Yohanes 1 2:17 - Nyangbo New Testament

¹⁷ Kanɔ nɔ̀ nɛ̀ kalɛ mɛ bɔdɔ̃ pɛpɛ ulũ baafala, pɔ anunɔ gɛ abhɛtɛ̀ tɔɖɔ Owusoso Akaa tɛpɛpɛ nabha xɔnɔ abazã nɛ̀ ɛkpã tihɔɔ.

Yohanes 1 2:17 Referans Kwoze

Romanɛ 12:2

Nɔtɛ ɔzã nɛkpã asɛ kanɔ alɛ mɛanɛ, pɔ nɔkɔ Owusoso Akaa yɛetsyina wɔnɔ ekpeɖekpeɖe mɛ tɛbhɛbhɛtɛ yɛedzi avɔvɔ. Kɛlɛ̀ bakɔ ɔsɛ nɔpɔ̃ɛ Owusoso Akaa ebui tɔtɔɖɔɔ mɛ oɖi, kɛgɛ ɛpɛ nɛ̀ kɛgɛ yɛadɛmɛ nɔ, pɛ kɛlɛ ná piapii nɔ.

Korintoanɛ 1 7:31

bagɛ balawɔa kanɔ alɛ mɛ bɔdɔ̃ shu axɔ̃ɛ, asɛ gɛ onupɛ butinu kɛdɔ̃ nanà akɔ alɛ. Ɔmɔsɛ kanɔ alɛ mɛ asɛ gɛ kalɛ otsiɛ nɔ ulũ fala.

Petro 1 4:2

Nɛ kibui ɛlɛ shu soɔ, agazã yɛ ɛkpã gɔgɔɛnɔ nɛ esiakpa abha nɛ anɔdzyrame yɛebui kpa tɛpɛpɛɛ ulũ, pɔ azã nɛkpã akɔ kɛgɛ Owusoso Akaa apɛ nɔ.

Hebrianɛ 10:36

Nɔkpɛ emi, pɛ nɔbhɛtɛ nɛ Owusoso Akaa yɛtɛtɔtɔɖɔ lu abhaa, nɔbɔ yɛkɛ kɛgɛ atɔɖɔ elu asɛ abakɔ ɔnɔɔ.

Petro 1 1:5

banɔ gɛ ɔgana tɛyɛyɛkɛŋã mɛ balɔkɔ Owusoso Akaa ohumi nɔ akpɛ ɔkã nɛ wɔnɔ shu, ɔvɛnɔ kibeɛ gɛ anɔ tibubuɔ gɛ babalɛ elu akɔ nɛ ewui gɔgɔɛ mɛ babà.

Tesalonikanɛ 1 4:3

Kinu Owusoso Akaa tɛpɛpɛ sɛ tɛ wɔnɔ shu dalɛ, sɛ tɛ nɔyɔlɔ ɔmamɛdɛdɛ,

Yakobo 4:14

Kiɖeso, otinyi kɛgɛ bàba ɛlɛ mɛ ivũ. Kiɖe gɛinu wɔnɔ ɛkpã? Ɔmɔlɔ̃ gɛ oku nɛ kibe gulũi tili mɛ pɛ lozo wlui ɔyala ko nonu.

Tesalonikanɛ 1 5:18

Nɔohu ahɔɛ nɛ ebui ka nyia ka mɛ, ɔmɔsɛ kɛlɛinu Owusoso Akaa tɛpɛpɛɛ ɔkɔ wɔnɔ nɛ Kristo Yesu mɛ.

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Koloseanɛ 1:9

Nɛ kibui ɛlɛ shu soɔ, odenɔ kiwuiɛ gɛ kɛlɛ abha bulũ wɔnɔ ɔdɔ̃ɔ, bɔkà yɔlɔ Owusoso Akaa tikukulu kɔ ɔnɔ pɛ bubisi Owusoso Akaa sɛ eyuku ɔnɔ mɛ nɛ̀ kibuititì nɛ yɛ tɛpɛpɛ ulũ ɔganà ɔfɔfuĩa mɛ bubuti nɛ̀ ebui esi lulũɔ petee mɛ.