɔ gɛ yɛenu anɔ dadalɛ, pɛ aɖɔ kibui gɛlɛ ɛlɛ ɔzãkɔ, pɛ yɛevunɔ David ukusiupã opupuiakɔɔ. Kɛgɛ adalɛɛ, anɔ nanà atɛ kalà ɛlɛ adã, kɛlɛ kɛgɛ adãa anɔ nanà atɛ kalà adalɛ ɛlɛ.

Hebrianɛ 8:11

Otsi alɛ anɔ nanà azakasɛ yɛɔhagbo ɔdɔ̃, alo etseɖe yɛadzya asɛ, ‘Apaleteɛ nɛ alɛ,’ ɔmɔsɛ balɛ pete bebèti mɛ, odenɔ anuvɔ bhlui nabha ɔvɛnɔ esheshè nabha.

Korintoanɛ 1 2:15

Anunɔ gɛ akpasɛ Ɔfɔfuĩa nɔ mɛɛ, ekulu kebhu nɛ ebuiɛ petee shu, pɔ yɛxɔnɔ ananà atɛlà kebhu ekulu niyɛ.

Yuda 1:5

Nɔonyi ebui alɛ nyɔ̃ɔ, pɔ ɛpɛ sɛ bakà wɔnɔ sɛ̀ Apaleteɛ ebu yɛanɔ nɔ̀ odenɔ Egipte, pɔ kidegbaa ebeyì bagɛ agɛ yɛkɛ aŋãa.